Matiɔ̌n 22:3 - Nyesoaa Kuo Win Jajle

³ plě ɔ dbe ɔɔ na wien po nyebajle bu daa nyopò ü ɔ jlɛ̌ bü di ɔɔ jǔu tǐnma mu digbaǐǒ kɛn, kɛɛ u je u seě di.

Matiɔ̌n 22:3 ပူးပေါင်းရင်းမြစ်များ

Matiɔ̌n 21:34

Tà nano chɛ̌n tǐ nyniaǒo, ɔ dboa ɔɔ nyebajle klě u mɔ̀ ɛ̈ di ɛɛ numa ɔ blěe wakǎ ɔ kɔnaa klě u mɔ̀ u mia lɛ ɔ̀ nye.

Matiɔ̌n 23:37

È kě Jùsu dɛ̌a Ɔ je, “Jlǔsnɛ nyo ale, Jlǔsnɛ nyo ale, amoà dbɛ̌ɛ Nyesoaa wnɔsàɔpo plě ü dbɛɛ̌ lee nyopòà Nyesoa dboɔ amoo mɔ̀ seɛ̌, klě tǐ fòfoa wlòmo Ě jlɛ̌ Boǒ bòo a le kělɔ Ně chɛ̀ mɔ̀ wòje keǒ soǎn naǎ nii ɔ̌ gbè ɔɔ jlǔ le klě ɔɔ chɛ̀ɛ kpakpea bobo, kɛɛ aǎ nyeě fɔ̌.

Matiɔ̌n 3:2

È kě ɔ dɛ̌a ɔ je, “Nyesoa diě le Ɔ mǐ a win kwa kɔn. Ii tè a bitǐ aa wlè bo!”

Matiɔ̌n 9:15

È Ɔ tùa lu kɛ̀ɛn Ɔ je, “Tǐnma mu nynɔɔ jbee mɔ̀niapo wɔ̀le je bu chìn kɛ le tà u klee nynɔ kɔn nyuǒ u neě jèǒ tàa do le? Kɛɛ ɛ kɔn tǐ miǎ lěe diba tǐnma nynɔɔ jbeǒ ɔ miǎě u slè sàe le plě u miǎa kɛ wɔle le nu u miǎ chìn.

Lǔkù 13:34

Jlǔsnɛ nyo ane, Jlǔsnɛ nyo ane, amoà dbɛ̌ɛ Nyesoaa wnɔsàɔpo plě ü dbɛɛ̌ lěe nyopòà Nyesoa dboɔ amoo mɔ̀ seɛ̌, klě tǐ fòfoa wlòmo Ě jlɛ̌ Boǒ bòo a le kělɔ Ně chɛ̀ mɔ̀ wòje keǒ soǎn naǎ nii ɔ̌ gbè ɔɔ jlǔ le klě ɔ chɛ̀ɛ kpakpea bobo, kɛɛ aǎ nyeě fɔ̌!

Lǔkù 15:28

Dɛǒ nɛ̀ poa jbɛjuju fòɛǒ jlo mǒ ɔ̌ je ɔ̌ sea koǔ bo pa. È ɔɔ gbeǐ muaě ɔ mɔ̀ ɔ̌ bɛ̀tea ɔ le keǒ bɔ pala koǔ bo.

Lǔkù 19:27

È keǒ nyopòà moo něe jlae nyo mɔ̀ ü see jlǎ boǒ monoo klɔ̀ba, a jaě u kěàǎ jemǒ a mǐ u dbǎ.’ ”

Jɔ̀ɔ̌n 5:40

Kɛɛ aǎ jlǎ ba diɔɔ̌ mɔ̀ a mǐ kmɔ̌ siee fònfno kɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:45

Tà Jùwɛ nyo jěaa diblɛ̌ǒ, è u nia chea ǔ cheɛɛ̌a Pɔ̀ɔ̌ le klee ǔ boɛa winʼǒ ɔ boɛɛa tè fǒ měne.

Wlǔmɔ 10:21

Kɛɛ dɛà nɛ̀ Nyesoa boɛaǒ Ǐsòwɛ̌ kwɛɛn jleě mǒ, kě Ɔ dɛ̌a Ɔ je, “Ě pnɛ̌a Ně chɛ̀ɛ son mǒ klě tǐ pɛ̀ti wlòmo keǒ nyopòà üǔ tùǒ Mǒo bo mɔ̀ plě ü wɛ̀n mǒo je.” (Is 65.2)

Hiblǔ 12:25

Ba jě lɛ ɛ̈ moo aa wlè biǐ jɛkɛ̌ keǒ ba po Nyesoaa win nɔkǔ jebo. Tǐǒ jleě Ɔ boɛa Ɔɔ winʼǒ klě kmɔ̌ mɔ̀, nyopòǒ je ü sea Ɔɔ nɔkǔ jebo po, Ɔɔ plɔɔ tu kɛn bo maěaǒ u sea ɛ je plùu lu. Bɛ̌ nu bä tbɛ Ɔ kɛn Ɔ̈à sèsɛɛ ämoo wlòmo jɔkɛnʼɛ tè, a mi plɔɔ tu kɛn bo maěa fòɛ kɔnma.

Hiblǔ 9:15

Tèǒ nì kɔn tè Tentǎn Jǔ Nɔ̀ nynaǒ Nyesoa klee tùonyopo slè bo keǒ kuo win jajleǒ mɔ̀ ɛ̈ di ɛɛ numa nyopòǒ Nyesoa daa u mǐ kmɔ̌ sie ngmna kɔn ɛ̈ Nyesoa peeaě uu. Tentǎn Jǔ kǒa le Ɔ̌ gblàla u klě uu kpni kukwǐ slè ï u nuaa tǐǒ jleě u nea lěe kuo win dakě bobo, tèǒ nì kɔn tè ɛ wɔ̀ě ɛle.

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.