Mǎkè 9:22 - Nyesoaa Kuo Win Jajle

²² Klě tǐ fòfoa wlòmo bɛ̌ kme ɔ, ɛ pe ɔ tǎn plě ɛ̌ peě ɔ ně mɔ̀ ɛ̌ jlɛ̌ bɛ dbǎ lɔ. Oo kàan Jbɛju, jbo ä wɔle je, bɛ̌ nu Bò wɔ̀le je Bò nu dɛ, è Bò sɛ̀ɛ ä mǒ!”

Mǎkè 9:22 ပူးပေါင်းရင်းမြစ်များ

Matiɔ̌n 14:31

Tǐi doo tǐ jleě è Jùsu pnɛ̌a son mǒ Ɔ̌ kmea nɔ, è kě Ɔ dɛ̌a ɔ je Ɔ je, “Nè tè wlò popoɛ chɛɛ̌n mǒ no. Mɛ kɔɔ̌n tè pèě kɛ kplɛ?”

Matiɔ̌n 17:15

è kě ɔ dɛ̌a Ɔ je ɔ je, “Ně Koɔn, ně jbɛjujuà klèà ni ɔ, ɛ pɛɛ ɔ dɛ wan le chɔɔ. Klě tǐ fòfoa wlòmo ɛ pe ɔ tǎn, tǐ tìi tà ɛ pe ɔ ně mǒ. Ii tè jbo ɔ wɔle je.

Matiɔ̌n 20:34

È tà Ɔ jěa luu, ùu wɔle beaě Ɔ mǒ no, ii tè Ɔ gbèa uu jǐǒ mɔ̀, tǐi doo tǐ jleě è nùǒ jěa le ǔ dǔa jemǒ ǔ nana Ɔ de.

Matiɔ̌n 8:2

È jbɛju tɔ̀ɔ bale kwɛ̌ niaa nɔ̀ dia lě Ɔ mɔ̀ ɔ̈ kɔlaǒ Ɔ kwne jemǒ bo, kě ɔ dɛ̌a ɔ je, “Koɔn, bɛ̌ nu Bò wɔɔn ɛ kɛn, nu mǒ boǒ wɛ̀ sìnɛ.”

Matiɔ̌n 9:28

Kɛɛ Ɔ pala koǔ bo. È uu sɔ̌nʼǒ ù nana Ɔ de ǔ pala koǔ bo ke, Ɔ̀ gbàla u wan Ɔ je, “A po kɛ i mǒ kàan tè ɛmoo Ě wɔ̀le je Boǒ pean a nee?” È u tùa Lɔ kɛ̀ɛn u je, “Uuǔn, äa Koɔn.”

Mǎkè 5:19

Kɛɛ Jùsu seaǒ ɔ mɔ̀ mǒ sɔn ɔ sea Ɔ de na. Dɛɛ do Ɔ tmɔɔ̌a nɔɔ nɛ̀ moo, “Muě koǔ bo klě nè nyopò slè mì u tmɔɔ̌ no dɛǒ Koɔn nuu keǒò mɔ̀, ke Ɔ nu mòo wɔle je jbojbɛ.”

Mǎkè 9:21

È Jùsu gbàla jǔǒ ɔɔ gbeǐ wan Ɔ je, “È ke ɛ toǒn kɛ jleě mǒ bo ɛmo dɛà ɛ bea làa jǔà fǒ mǒ be be?” Ɔ tùa Lɔ kɛ̀ɛn ɔ je, “Sɔɔnʼě ɔɔ jǔ dɛ jleě mǒ.

Mǎkè 9:23

È Jùsu gbàla ɔ wan Ɔ je, “Mɛ sɛ̀ɛ̌n kɛ nynɛ̌ ɛ̈ moo, ‘Bɛ̌ nu Bò wɔ̀le ɛ?’ Dɛ wùɛ wɔ̀le ɛ le keǒ nyuà po Něe tè kàan tè mɔ̀.”

Lǔkù 7:13

Tà Koɔn jěaa nynɔǒ, ɔ̀ɔ wɔle beaě Ɔ mǒ no, kě Ɔ dɛ̌a ɔ je Ɔ je, “Bɔ̌ fìnfiɛn.”