Wlɛ̀velesɔ̌n 1:16 - Nyesoaa Kuo Win Jajle

¹⁶ Ɔ blěa kwa jɔtnèe nyiɛta klě Ɔɔ dilǎ son mɔ̀ plě panʼà wɛ̌nʼɛ ɛ̈ kɔnʼɔ jǐi sɔ̌n ɛ̌ sonwɛaě Ɔ wan mǒ. Ɔɔ jigbà wnea wòje keà wɛn wulee blǒ mǒ ɛ fɛnʼɛ.

Wlɛ̀velesɔ̌n 1:16 ပူးပေါင်းရင်းမြစ်များ

Matiɔ̌n 17:2

Ɔ̌ sàea keǒ u jemǒ, Ɔɔ jigbà wnea wòje wɛn, è Ɔɔ dale plɛ̌a pɔpɔ wòje wɛnʼɛ pepě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:13

Blǒo dlǒ le wlaeɔ̌ò, klě tǐà ɛ blɛɛa wɛnʼɛ blǒ mǒ wuleea mɔ̀, klě chnɛ̀ jlǒ waěǒ wlòmo Ě kea ɛmo snǔǒ mɔ̀ nɛ, è keà nyu kɛpǒo jǐ Ě jěa pepě ɛ̈ sɔnaěe jɔkɛn mǒ ɛ̈ kɔn plɛplɛ̌ sìnʼaǒo wɛn mǒ, nɛ̀ fɛɛnʼa mǒ klee ně nyopòǒ nɛaa dlǒ.

Ifisiɛ̌n 6:17

Keǒ tabɔ̀poi nii ɔ̌ tuu to gbàkla dlǒ, kě ba nu a kɔn wowa dɛ keǒ aa kpni kukwǐ mɔ̀. A kɔn Ngmà Je Ne Sùsuǒ Ɛ̈ monoo Nyesoaa win a mǐ dɛ kukǔ je wɔ̀n wòje keà tabɔ̀poi blěe pan.

Hiblǔ 4:12

Nyesoaa win ne kmɔ̌ ǐ ni konkwa. I wɛ̌n ǐ sìnʼǒ panʼà kɔnʼɔ jǐi sɔ̌n mǒ. Bǐ paě nyu mǒ, i klɛ̌ klɛ̌ ǐ nyniě nyuǒ mǒ klě ɔɔ fǒo tàa sùsu klee fǒ ngmɛ̀ɛǒo plě klee tàa kbě klee tɛni ngmɛ̀ɛǒo. Nyesoaa win wɔ̀ě ɛle keǒ bi tù tùonyuu dlǒ mɔ̀le sìɛnʼɛ dɛ blilǐ mɔ̀ klee ɔɔ jlajlǎ dɛ ï neǒ ɔɔ wlò kɛn.

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 10:1

È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

Wlɛ̀velesɔ̌n 12:1

È Ě jěa jboo dɛ fòɛ tɛ̀ɛ nɛ̀ beaě jɔkɛn, ɛ mooa nynɔ tɔ̀ɔ ɔ̈ peaa wɛn mǒ wòje keà nyu pee wlawlǒ mǒ. Sòbae neaě ɔ bobo plě ɔ̌ tùa klɔ̀ba flɛ̌ dlǒ ɛ̈ u nuua jɔtnèe pù tùo sɔ̌n.

Wlɛ̀velesɔ̌n 19:15

Wonwɛ̌n pan nɛ̀ sɔnaě Ɔ wan mǒ ɛ̈ Ɔ miaa numa Ɔ mǐaa dakwɛ̌ wan du. Ɔ mi u win kwa kɔnma klě kpě kɛne tǔn wlòmo. Ɔ mi nmɔɔ tòuǒ duba ɛ̈ moo Nyesoaa kpě kɛne jlo.

Wlɛ̀velesɔ̌n 19:21

Uu wùɛǒ siaǒo panʼǒ nɛ̀ dbǎla u ɛ̈ sɔnaěe sòkoo kɛn nae Nyuǒ wan mǒ, è noe wùɛ dia uu fěǒ ii kwliǎ jǐaě le.

Wlɛ̀velesɔ̌n 2:1

È Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛ moo Ɛfèse wlòmo, kě bò dǎ ɔ je u je, ‘Winʼà i sɔnʼě mɔ̀ mǒ Nyuǒ blěe jɔtnèe nyiɛtaǒ kwa klě Ɔɔ dilǎ son mǒ klee Ɔ̈ nɛɛ le klě klò nǎpea tii nyiɛtaǒ slè.

Wlɛ̀velesɔ̌n 2:12

Jùsu kpɛɛa Ɔɔ win nya kě Ɔ dɛ̌a Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Pakemɔ̀ kɛn, kě bò dǎ ɔ je u je, ‘Tuposàà nɛ̀ sɔnʼě Nyuà mɔ̀ mǒ Ɔ̈ kɔnʼɔ wonwɛ̌n pan ɛ̈ kɔnʼɔ jǐi sɔ̌n.

Wlɛ̀velesɔ̌n 2:16

A kɔn ba bitǐ aa wlè bo, nɛ̀ bǎ se nu, Ě miě a mɔ̀ diba pase Ě mǐ pan nu ɛ̈ sonwɛ Mǒo wan mǒ Ě mǐ a mɔ̀ wɔ̀n.’

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.