Mǎkè 9:1 - Nyesoaa Kuo Win Jajle

¹ È kě Jùsu dɛ̌a u je Ɔ je, “Tèe jleě nìà Ě tmɛɛ̌ amo, ɛ kɔn nyopòo tìe ü nynanàa tàà bo ü see kǒba mu ɛ mǐ ɛ kpa kpa u miǎ Nyesoa jě Ɔ miǎ u win kwa kɔnma di klě kpě kɛne tǔn wlòmo.”

Mǎkè 9:1 ပူးပေါင်းရင်းမြစ်များ

Matiɔ̌n 16:28

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu ü neàa ü see kǒba mu u mǐǎ Mǒ Jbɛjuu Jǔà jě Ě mǐǎě Ně win kwa konkɔn wlòmo dii li.”

Matiɔ̌n 24:30

È plě Jbɛjuu Jǔu de didiɛ ɛɛ jboo dɛ miǎa kɛ lě jɔkɛn be. Nyopò miǎ Ɔɔ sònwɛ chìnma. È dakɔ̌pò dakɔ̌pò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě klee tè jǐ boaboǎ fòɛ wlòmo keǒ Nyesoaa win dǎa. (Dan 7.13-14)

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Mǎkè 13:26

Klě tǐǒ wlòmo nyopò miǎ Jbɛjuu Jǔà jěba Ɔ mǐǎǒ nukpě kɛn dii li klee klě Ɔɔ kpě klee tè jǐ boaboǎ fòɛ wlòmo wòje keǒ Nyesoaa win dɛ̌ɛ. (Dan 7.13-14)

Mǎkè 13:30

Tèe jleě nìà Ě boɛ a je, kmɔ̌à ɛ se dlǒ chlɛ̀ba mu ɛ mǐ ɛ kpa kpa noǎ wùɛà Ě tmɛɛ̌ amoo i miǎ tùɔn kpa.

Lǔkù 2:26

Nɛ̀ poaě ɛ ɔ̀ mǒ ɛ̈ moo ɔ sea kǒba mu ɛ mǐa ɛ kpa kpa ɔ mǐaǒ Nyesoaa Tentǎn Jǔ jleě mɔ̀ kpa Ɔ̈ Koɔn miaa dboba.

Lǔkù 22:18

Ě tmɛɛ̌ ane, sɔɔnʼa tǐà jleě mǒ Ě see kɛ̀ kwlepò dbǔu nmɔ nǎma mu de ɛ mǐ ɛ kpa kpa Nyesoa miǎě di Ɔ miǎ a win kwa kɔn.”

Lǔkù 22:30

a klee Mǒ ä miǎ dɛ di ä miǎǒ tàa do naě ne keǒ dɛ di fuo kɛn klě Ně Gbeǐi deplě slè, a miǎǒ klɔ̀ba gbèsɛi kɛn ble ne, a mǐa Ǐsòwɛ̌ kwɛɛn dakwɛ̌ dlěe pù tùo sɔ̌n win kwa kɔn.”

Lǔkù 9:27

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu neàa ü see kǒba mu u miǎ Nyesoaa win kwa konkɔn jě.”

Jɔ̀ɔ̌n 21:23

Imo winʼǒ nì u tontnooaa je le klě Tentǎn Jǔu wǎn slè ɛ̈ moo, “Jùsuu mɔ̀ cheěn nyuǒ ɔ se kǒba mu.” Kɛɛ Jùsu sea bò dǎ ɛ̈ moo ɔ se kǒba mu, kě Ɔ dǎla Ɔ je, “Bɛ̌ nu bo dǎa bò ɛ̈ moo Ě jlɛ̌ bɔ ne kmɔ̌ ne ne Ě mǐ de diò, mɛ kɔ̀ɔn noǒ kɛɛ̌ ɛ mɔ̀?”

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.