Mǎkè 9:17 - Nyesoaa Kuo Win Jajle

¹⁷ È nyuu do neaě diblɛ̌ǒ slè nɔ̀ tùa Lɔ kɛ̀ɛn ɔ je, “Tee Nyu, Ě jaě ně jbɛjuju kělɔɔ̀ mɔ̀. Kǔ sùsu neě ɔ ja, ɛ nu ɔ ɔ̌ se wien boɔboɔ ji.

Mǎkè 9:17 ပူးပေါင်းရင်းမြစ်များ

Matiɔ̌n 12:22

È u jalaě nyu tɔ̀ɔ klě Jùsu mɔ̀ ɔ̈à kǔ sùsu nea lěe ja ɔ̈ kɔn jǐ kanaa plě ɔ̈ seaa wien boɔboɔ ji Ɔ̌ peana nɔ ɔ̌ jěa le plě ɔ̌ boɛa wien le.

Matiɔ̌n 17:15

è kě ɔ dɛ̌a Ɔ je ɔ je, “Ně Koɔn, ně jbɛjujuà klèà ni ɔ, ɛ pɛɛ ɔ dɛ wan le chɔɔ. Klě tǐ fòfoa wlòmo ɛ pe ɔ tǎn, tǐ tìi tà ɛ pe ɔ ně mǒ. Ii tè jbo ɔ wɔle je.

Matiɔ̌n 9:32

È tà Jùsu klee Ɔɔ mɔ̀ cheěn nyo klee diblɛ̌ǒ nɛa Lɔɔ de u sonwɛaǒo tàǒ mǒ u keaa mi, è nyopòo tìe jalaě jbɛjuà seaa wien boɔboɔ ji klě Ɔ mɔ̀ ɔ̈ kǔ sùsu nea lěe ja

Mǎkè 10:13

Chnɛ̀ jlǒ waě tɛ̀ɛ mɔ̀ nyopòo tìe jalaě uu jlǔ klɔkwlě klě Jùsu mɔ̀ Ɔ mǐaǒ u son dlǒ bo po Ɔ mǐa u ngmna mɔ̀ po, kɛɛ Ɔɔ mɔ̀ cheěn nyo pnɛɛ̌a nyopòǒ jǐ měne.

Mǎkè 5:23

ɔ̌ bɛ̀tea Ɔ le chɔɔ ɔ je, “Ně nynejuju chěnchaě neǒ kokǒ snǔ mɔ̀, Ě bɛ̀teè le, diě Mìǒ ɔ Nè son jleě mǒ bo po ɛ̈ di ɛɛ numa ɔɔ kwɛ̌ mǐ dɛ bɔ̌ ɔ mǐ kmɔ̌ ne!”

Mǎkè 7:26

Nynɔǒ ɔ mooa kuadakɔ̌ nynɔ, ɔ sɔna mǒ Finisà wakǎ kɛn ɛ̈ neěe Siwlìa blǒ kɛn, nɔ̀ bɛ̀tea Ɔ le keǒ Bɔ sàlaě ɔɔ nynejujuǒ kǔ sùsuǒ ja.

Mǎkè 9:16

È Ɔ gbàla u wan Ɔ je, “Mi a chɛtlǐi liǐ kɛ mǒ?”

Mǎkè 9:18

È bɛ̌ nu ɛmo sùsuǒ bɛ̌ jɛɛ ɔ, ɛ pe ɔ wɔ̀ɔn fenfeɔ plǔ diiě ɔ wien ɔ̌ di nyě, è nɔ̀ǒ kɔn fǒ wùɛǒ kligbǎ. Ě gbà Nè mɔ̀ cheěn nyoà wan bu sàě ɔ kǔ sùsuǒ ja, kɛɛ u slě ɛ wɔ̀.”

Mǎkè 9:25

È tà Jùsu jěaa diblɛ̌ǒ u keaa le gbè, è kě Ɔ dǎla kǔ sùsuǒ je Ɔ je, “Mò sunsǔn klee se wien boɔboɔ ji sùsuà, Ě tmɛ̌ neè ne, sɔnʼě jǔǒ ja mǒ plě nè diiǎa kɛ̀ě ɔ ja de!”

Lǔkù 11:14

Chnɛ̀ jlǒ waě tɛ̀ɛ mɔ̀ Jùsu sàlaě kǔ sùsuà nii nyu ɔ̌ see wien boɔboɔ ji klě jbɛju tɔ̀ɔ ja. Tà sùsuǒ ɛ sɔnaěe jbɛjuǒ ja mǒ, è nɔ̀ǒ tùngmaea wien le boɔboɔ, ì kaenʼa nyopò wùɛǒ le wlò.

Lǔkù 9:38

È jbɛju tɔ̀ɔ neaě diblɛ̌ǒ slè nɔ̀ pnɛ̌a le ɔ je, “Tee Nyu, Ě bɛ̀teè le, tanʼǒ ně jǔà mɔ̀le, ně jǔu do sosǒ Ě kɔnʼɔ nɔ̀à.

Jɔ̀ɔ̌n 4:47

Tà nyefòɛǒ ɔ wɔ̌na nii ɛ̈ moo, “Jùsu sɔn mǒ Jùdǐa wakǎ kɛn Ɔ di Jàlalǐiò,” è ɔ muaě Ɔ mɔ̀ ɔ̌ bàtea Ɔ le Bɔ tèea je Bɔ diaě Kapanìa dǐa Ɔ mǐa ɔɔ jbɛjujuǒ pean ɔ̈ neaǒo kokǒ snǔ mɔ̀.