Matiɔ̌n 16:3 - Nyesoaa Kuo Win Jajle

³ È bǎ chèě jɔ mǒ bo klě kènta wlòmo, bò dě bɛ̌ gbukɔɔě le, à je chnɛ̀ mi nymima kekɛɛà. Bǎ chèě jɔ mǒ bo, à ji chnɛ̀ jlǒ wěe jboo noǎ ne, kɛɛ klě tǐà wlòmo a slě wɔ̀ ba jbo noǎà le ï kpɛɛ tùɔn dɛ i sɛ̀nʼɛ nynɛ̌.

Matiɔ̌n 16:3 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Matiɔ̌n 15:7

Amo ä jěè kɛn ä daà kàan chènyɔ Nyesoa nyoà, ɛ wɛɛnʼaǒ le keǒ Aesaeǎ bɔ sàla wan keǒ a jleě mǒ bɔ dǎla bò ɛ̈ moo,

Matiɔ̌n 22:18

Kɛɛ Jùsu jia dɛ kukǔ tae u sìɛnʼaa dlǒ mɔ̀le ne, nɛ̀ kɔn tè Ɔ gbàla u wan Ɔ je, “Mɛ kɔɔ̌n tè a tɛ̀ɛ̌n kɛě Mǒ měne amo ä jěè kɛn ä daà kàan chènyɔ Nyesoa nyoà?

Matiɔ̌n 23:13

Chlǒ keǒ amo teteǎ tee nyo klee Fɛlesǐi wǎn mɔ̀. Amo ä jěè kɛn ä daà kàan chènyɔ Nyesoa nyoà. Mɛ kɔɔ̌n tèǒ joo nɛ̀ moo jɔkɛn nɛ̀ kɔn chnu a po nyopò tùu je. A slě paba mu, nɛ̀ kɔn tè nyopòà peěe kbě le ü miěe pa a kenkɛɛ u je le uǔ di pa.

Matiɔ̌n 4:23

Tà dɛǒ ɛ sìnʼaa, è Jùsu nɛna Jàlalǐi wakǎ wùɛǒ kɛn le Ɔ̌ teea nyopò klě Jùwɛ nyoo Nyesoa keǐ bo ble le Ɔ̌ pea u Nyesoaa kàan tuposà je ɛ̈ kwɛɛǒo Nyesoa Bɔ kɔn uu kmɔ̌ neneɛ win kwa jleě mǒ bo. Ɔ peana nyopò wùɛɛ kmakma klee kweǎa doědoe.

Matiɔ̌n 7:5

Mòo ä jěè kɛn ä daà kàan chènyɔ Nyesoa nyu, nyane dɛ bò nuu nɛ̀ moo sàě dìe tu peǎnʼǒ jǐ mǒ, bò kee kɛ le jě tɛɛ plě mòo kɛ lě nyuǒ wɔtaeǒ jǐ mǒ sà.

Lǔkù 11:44

Chlǒ keǒ a mɔ̀. Mɛ kɔɔ̌n tèǒ joo nɛ̀ moo a wǒ je tnèà see jbooa kɔn nyopò see ji u nɛɛ kɛn, è uǔ jě dɛ kukǔǒ neě ii wlòmo.”

Lǔkù 12:56

Amo ä jěè kɛn ä daà kàan chènyoà, bǎ chè lɔ blǒ mɔ̀ bo plě bǎ chèě jɔ mǒ bo, è a wɔ̀le ɛle keǒ ba jbo ɛ le dɛ i sɛ̀n nynɛ̌, kɛɛ mɛ kɔɔ̌n tè aǎ jboǒ noǎà kpɛ kekɛɛ tùɔn ii tè le?

Lǔkù 13:15

È Koɔn tùia lɔ kɛ̀ɛn Ɔ je, “Amo ä jěè kɛn ä daà kàan chènyɔ nyopò nae nyoà, klě Nyesoaa de fɛ waě wlòmo a nyuu blǐ klee jakǎsè nenǎ to bɛ̌ ke ii dɛ ni, a sɛ̀ě ɛ blò wan ǎ kpɛě ɛ plomǒ ǎ nye ɛ ně.

Hiblǔ 5:14

Digbaǐ jakě kɔnʼǒ kunkun nyo mɔ̀ ü u tee lee bü jii dɛ neǒo kàan klee kukǔ slè.