Wlɛ̀velesɔ̌n 1:11 - Nyesoaa Kuo Win Jajle

¹¹ kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:11 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:14

Nynoǒ peaa nɔkǔ bo u nyuu doo nynɛ̌ mooa Ledèa. Ɔ sɛ̀a Nyesoaa wɛ̀ plě ɔ̌ mooa manǐwlù dalee pɛlě po nyu, ɔ sɔnaě mǒ dě fòɛǒ moo Taetawlà kɛn. Koɔn knana ɔɔ wlò je keǒ bɔ poa tèǒ Pɔ̀ɔ̌ boɛaa kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:24

È klě tǐǒ wlòmo Jùwɛpoi tɔ̀ɔ ɔ̈ kɔn nynɛ̌ mooa Apolò ɔ̈ kɔɔnʼa lěe diěǒ mooaa Ɛlesandlèa kɛn nɔ̀ dia lě Ɛfèse dǐa. Ɔ jia chněedɛ̌ chɔɔ plě ɔ̌ jboa Nyesoaa win le tɛɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:17

Tà Pɔ̀ɔ̌ wǒaǒo Mɛnetɔ̀, ɔ̀ dboa win klě Tentǎn Jǔu wǎnʼa bòlibo mɔ̀ ü nea lěe Ɛfèse keǒ u klee ɔ bu mɔɔa klě Mɛnetɔ̀.

1 Kwnɛtiɛ̌ 15:32

Bɛ̌ nu bɛ̌ moo ně chɛ̀ɛ ble po dɛ keǒ boǒ wɔ̀n kpnii jǐlenymi nyo mɔ̀ wòje soa kělɔ dě fòɛà moo Ɛfèse wlòmo, bo jě kàan dɛ ɛ miǒ mǒo bo poba? È bɛ̌ nu kokǒ nyo bǔ seǎ je měne dǔba mu, è a nɛ bä nu äa chɛ̀ɛ kmɔ̌. Mɛ̌oǒ joo nɛ̀ moo kànʼǒ di kàn lěe ä mi kàn kǒba. (Is 22.13)

1 Kwnɛtiɛ̌ 16:8

Ě miě dě fòɛǒ moo Ɛfèse wlòmo bo nema ɛ mǐ ɛ kpa kpa ɛ mǐ kou bɛ̌ tǐ bi wɛ̀ǒ le ɛɛ de ngmnengmnɛ̌ǒ ɛ̈ moo Pɛntèkɔ kɛn jɛɛ le.

Ifisiɛ̌n 1:1

Mǒ Pɔ̀ɔ̌à chlě chněedɛ̌à ɔ̈à Nyesoaa chɛ̀ tbaa bɔ̈ monoo tuposà kpa nyu keǒ Tentǎn Jǔ Jùsu mɔ̀, Ě chleě amo Nyesoa wǎn mɔ̀ ü neěe dě fòɛǒ moo Ɛfèse wlòmo ü kɔnʼɔ tè wlò popoɛ klě Tentǎn Jǔ Jùsu mǒ.

Klasɔ̌n 2:1

Ě jlɛ̌ ba kɔn ɛ jijiɛ ɛ̈ moo Ě dǔa konkwa jakǎ nunuɛ mǒ no keǒ a mɔ̀ klee nyopòǒ neěe Lodisìa diě kɛn klee nyopò fòfoa tùu ü sěɛlǎ mǒo jě

1 Timɛtě 1:3

Tà Ě mia lěe Masedonìa wakǎ kɛn, keǒ Ě nua ɛ mòo tmɔɔ̌a kě bò nu, Ě jlɛ̌ bò neě klě dě fòɛǒ moo Ɛfèse kɛn bo. Dɛǒ nɛ̀ bò nu mì nyopòǒ neěe ü tee lee sen noǎ keǒ Jùsu jleě mǒ je kan.

Wlɛ̀velesɔ̌n 1:17

Tà Ě jěa Lɔɔ, Ě pɛnaǒ Ɔ be wɔ̀ɔn bo keà nyu kǒo. È Ɔɔ dilǎ son nɛ̀ Ɔ mǎnaǎ kɛn bo, kě Ɔ dɛ̌a Ɔ je, “Fano bɛ bɔ̌ɔ̀ nunuɛ, Mǒ moo Klekle Nyu klee Demǒ Bɔɔ̌ Nyu

Wlɛ̀velesɔ̌n 1:19

Tèǒ nì kɔn tè chlě noǎà jèe ii tè, jà noǎà jèe klě tǐà wlòmo klee noǎ tìi mìǎa jěba.

Wlɛ̀velesɔ̌n 1:2

Kělɔ chněedɛ̌ɔ wlòmo Ě sèsae ii tè kɛn le ɛ̈ kwɛɛǒo noǎ wùɛ Ě jěaa jleě mǒ bo. Winʼà i moo Nyesoaa tuposà klee dɛ Tentǎn Jǔ Jùsu tmɔɔ̌a mǒo.

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 10:4

Tà tɛ̀nʼɛ pnapnǎ kplěe nyiɛtaǒ i sìnʼaa, è Ě wɛ̀a mɔ̀ keǒ bo chlěa, kɛɛ Ě wɔ̌na win ï sɔnaěe jɔkɛn mǒ, kě i dɛ̌a i je, “Tɛ̀nʼɛ pnapnǎ kplěe nyiɛtaǒ dɛǒ i boɔɔ wɛ̌ ɛ je, nè chlě ɛ.”

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 19:9

È kě najiǒpòiǒ ɔ dǎlaǎ je ɔ je, “Chlě dɛà ɛ̈ moo, ‘Ngmna keǒ nyopòǒ mɔ̀ ü dae lee Blajǔu tǐnma digbaǐǒ kɛn.’ ” È kě ɔ dɛ̌aǎ je ɔ je, “Noǎ wùɛǒ chlèe nì moo kàan tuposà ɛ̈ sɔn lěe Nyesoa mɔ̀ mǒ.”

Wlɛ̀velesɔ̌n 2:1

È Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛ moo Ɛfèse wlòmo, kě bò dǎ ɔ je u je, ‘Winʼà i sɔnʼě mɔ̀ mǒ Nyuǒ blěe jɔtnèe nyiɛtaǒ kwa klě Ɔɔ dilǎ son mǒ klee Ɔ̈ nɛɛ le klě klò nǎpea tii nyiɛtaǒ slè.

Wlɛ̀velesɔ̌n 2:12

Jùsu kpɛɛa Ɔɔ win nya kě Ɔ dɛ̌a Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Pakemɔ̀ kɛn, kě bò dǎ ɔ je u je, ‘Tuposàà nɛ̀ sɔnʼě Nyuà mɔ̀ mǒ Ɔ̈ kɔnʼɔ wonwɛ̌n pan ɛ̈ kɔnʼɔ jǐi sɔ̌n.

Wlɛ̀velesɔ̌n 2:18

È Jùsu tmɔɔ̌aǎ ne de Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Taetawlà wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyesoaa Jǔ Ɔ̈ kɔn jǐ wnee wòje napèpɛlo klee Ɔ̈ kɔn be nee wlekě wlekě ï wnee wòje kanwɛɛ ɛ̈ u sonwaa fǒ měne.

Wlɛ̀velesɔ̌n 2:24

Kɛɛ tèà nì Ě boɛ aa wùɛǒ je ü neěe Taetawlà üǔ blěǒo Jesèbɛɛ teea mɔ̀ kwa klee ü see dɛ u dɛɛ Setɛ̀nʼɛ je wɛ̌ dɛ ji, Ě see kɛ̀ a dɛ tɛ̀ɛ nyema mu keǒ ba nu,

Wlɛ̀velesɔ̌n 2:8

È kě Jùsu dǎlaǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Smanà wlòmo, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà monoo Klekle Nyu klee Demǒ Bɔɔ̌ Nyu Ɔ̈ kǒaa plě Ɔ̈ nee kmɔ̌ de.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 22:10

È ɔ tmɔɔ̌a mǒ ɔ je, “Tǐ konwǎ mɔ̀ keǒ wnɔsà winʼà neɔɔ chněedɛ̌ɔ wlòmo bi kpa tùɔn, ii tè nè wɛ̌ li.

Wlɛ̀velesɔ̌n 22:16

Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.

Wlɛ̀velesɔ̌n 3:4

A kɔɔ̌n jè mòngmɛ nyo neě amoo slè ü sěɛ uu kmɔ̌ jǐ le nymii ni. U miǎ lěě mɔ̀ nema u miǎ dale plǐ měne po. Mɛ̌oǒ joo nɛ̀ moo u blɛɛǒ je keǒ bu kɔn kmɔ̌ sie fònfno.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.