Mǎkè 9:31 - Nyesoaa Kuo Win Jajle

³¹ Mɛ kɔɔ̌n tèǒ joo nɛ̀ moo Ɔ teea Ɔɔ mɔ̀ cheěn nyo Ɔ je, “Jbɛjuu Jǔà Ɔ miě bo demǒ sàeba Ɔ miě nyopò kwete mǒ poo lo u mǐ Ɔ dbǎ, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa mi Ɔ jemǒ dǔba de.”

Mǎkè 9:31 ပူးပေါင်းရင်းမြစ်များ

Matiɔ̌n 16:21

È Jùsu tùngmaea Ɔɔ mɔ̀ cheěn nyo tmɔɔ̌a Ɔ je, “Ɛ wɛɛnʼǒ le Bo muě Jlǔsnɛ u miǐ kme, Ě mǐ sònwɛ jě klě Jùwɛ nyoo bòlibo klee kpatòapoo fòe klee teteǎ tee nyo kwete mǒ. U miǐ dbǎba, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa miǐ jemǒ dǔba de.”

Matiɔ̌n 20:28

Dɛɛ doǒ nɛ̀ ɛ mono, Mǒ Jbɛjuu Jǔà Ě slě di nyopò mi Ně konkwa nu, kɛɛ Ě diě keǒ Bo mǐ nyopòo konkwa nu plě Ě mǐ kǒ, dɛǒ nɛ̀ mi tùonyopo fòfoa gblàba klě uu kpni kukwǐi plɔɔ tu kɛn bo maěa slè.”

Matiɔ̌n 26:2

“A ji ɛle chnɛ̀ jlǒ wěe sɔ̌n nì siǒ Dlǒ Mǒ Sìin Didi Dɛɛ de ngmně tǐ miǒ nyni, è Jbɛjuu Jǔà u miě Ɔ bo demǒ sàba u miǒ Ɔ pète bɛ̌ tu jleě kɔ.”

Matiɔ̌n 27:63

è kě u dɛ̌a u je, “Chì kpa ämo, i beě ä mǒ wlò tǐà jleě sen le tmɔ̌ Nyuà Ɔ neěa jèe kmɔ̌, winʼà nì Ɔ boɛa ɛ̈ moo Bɔ̌ kǒa klě chnɛ̀ jlǒ wěe tan nenɛ wlòmo Nyesoa miǎě Ɔ kǒla mǒ sàba Ɔ miǎ kmɔ̌ ne.

Mǎkè 10:34

U miǐ pà kɛn poba, u miǐ tontmɔ wna. U miǐ fǎe kɛn sàba plě u miǐ dbǎ, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa miǐ jemǒ dǔba de.”

Mǎkè 8:31

È Jùsu tùngmaea Ɔɔ mɔ̀ cheěn nyo teea Ɔ je, “Jbɛjuu Jǔà Ɔ kɔn Bɔ jě sònwɛ fòfoa. Jùwɛ nyoo bòlibo klee Nyesoaa kpatòapoo fòe klee teteǎ tee nyo mi Ɔ jleě mɔ̀ sàba u mǐ Ɔ dbǎ. Kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa mi Ɔ jemǒ dǔba de.”

Mǎkè 9:12

Ɔ tùa u kɛ̀ɛn Ɔ je, “I moo kàan tè, Ilaejɔ̀ kɔn bɔ diǎ lě klekle ɔ miǎ dɛ wùɛ mɔ̀le wɔ̀ keǒ Tentǎn Jǔ mɔ̀. Ɛ chleě le klě Nyesoaa win wlòmo ɛ̈ moo, ‘Jbɛjuu Jǔà Ɔ miǎ sònwɛ fòfoa jěba, u miǎ Ɔ jleě mɔ̀ sàba.’

Lǔkù 24:26

A je ɛ se kɛǒ je blɛɛ le keǒ Nyesoaa Tentǎn Jǔ Bɔ jě sònwɛ taeǒ plě Ɔ miǎě Ɔɔ tè jǐ boaboǎ wlòmo bee?”

Lǔkù 9:44

“A po nɔkǔ bo tɛɛ tɛɛ keǒ dɛà Ě tmɛɛ̌ amoo mɔ̀. Jbɛjuu Jǔà Ɔ miě bo demǒ sàeba Ɔ miě nyopò kwete mǒ poo lo.”

Jɔ̀ɔ̌n 10:18

Nyu wùɛ nɔ̀ se Ně fònfnoà Mǒ kwa sà, kɛɛ Mǒà Mǒ chlà lɛ keǒ Bo poǒ ɛ blǒ mɔ̀ bo, Ě kɔn kpě keǒ Boǒ tɛ ɛ bo plě Ě kɔn kpě keǒ Boǒ dǔ ɛ mǒ de. Dɛǒ nɛ̀ Ně Gbeǐ tmɔɔ̌ Mǒ Bo nu.”

Jɔ̀ɔ̌n 2:19

Jùsu tùa u kɛ̀ɛn Ɔ je, “Bǎ nymii kǎ fòɛà jǐ le, Ě mi ɛ poba klě chnɛ̀ jlǒ wěe tan wlòmo de.”

Jɔ̀ɔ̌n 3:14

Sɔ̌noka, dɛɛ doǒ Mɔ̀sě nuaa ɔ̌ dǔaa kanwɛɛ smɛ mǒ ɔ̌ tùa ɛɛ tu jleě ɔ̌ poa ɛɛ jɔ mǒ klě kpatekpǎ blǒ kɛn ɛ̈ di ɛɛ numa nyopòǒ mia ɛɛ jěba uǔ diaa kǒ, dɛɛ doǒ nɛ̀ ɛ mi numa, Jbɛjuu Jǔà Ɔɔ tè kɔn bi boɔɔ nyopò je

2 Timɛtě 2:12

Bɛ̌ nu bä nyna sònwɛ jejeɛ̌à jebo, è ä klee Tentǎn Jǔ ä miǎ kmɔ̌ win kwa kɔnma, kɛɛ bäǎ chnɛ̀ Ɔɔ tè mǒ Ɔ miǎ äa tè mǒ chnɛ̀ma.