Wlɛ̀velesɔ̌n 1:1 - Nyesoaa Kuo Win Jajle

¹ Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 1:1 ပူးပေါင်းရင်းမြစ်များ

Jɔ̀ɔ̌n 12:49

Mɛ kɔɔ̌n tèǒ joo nɛ̀ moo noǎ wùɛà Ě boɛ amoo je Ě slě i Ně chɛ̀ dlǒ wlòmo sà, noǎ wùɛà Ě boɛɛ i sɔnʼě mǒ Ně Gbeǐi doǒ mɔ̀ Ɔ̈ dbo Mǒo, Nɔ̀ tmɔɔ̌ Mǒ Bo boɔ li.

Jɔ̀ɔ̌n 15:15

Ně dae lee kɛ̀ a na wien po nyebajle. Mɛ̌oǒ joo nɛ̀ moo nyebajlo se dɛ ɔɔ chì kpa ämo nii ji. Ě dɛɛ a nenawa. Mɛ̌oǒ joo nɛ̀ moo noǎ wùɛ Ě wɔ̌nʼě Něe Gbeǐ mɔ̀ nì Ě po pepě mǒ keǒ amo.

Jɔ̀ɔ̌n 17:8

Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

Jɔ̀ɔ̌n 3:32

Ɔ tmɛɛ̌ nyopò tùu noǎ Ɔ wɛ̌nʼɛ plě Ɔ jěe klě Nyesoa mɔ̀, kɛɛ dɛǒ Ɔ boɛɛ nyu wùɛ nɔ̀ ɔɔ̌ po Ɔɔ tè kàan tè.

Jɔ̀ɔ̌n 8:26

Ě kɔn noǎ fòfoa ï kɔn tè Bo boɔɔ keǒ a jleě mǒ plě ï kɔn tè Bo jɛɛ amoo. Sɔ̌noka, Ě tmɛɛ̌ kmɔ̌ ne tùonyopo sosǒ dɛǒ Ě wɔ̌nʼɔ klě Nyuà Ɔ̈ dbo Mǒo mɔ̀, plě Ɔ tmɛɛ̌ neě kàan tè.”

Wlǔmɔ 16:25

A nɛ bä po Nyesoaa nynɛ̌ le Ɔ̈ nye amoo kbě ǎ nee kmɔ̌ wòje keǒ kàan tuposà klee tuposàà Ě pee keǒ Tentǎn Jǔ Jùsu jleě mǒ nu ɛɛ boɔboɔ. Tentǎn Jǔ mooa Je Wɛ̌ Dɛ klě jlě fòfoa wlòmo plě Nyesoa po Ɔ pepě mǒ.

Kalesiɛ̌n 1:12

Tuposàà ɛ se tùonyugbe ɔ se ɛɛ̌ nye plě tùonyugbe seě tee le, kɛɛ Jùsu Tentǎn Jǔ Nɔ̀ po ɛ pepě mǒ keǒǒ mɔ̀.

Ifisiɛ̌n 3:3

Nyesoa po Ɔɔ je wɛ̌ dɛǒ mǒ pepě keǒǒ mɔ̀ ɛ̈ kɔn tè Ě chɛɛn nee kɔno dlǒ sosǒ Ě tmɔɔ̌ amoo.

Taetɔ̌ 1:1

Mǒ Pɔ̀ɔ̌à chlě chněedɛ̌à ɔ̈ monoo Nyesoaa na wien po nyebajlo klee Tentǎn Jǔ Jùsuu tuposà kpa nyu keǒ bo jaɔ nyopòà Nyesoa tbaa tè wlò popoɛ mɔ̀. Ě tee u Nyesoaa kàan tè měne jijiɛ ɛ̈ nii nyu ɔ̌ nii Nyesoa dɛ.

Wlɛ̀velesɔ̌n 1:19

Tèǒ nì kɔn tè chlě noǎà jèe ii tè, jà noǎà jèe klě tǐà wlòmo klee noǎ tìi mìǎa jěba.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 17:1

È najiǒpòǒ blěaa fuii nyiɛtaǒ u nyuu do nɔ̀ dia lěě mɔ̀, kě ɔ dɛ̌aǎ je ɔ je, “Diě, Ě mǐì plɔɔ tu kɛn bo maěa fòɛǒ tee le keǒ gblà nynɔǒ mɔ̀ ɔ̈ neǒo neǎ sakaǐ fòfoaǒ kɛn.

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 19:9

È kě najiǒpòiǒ ɔ dǎlaǎ je ɔ je, “Chlě dɛà ɛ̈ moo, ‘Ngmna keǒ nyopòǒ mɔ̀ ü dae lee Blajǔu tǐnma digbaǐǒ kɛn.’ ” È kě ɔ dɛ̌aǎ je ɔ je, “Noǎ wùɛǒ chlèe nì moo kàan tuposà ɛ̈ sɔn lěe Nyesoa mɔ̀ mǒ.”

Wlɛ̀velesɔ̌n 21:2

Ě jěa ngmà je ne diě ɛ̈ moo Jlǔsnɛ jajlo ɛ̌ sonwɛaě jɔkɛn mǒ klě Nyesoa mɔ̀ ɛ̌ diaɔ wɔ̀ɔn. U wɔ̀a ɛ mɔ̀le wòje keà tǐnma nynɔ pee jǐlenmɔ dale měne ɔ mi ɔɔ jbe je mɔ̀ɔma.

Wlɛ̀velesɔ̌n 21:9

È najiǒpòo nyiɛtaǒ blěaa fuii nyiɛtaǒ ï jǐaa sònwɛ jěe noǎa nyiɛta je nù kɔn nyuu do dia lěě mɔ̀, kě ɔ dǎlaǎ je ɔ je, “Diě, Ě mǐì tǐnma nynɔà tee le ɔ̈ moo Blajǔu nynɔ.”

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 22:16

Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 22:6

È kě najiǒpòiǒ ɔ dɛ̌aǎ je ɔ je, “Win wùɛà chlèe i moo wlò kpae dɛ plě ǐ moo kàan. Koɔn Nyesoaà nye Ɔɔ Sùsu Ɔɔ wnɔsàɔpo Nɔ̀ dbo Ɔɔ najiǒpòià bɔ tee Ɔɔ nyebajle klee nynejlu noǎà mii tùɔn kpaba pase.”

Wlɛ̀velesɔ̌n 22:8

Mǒ Jɔ̀ɔ̌nʼà mǒ wɔ̌na imo noǎà ii tè plě ɔ̈ jěa li. Tà Ě wɔ̌na nii plě Ě jěa lii, è Ě kɔa kwne bo keǒ najiǒpòiǒ jemǒ Ě mǐa ɔɔ wɛ̀ sà ɔ̈ teea mǒo noǎǒ.

Wlɛ̀velesɔ̌n 22:9

Kɛɛ kě ɔ dǎlaǎ je ɔ je, “Bɔ̌ ɛ nunuɛ, Ě moo Nyesoaa nyebajlo wòje keǒ mò klee bìì Nyesoa nyoo ka nee je ü moo Ɔɔ wnɔsàɔpo plě klee nyopò wùɛ ü poo winʼà neɔɔ chněedɛ̌ɔ wlòmo ii tè kàan tè. Sà Nyesoaa wɛ̀, nè sɛ̀ ně wɛ̀!”

Wlɛ̀velesɔ̌n 4:1

Tà dɛǒ ɛ sìnʼaa, Ě keaǒo le tɛn, Ě jěa chnu ɛ̌ knana klě jɔkɛn. È winʼi doǒ Ě wɔ̌naa klekle nì boɛa lěě mɔ̀ wòje keà nokpa boɛɛ i je, “Jǎ, diɔ tàɔ, Ě mǐì noǎà tee le ï dɛà bɛ̌ sìnʼi ï mii tùɔn kpaba.”

Wlɛ̀velesɔ̌n 5:7

Nɛ̀ mua Ɛ̈ dǔa plaplǎ chněedɛ̌ǒ mǒ Ɛ̈ sàlaě ɛ Nyuǒ neaǒo klɔ̀ba gbèsɛɛǒ kɛn bo Ɔɔ dilǎ son mǒ.