Mǎkè 7:4 - Nyesoaa Kuo Win Jajle

⁴ Bɛ̌ nu bǔ sɔn lě noǎ plooa mǒ, plě uu nyu mǐ dɛ di, ɔ kɔn bɔ jla kwete klě tǔn tɛ̀ɛ wlòmo. È u kɔna teteǎ fòfoa u chěnʼaa bu tùaǒo bo wòje ïà monoo mǒ naě kài klee kpɔ̌kea klee ně wan tǎn tù kwijě plě klee kɛn bo pɛn gbàgbɔà u diiǒo dɛ kɛn ii de jlajla. I kɔna i blěe de jlajla dɔ̌ klě uu blětà dɛ wlòmo.

Mǎkè 7:4 ပူးပေါင်းရင်းမြစ်များ

Matiɔ̌n 23:25

Chlǒ keǒ amo teteǎ tee nyo klee Fɛlesǐi wǎn mɔ̀. Amo ä jěè kɛn ä daà kàan chènyɔ Nyesoa nyoà. Mɛ kɔɔ̌n tèǒ joo nɛ̀ moo aa mǒ naě kàe klee fuo nì a jlɛ kɛn le, kɛɛ klě i wlòmo paě mnǒ wòje aa wlò boabuǔ klee nè blěǒ dìee wlò mɔ̀ɔ kwa nì jǐ a je le.

Matiɔ̌n 23:26

Amo dodɔ Fɛlesǐi wǎnʼà, klekle dɛ nɛ̀ moo kàeǒ wlòmo klě ba snǎě le, è ɛɛ kɛnʼǒ ɛ kɔn bɛ wɛ̀ mnǒ ke.

Matiɔ̌n 27:24

Tà Pàlɛ̌te jěa lɛɛ ɛ̈ moo ɔɔ win slě wɔ̀ bi sàlaǒ dɛ keǒ u jleě mǒ plě u tùngmaea jale jejǎea klě uu chɛ̀ slè, è ɔ dǔa ně mǒ ɔ̌ jlala kwete keǒ u jemǒ, kě ɔ dɛ̌a ɔ je, “Mǒà Ě se tè jɛɛa kɔn keǒ Jùsuu kokoɛ̌ mɔ̀, kɛɛ amo Ɔɔ tè jɛɛa neǒ dlǒ.”

Mǎkè 7:8

È Jùsu je, “Nyesoaa teteǎà Ɔ nye amoo nì a sɛ̀ǒ snǔ mɔ̀ ɛ̈ di ɛɛ numa a miǒ blětà teteǎ bo tù.

Jɔ̀ɔ̌n 2:6

Ɛ kɔna jagbia fòee m̀mɔdo nì neaǒ ï kɔn dɛɛ do wɔ̀le je bɛ̈ kpaa dotǒ wěe hɔ̀ndlowɛɛ sɔ̌n ne wlèe sɔ̌n le (240). È Jùwɛ nyo kɔna Nyesoaa teteǎ keǒ uu noǎ klee uu chɛ̀ɛ de jlajla mɔ̀. Jagbiaǒ nì neaǒ bo keǒ ɛmo konkwaǒ mɔ̀.

Jɔ̀ɔ̌n 3:25

Chnɛ̀ jlǒ waě tɛ̀ɛ mɔ̀ Jɔ̀ɔ̌nʼɔ mɔ̀ cheěn nyoo tìe klee Jùwɛ nyu tɔ̀ɔ nù chɛtlǐia ɛ̈ kwɛɛaǒo Nyesoaa teteǎà boɛɛ lee noǎ le jlajla tè kɛn jleě mǒ bo.

Hiblǔ 9:10

I mooa digbaǐ sosǒ klee nenǎ noǎa klee noǎ le jlajlaa doědoee de ngmnengmnɛ̌. I mooa ngmè ǐ neaǒ tùonyopo jemǒ bu nanaa de ɛ mǐa ɛ kpa kpa Nyesoa mǐa noǎ wùɛ bo bitǐ.

Jìmǐse 4:8

A diě a mǎ aa chɛ̀ Nyesoa debo, è Ɔ miě diba Ɔ mǐ a debo mǎ. Kpni kukwǐ nu nyo, ba bɔ̌ kpni kukwǐǒ a nii. Amo ä jěè kɛn ä daà kàan chènyɔ Nyesoa nyo, ba snǎě aa wlè jleě le a sàě kpni kukwǐǒ neěe.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.