Matiɔ̌n 10:1 - Nyesoaa Kuo Win Jajle

¹ È Jùsu dala Ɔɔ mɔ̀ cheěn nyoo pù tùo sɔ̌nʼǒ Ɔ̌ nyea u kpě u mǐa lě nyopò kǔ sìsi ja le sà, u mǐa kmakma klee kweǎa doědoe pean.

Matiɔ̌n 10:1 ပူးပေါင်းရင်းမြစ်များ

Lǔkù 10:19

A po nɔkǔ bo, Ě nye a kpě keǒ ba na smea kɛn plě klee kèaǐkèe plě Ě nye a kpě ï neǒ aa jlae nyu kǔu kpě wùɛ dlǒ mǒ ɛ̈ di ɛɛ numa dɛ wùɛ ɛɛ̌ di a mɔ̀ gbè.

Lǔkù 24:49

Ě mi a Ngmà Je Ne Sùsu mɔ̀ dboba Ɛ̈ Ně Gbeǐ peeěe Bɔ dboo kělɔ a mɔ̀. Ii tè klě ba neě Jlǔsnɛ bo a mǐ Ɛ kɛn mǒ fo, ɛ mǐ ɛ kpa kpa kpěǒ miěe jɔkɛn mǒ sɔnma i mǐ a je jǐ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:8

Kɛɛ dɛ ba jii nɛ̀ moo bɛ̌ nu bo Ngmà Je Ne Sùsu Bɛ̌ diě a ja, Ɛ mi a Nyesoaa kpě nyema, è a mi sàse dɛ numa keǒ nyopò tùu mɔ̀ keǒ Ně tè mɔ̀ kělɔ Jlǔsnɛ klee kělɔ Jùdǐa wakǎ wùɛɔ kɛn klee klě Sìmɛ̌lia blǒ wùɛǒ wlòmo ɛ mǐ mu mu ɛ mǐ kmɔ̌ wùɛà dlǒ wɔ̀.”

Jɔ̀ɔ̌n 3:27

Jɔ̀ɔ̌n tùa u kɛ̀ɛn ɔ je, “Nyu wùɛ nɔ̀ se kpěǒ blě ɛ̀ sìnʼǒ Nyesoa Bɔ̌ nye i ɔ plě.

Lǔkù 6:13

Tà chnɛ̀ tɛ̀ɛ gbàlaa le, Ɔ dala Ɔɔ mɔ̀ na nyo wùɛǒ Ɔ̌ sàlaě u tàii pù tùo sɔ̌n slè ü Ɔ dɛɛa Nyesoaa tuposà kpa nyo.

Lǔkù 21:15

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:15

kɛɛ kě sùsuǒ ɛ dǎla u je ɛ je, “Ě ji Jùsu klee Pɔ̀ɔ̌ lo, kɛɛ mɔ a monoǒ kɛ?”

Jɔ̀ɔ̌n 17:2

Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

Jɔ̀ɔ̌n 6:70

È kě Jùsu dɛ̌a u je Ɔ je, “Dɛ̌ɛ̀ Mǒà Mǒ sàǒ aa tàii pù tùo sɔ̌nʼàò? Aa nyuu do moo kǔ.”

Jɔ̀ɔ̌n 3:35

Nyesoa moo Gbeǐ Ɔ̌ noɛɛ Ɔɔ Jǔ mǒ, tèǒ nì kɔn tè Ɔ sàǒ noǎ wùɛ nì Ɔ poě Ɔ kwete mǒ.

Wlɛ̀velesɔ̌n 12:1

È Ě jěa jboo dɛ fòɛ tɛ̀ɛ nɛ̀ beaě jɔkɛn, ɛ mooa nynɔ tɔ̀ɔ ɔ̈ peaa wɛn mǒ wòje keà nyu pee wlawlǒ mǒ. Sòbae neaě ɔ bobo plě ɔ̌ tùa klɔ̀ba flɛ̌ dlǒ ɛ̈ u nuua jɔtnèe pù tùo sɔ̌n.

Matiɔ̌n 26:47

Tà win kɛ̀naěe Jùsu wan bo, è Jùdǎse ɔ̈ mooaa tàii pù tùo sɔ̌nʼǒ u nyuu do, è nɔ̀ǒ nyniaǒ ɔ klee diblɛ̌ ü blěaa wonwɛ̌n pen klee kpangbia kwa le ü Nyesoaa kpatòapoo fòe klee Jùwɛ nyoo bòlibo dboaa.

Matiɔ̌n 26:20

È tà wìtie wɔ̀laa, Jùsu klee Ɔɔ mɔ̀ cheěn nyo neaǒ di fuo kɛn

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Matiɔ̌n 6:13

È Nè kpɛě ä měne tèntɛn slè, kɛɛ gblàě ä dɛ kukǔ slè. Mɛ̌oǒ joo nɛ̀ moo Mòà Mò moo Klɔ̀ba Ɔ̈ kɔn win kwa klě kpě klee tè jǐ boaboǎ wlòmo tǐ wùɛ mɔ̀, kě bɛ ne.’ ”

Matiɔ̌n 4:23

Tà dɛǒ ɛ sìnʼaa, è Jùsu nɛna Jàlalǐi wakǎ wùɛǒ kɛn le Ɔ̌ teea nyopò klě Jùwɛ nyoo Nyesoa keǐ bo ble le Ɔ̌ pea u Nyesoaa kàan tuposà je ɛ̈ kwɛɛǒo Nyesoa Bɔ kɔn uu kmɔ̌ neneɛ win kwa jleě mǒ bo. Ɔ peana nyopò wùɛɛ kmakma klee kweǎa doědoe.

Matiɔ̌n 9:35

È Jùsu nɛa dě fòe klee deě wùɛǒ kɛn le. Klě deěǒ kɛn Ɔ nɛa Jùwɛ nyoo Nyesoa keǐ je le Ɔ̌ teea u Ɔ̌ pea u Nyesoaa kàan tuposà je ɛ̈ kwɛɛǒo Nyesoaa win kwa konkɔn jleě mǒ bo. Ɔ peana nyopò wùɛɛ kmakma klee kweǎa doědoe.

Matiɔ̌n 9:38

Tèǒ nì kɔn tè ba gbà chèǒ ɛɛ konkɔn Nyu wan Ɔ̈ monoo Nyesoa Ɔ mǐ nyopò fòfoa dbo u mǐ Ɔɔ kouǒ bɛ̌.”