Mǎkè 7:26 - Nyesoaa Kuo Win Jajle

²⁶ Nynɔǒ ɔ mooa kuadakɔ̌ nynɔ, ɔ sɔna mǒ Finisà wakǎ kɛn ɛ̈ neěe Siwlìa blǒ kɛn, nɔ̀ bɛ̀tea Ɔ le keǒ Bɔ sàlaě ɔɔ nynejujuǒ kǔ sùsuǒ ja.

Mǎkè 7:26 ပူးပေါင်းရင်းမြစ်များ

Matiɔ̌n 15:22

È dakɔ̌ǒ moo Kenɛ̀ nù kɔn nynɔ neaě tùɔnʼǒ kɛn, nɔ̀ diaě Ɔ mɔ̀ ɔ̈ pnaěaě jɔ mǒ ɔ je, “Koɔn, klɔ̀ba Dèběsee jlǔu Jǔ, jboǒ wɔle je! Ně nynejuju kǔ sùsu neě ɔ ja, ɛ tùi ɔ sònwɛ chɔɔ!”

Matiɔ̌n 4:24

È Ɔɔ tè gbɛ̀tɛɛa blǒǒ moo Siwlìa kɛne, ii tè nyopò jɛa lě kmakma nyo klee nyopò kweǎa doědoe niaa plě ü kɔnaa chnechně noǎa, jà nyopòà kǔ sìsi nea lěe ja klee klè kwɛ̌ plě bo klɔ̀ɔ kwɛ̌ Ɔ̌ peana uu wùɛǒ.

Mǎkè 7:25

Klě nynɔ tɔ̀ɔ nea lě ɔ̈ kɔn nynejuju kǔ sùsu nea lěe ja. Tà ɔ wɔɔ̌na bòo Jùsuu nynɛ̌ sosǒ, è nɔ̀ǒ dia lě ɔ̈ kɔaǒ Ɔ kwne jemǒ bo.

Mǎkè 7:27

Kɛɛ kě Jùsu dɛ̌a nynɔǒ je Ɔ je, “Klekle dɛ nɛ̀ moo Bo nye Ně jlǔ Ǐsòwɛ̌ kwɛɛn didi dɛ. Ɛ seǒ le wɛɛn ne keǒ Bo dǔ Ně nyopò Ǐsòwɛ̌ kwɛɛnʼɛ didi dɛ mǒ Bo tuǔnʼǒ ɛ gbùo jemǒ ü moo kuodakwɛ̌.”

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Klasɔ̌n 3:11

Klě aa kmɔ̌ jajlo neneɛ wlòmo, ɛ slě ɛ mɔ̀ kɔn bo nyu bɔ̌ moo kuadakɔ̌ nyu ɔ̀ɔ̌ Jùwɛ nyu ɔ̀ɔ̌ bɔ̌ bɛ̌ foeě ɔ̀ɔ̌ bɔ̌ se foeě bɛ̌ ɔ̀ɔ̌ bɔ̌ moo dakpǎi klě a slè klee bɔ̌ moo klìgba mǒ sɔn nyu ɔ̀ɔ̌ bɔ̌ moo kèi ɔ̀ɔ̌ bɔ̌ se kèi. Kɛɛ dɛ kɔn tè kmaa sɛje nɛ̀ moo dɛ wùɛ a mii numa bɛ moo Tentǎn Jǔu konkwa nunuɛ tǐ wùɛ mɔ̀.