Mǎkè 8:34 - Nyesoaa Kuo Win Jajle

³⁴ È Ɔ dala nyopò fòfoa ü klee Ɔɔ mɔ̀ cheěn nyo neaǒo tàǒ, kě Ɔ dɛ̌a u je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Mǎkè 8:34 ပူးပေါင်းရင်းမြစ်များ

Matiɔ̌n 10:38

Nyu wùɛ ɔ̈ se ɔɔ sònwɛ jejeɛ̌ɛ pète bɛ̌ tu mǒ dǔba mu keǒ bɔ̈ na Mǒo de, ɔ seǒ je blɛɛ le bɔ moo Ně mɔ̀ na nyu.

Matiɔ̌n 16:24

È kě Jùsu dɛ̌a Ɔɔ mɔ̀ cheěn nyo je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Matiɔ̌n 27:32

Tà u kea lěe diěǒ wlòmo sonwɛ u keaa mi, ù klee jbɛju tɔ̀ɔ ü dɛɛ Saemɔ̌ ɔ̈ sɔnaěe diěǒ moo Sawlinì mǒ nù mɔɔa ǔ kpaea ɔ kbě bɔ blěa pète bɛ̌ tuǒ keǒ Jùsu mɔ̀.

Mǎkè 10:21

È Jùsu tanaǒ ɔ mɔ̀le klě mǒ noɛɛ tǔn wlòmo, kě Ɔ dǎla ɔ je Ɔ je, “Dɛɛ doǒ siǒ sè ɛ ni, mu nè konkɔn noǎ wùɛǒ plo li mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, è bò diě mìǐ de na.”

Mǎkè 7:14

È Jùsu dala diblɛ̌ǒ de, kě Ɔ dɛ̌a Ɔ je, “Nyu wùɛ bɔ poǒ nɔkǔ jebo ɔ mǐ tèà Ě boɛɛ le jbo.

Lǔkù 13:24

“Bo tmɔɔ̌ mò, bɛ̌ nu bo nyu bɔ̌ ke kmɔ̌ neneɛɛ snǔ le pɛ̀n, è bɔ poě kbě bɔ chenchean ɔ miǒ chnu chěnchaě jleě pae le. Mɛ kɔɔ̌n tèǒ joo nɛ̀ moo nyopò fòfoa mi ɛ mǒ tɛ̀nma keǒ bu paeǒ ɛ jleě, kɛɛ u slě ɛ wɔ̀ba mu.

Lǔkù 14:33

Dɛɛ do nɛ̀ ɛ mono, a sìɛn ɛ dlǒ mɔ̀le dɛ ɛ kpɛɛ keǒ nyu bɔ moo Něe mɔ̀ cheěn nyu. Nyu wùɛ nɔ̀ se Ně mɔ̀ cheěn nyu tùba mu, ɛ̀ sìnʼǒ bɔ̌ tɛ noǎǒ ɔ blěe bo plě.

Lǔkù 18:22

Tà Jùsu wɔ̌naa tèǒ ɔ boɔaa, Ɔ je, “Dɛɛ doǒ siǒ sè ɛ ni. Mu, nè konkɔn noǎ wùɛǒ plo li, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

Lǔkù 20:45

Tà nyopòǒ u poaa nɔkǔ bo, è kě Jùsu dɛ̌a Ɔɔ mɔ̀ cheěn nyo je Ɔ je,

Lǔkù 9:23

È kě Jùsu dɛ̌a uu wùɛǒ je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è ɔ kɔn bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ chnɛ̀ jlǒ waě wùɛ mɔ̀ ɔ miǐ de na.

Jɔ̀ɔ̌n 10:27

Ně nyopò wɛ̌n Ně win ni, Ě ji lu, plě ǔ nɛɛ̌ de.

Jɔ̀ɔ̌n 19:17

Ɔ blěa Ɔɔ chɛ̀ɛ pète bɛ̌ tu ɛ̈ Ɔ sàlaěe Jlǔsnɛ Ɔ̌ kpalaě ɛ tùɔnʼǒ u dɛɛ Kǔ Dlǒ Kankǒ Kɛn ɛ̈ klě Hiblǔ win wlòmo u dɛɛ Kɔkɔ̀ta.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:22

keǒ bu poa Jùsuu de na nyoǒ kbě ja le bu kpaea uu tè wlò popoɛ u kɔnaa nya, è u tmɔɔ̌a nu u je, “Ä kɔn bä jě sònwɛ fòfoa plě Nyesoa mǐ ä win kwa kɔn.”

Wlǔmɔ 6:6

È ke ä nu ɛɛ jijiɛ nɛ̀ moo ä jaě äa kpni kukwǐ kmɔ̌ dakěà ǐ kɔɔǒ pète bɛ̌ tu jleě i klee Tentǎn Jǔu sɔ̌n ɛ̈ di ɛɛ numa ä mǐ kpni kukwǐ fǒ měne sà äǎ dii kɛ̀ kèiapo tù keǒ i mɔ̀.

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

1 Kwnɛtiɛ̌ 15:31

Ně bǐì Tentǎn Jǔu wǎn ane, keǒ sɛje ɛ nuu kàan tè pooa ɛ̈ moo Ě kun le kɛn keǒ aa tè mɔ̀ klě Tentǎn Jǔ Jùsu mǒ äa Koɔn, kě Ě ni a wlòmo sèsae ɛ̈ moo kokoɛ̌ poo loǒ je ja klě chnɛ̀ jlǒ waě wùɛ wlòmo.

1 Kwnɛtiɛ̌ 8:13

Tèǒ nì kɔn tè bɛ̌ nu didi dɛ bɛ̌ nu ně bě Tentǎn Jǔu wǎnpòi bɔ̌ beě kpni kukwǐ slè, è ɛmo didi dɛǒ u sàe lee nǔkpuǐǒ bɔ̀ je Ě se ɛ diba mu ně se ɔ nu ɔɔ̌ se tè wlà.

1 Kwnɛtiɛ̌ 9:19

Kàan tè Ě moo nyu ɔ̈ wanʼa dbǐ mǒ plě Ě se kèi keǒ nyu wùɛ mɔ̀, kɛɛ Ě nu ně chɛ̀ wòje kèi keǒ nyu wùɛ mɔ̀ ɛ̈ di ɛɛ numa Ě mǐ nyopò fòfoaa wlè bo bitǐ keǒ Nyesoa mɔ̀.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Kalesiɛ̌n 5:24

Nyopòà kɔn lěe Jùsu Tentǎn Jǔ mɔ̀ u bɔ̌ uu kpni kukwǐ kmɔ̌ǒ de nena ne klee ɛɛ noǎ kukwǐ wùɛ ɛ jlɛ̌ɛ.

Kalesiɛ̌n 6:14

Kɛɛ dɛɛ do kɔn tè Ě mii wun fòɛ le poba nɛ̀ moo äa Koɔn Jùsu Tentǎn Jǔu kokǒ tè. Nɔ̀ nu ɛ kmɔ̌ɔ noǎ see kɛ̀ǒ ně tè mɔ̀ kɔn plě Ě see kɛ̀ǒ ii tè mɔ̀ kɔn.

Flepiɛ̌n 3:10

Tèǒ nì kɔn tè Ě jlɛ̌ boǒ ji Tentǎn Jǔ klee kpěǒ sàlaě Ɔɔ kǒla mǒ plě Ě jlɛ̌ bo kɔnʼǒ kàan noǎǒ Ɔɔ kokoɛ̌ klee sònwɛ jejeɛ̌ nye ämoo wakǎ jleě mǒ.

Flepiɛ̌n 3:7

Kɛɛ keǒ Tentǎn Jǔ Jùsuu tè mɔ̀ imo noǎǒ Ě jěa pnɔɔ ɛ̈ moo i peaǒǒ bo dɛ, klě tǐà wlòmo iǐ poǒo dɛ boo kɛ̀.

Klasɔ̌n 1:24

Ɛ̈ kɔn mǒ dii sònwɛ jejeɛ̌ǒ dlǒ chlàba ɛ̈ Tentǎn Jǔ jlɛ̌ bo jěe keǒ Ɔɔ wǎnʼa kàan dɛ mɔ̀ ü moo Ɔɔ fǒ, ně plɔ blo lo keǒ ɛmo sònwɛà Ě dǔaa jejeɛ̌ mǒ mɔ̀ keǒ aa tè mɔ̀.

Klasɔ̌n 3:5

Tèǒ nì kɔn tè a tɛ aa kpni kukwǐ kmɔ̌ǒ bo, jà wlawle nunuɛ klee se wòn mɔ̀ɔ wɛ̀ kmɔ̌ klee dɛ wùɛ kɔn tǒn wlògbae klee kpni kukwǐi ble po dɛ plě klee wnɔwnǔ wlògbae ɛ̈ monoo nǔkpuǐi wɛ̀ sèsaa bo tɛ̀ɛ.

2 Tɛseloniǎ 3:11

Dɛ kɔn tè ä nyea amoo tetěǒ nɛ̀ moo ä wɔ̌na dɛà ɛ̈ moo aa tìe tùu fnàna ne uǔ nua konkwa wùɛ, kɛɛ u nia kpasùjasu dɛ.

Taetɔ̌ 2:12

Ɔ tee ɛ ä le keǒ bä tɛ äa se Nyesoa ji kmɔ̌à bo klee kmɔ̌ɔ noǎ ä jlɛ̌ɛ, è bä jiǒ äa chɛ̀ɛ wlò mɔ̀ kwa bleblɛ̌ klee bä siǐnʼǒ jebo plě klě tǐà wlòmo bä nee Nyesoa dɛ kmɔ̌ kělɔ kmɔ̌à ä neɔɔ mɔ̀

Hiblǔ 13:13

Ii tè a nɛ bä na Ɔ de klě dɔwun jleě ä mǐ fla wan poo lo wòje ke u nua Nɔɔ.

1 Pitɛ̌ 4:1

Ke ɛ toon jleě mǒ bo Tentǎn Jǔu fǒ jěe sònwɛ keǒ aa tè mɔ̀, kě ba nu ke a wɛ̀ mɔ̀le keǒ ba jě sònwɛ. Mɛ̌oǒ joo nɛ̀ moo plě nyu miě kpni kukwǐ kwete mǒ sɔn, ɔɔ fǒ kɔn bɛ jě sònwɛ.

1 Pitɛ̌ 4:13

Kɛɛ bɛ nuu a chǒn keǒ ba di sònwɛ jě wòje keǒ Tentǎn Jǔ nuaa. È bo Tentǎn Jǔ Bɔ̌ tbaeǎ je, a miǎ Ɔɔ tè jǐ boaboǎ jěba a miǎ chǒn le nu chɔɔ.

2 Pitɛ̌ 1:14

Mɛ̌oǒ joo nɛ̀ moo Ě ji ɛle ɛ̈ moo Ě mi kǒba pase wòje ke äa Koɔn Jùsu Tentǎn Jǔ nu ɛ mǒo tmɔɔ̌a ɛ̈ pàe lee chnɛ̀ le.

1 Jɔ̀ɔ̌n 3:16

Dɛ ä jii lii mǒ noɛnoɛ nɛ̀ moo Tentǎn Jǔ koǒǒ äa tà. Tèǒ nì kɔn tè bä wɛ̀ mɔ̀le keǒ bä koǒǒ Tentǎn Jǔu wǎn tùu pènmo ke.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’