Mǎkè 9:9 - Nyesoaa Kuo Win Jajle

⁹ È tà u keaěe togbeeǒ dlǒ mǒ sonwɛ, Jùsu tmɔɔ̌a nu buǔ tmɛɛ̌a nyu wùɛ keǒ dɛǒ u jěaa mɔ̀ ɛ mǐa ɛ kpa kpa bo Jbɛjuu Jǔǒ Bɔ̌ kǒa Bɔ̌ sɔnǎě kǒla mǒ Bɔ̌ dǔa jemǒ plě.

Mǎkè 9:9 ပူးပေါင်းရင်းမြစ်များ

Matiɔ̌n 12:19

Ɔ klee nyu se chɛtlǐiba mu plě Ɔ se nyu wùɛ jǐ měne pnaěma mu, tèǒ nì kɔn tè nyu wùɛ nɔ̀ se Ɔɔ win wɔ̌nma mu klě sniǎ mɔ̀.

Matiɔ̌n 12:40

Kě Nyesoaa win dɛ̌ i je, ‘Ke kɔn doǒ Jònǎ nuaa ɔ̌ sìnʼa lěe jbodoɛ̌ wlòmo chnɛ̀ jlǒ wěe tan klee tǒn jlǒ wěe tan,’ (Jonah 1.17) kě Mǒ Jbɛjuu Jǔà Ě mi numa, Ě miě blǒ wlò beba klě Ě miě chnɛ̀ jlǒ wěe tan klee tǒn jlǒ wěe tan sìnma.

Matiɔ̌n 16:21

È Jùsu tùngmaea Ɔɔ mɔ̀ cheěn nyo tmɔɔ̌a Ɔ je, “Ɛ wɛɛnʼǒ le Bo muě Jlǔsnɛ u miǐ kme, Ě mǐ sònwɛ jě klě Jùwɛ nyoo bòlibo klee kpatòapoo fòe klee teteǎ tee nyo kwete mǒ. U miǐ dbǎba, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa miǐ jemǒ dǔba de.”

Matiɔ̌n 27:63

è kě u dɛ̌a u je, “Chì kpa ämo, i beě ä mǒ wlò tǐà jleě sen le tmɔ̌ Nyuà Ɔ neěa jèe kmɔ̌, winʼà nì Ɔ boɛa ɛ̈ moo Bɔ̌ kǒa klě chnɛ̀ jlǒ wěe tan nenɛ wlòmo Nyesoa miǎě Ɔ kǒla mǒ sàba Ɔ miǎ kmɔ̌ ne.

Matiɔ̌n 8:4

È kě Jùsu dɛ̌a ɔ je Ɔ je, “Tanàle, nè tmɛɛ̌ nyu wùɛ keǒ dɛà ɛɛ tè mɔ̀, kɛɛ mu dìe Nyesoaa kpatòa je te, bɔ̌ poo loò kòo kɛn mì dɛǒ Nyesoaa tetěǒ Ɔ nyeaa Mɔ̀sě ɛ tmɔɔ̌ uu nu, mì chɔ̀no pi ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Mǎkè 5:43

È Ɔ maěaě nyopòǒ chìjoɛɛ nɔkǔ mǒ bo Ɔ je, “Sɛjesɛ nyu wùɛ nɔ̀ baǎ tmɛɛ̌ ne keǒ dɛà ɛɛ tè mɔ̀. A pɔ̀n didi dɛ le a mǐ nynejuà nye ɔ mǐ di.”

Mǎkè 7:36

È Jùsu tmɔɔ̌a nyopòǒ neaǒo tùɔnʼǒ kɛn buǔ tmɛɛ̌a nyu wùɛ dɛǒ ɛɛ tè, kɛɛ ke Ɔ nia uu tmɔɔ̌a kě u nia imo tèǒ le gbɛ̀tɛɛa.

Mǎkè 9:10

Ii tè dɛǒ u jěaa u sea ɛ nyu wùɛ tmɔɔ̌ no, kɛɛ dɛà nɛ̀ u pepeaě měne u je, “Nyu bɔ dǔ jemǒ bɔ sɔnʼě kǒla mǒ mɛ ɛ sɛ̀ɛ̌n kɛ nynɛ̌?”

Mǎkè 9:8

È tà u dǔaa jǐ je měne klě jǐ kapǒ kǎ wlòmo ù sea kɛ̀ nyu wùɛ jě de, ɛ̀ sìnʼaǒ Jùsuu do Ɔ̈ klee uu sɔ̌n neaǒo.

Lǔkù 24:46

È kě Ɔ dɛ̌a u je Ɔ je, “Ɛ chleěa le klě Nyesoaa win wlòmo ɛ̈ moo, ‘Nyesoaa Tentǎn Jǔ kɔn Bɔ jě sònwɛ Ɔ mǐ kǒ, è bɛ̌ sìn, klě chnɛ̀ jlǒ wěe tan nenɛ wlòmo Ɔ miǎě kǒla mǒ sɔnma Ɔ miǎ jemǒ dǔ.’

Lǔkù 9:36

Tà Winʼǒ I poaa kpee, è Jùsuu do sosǒ nɔ̀ u jěa. È Ɔɔ mɔ̀ cheěn nyo nua kpee, klě tǐǒ wlòmo noǎ wùɛ u jěaa klee u wɔ̌naa u sea ii tè nyu wùɛ tmɔɔ̌ no.