Mǎkè 7:21 - Nyesoaa Kuo Win Jajle

²¹ Mɛ kɔɔ̌n tèǒ joo nɛ̀ moo klě tùonyugbee wlò jleě klě dɛ kukǔ dlǒ le sìɛnsiɛn klee gblà popoɛ klee jlijlɛ̌ klee mnùngma popoɛ

Mǎkè 7:21 ပူးပေါင်းရင်းမြစ်များ

Matiɔ̌n 15:19

Ii tè dɛ kukǔ dlǒ le sìɛnsiɛn klee mnùngma popoɛ klee wlawle nunuɛ klee gblà popoɛ klee jlijlɛ̌ klee sen le tmɔtmɔ̌ plě klee nyu mǒ feflea ii wùɛà i sonwɛě mǒ wlò jleě.

Matiɔ̌n 9:4

È tà Jùsu jiaa dɛ u sìɛnʼa dlǒ mɔ̀le, è kě Ɔ dɛ̌a u je Ɔ je, “Mɛ kɔɔ̌n tè a sìɛn neě kɛ dɛ kukǔ taeǒ dlǒ mɔ̀le?

Mǎkè 7:20

È Jùsu je, “Dɛà sonwɛ lěe tùonyugbee wlò jleě mǒ nɛ̀ ni ɔ se sìnɛ wɛ̀ nyu mǒ.

Mǎkè 7:22

klee wlawle nunuɛ klee wnɔwnǔ klee kmɔ̌ kukǔ klee nyopò tùu kɛn jlijlɛ̌ klee jě nyu wùɛ bɔ kɔnʼɔ tǒn klee chea klee nyu je bɛtɛ̌ɛa klee de jaě sùsu plě klee slě dɛ wùɛ mɔ̀ kɔn klě i sonwɛě mǒ.

Lǔkù 16:15

È kě Jùsu dɛ̌a u je Ɔ je, “A tɛ̀n ɛ mǒ keǒ ba moo kàan nyo keǒ nyopò tùu jǐ kɛn, kɛɛ Nyesoa ji dɛ neě amoo wlò jleě le. Noǎà kɔn tè kmaa keǒ tùonyopo mɔ̀ i se dɛ nynɛ̌ sɛ̀n klě Nyesoa jǐ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:4

Tà kɔna ɛmoo blǒ tìeǒ ɛ mooa nè konkɔn dɛ keǒ bò tùa ɛ bo, plě tà ploa lɛɛ, ɛɛ wlěǒ mò i beaě kwete mǒ, deě ɛ se ke ɛ nuu? Mɛ kɔɔ̌n tè sìɛn neě kɛ dɛ taeǒ dlǒ mɔ̀le? Ɛ se ämo tùonyopo sè sen jele tmɔɔ̌ no, kɛɛ Nyesoaǒ tmɔ̀ɔ̌ sen jele!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:22

Nè dlǒ le sìɛnsiɛn kukǔǒ neě mòo mǒ bɛ bitǐ bo, è bò bàte Nyesoa Ɔ mǐ nè tè wlò le poo lo.

Wlǔmɔ 7:5

Tà äa tùonyu kmɔ̌à ɛ kɔna ämoo win kwa, è äa kpni kukwǐi jlajlǎ dɛǒ ɛ̈ teteǎ niaa ɛ̈ nymɛ̌aa nɛ̀ nia ämo ä nia noǎ ï wɔ̀le je bi ja lěe kokoɛ̌.

Wlǔmɔ 7:8

Nyesoaa teteǎ bǐ see tà ne, è kpni kukwǐ see tà ne ke. Tèǒ nì kɔn tè kpni kukwǐ dǔ ɛ blěe fɔ̌ǒ teteǎ nye ɛɛ mǒ ɛ̌ ni jlajlǎ noǎa kukwǐi doědoe wùɛ klěě mǒ.

Klasɔ̌n 3:5

Tèǒ nì kɔn tè a tɛ aa kpni kukwǐ kmɔ̌ǒ bo, jà wlawle nunuɛ klee se wòn mɔ̀ɔ wɛ̀ kmɔ̌ klee dɛ wùɛ kɔn tǒn wlògbae klee kpni kukwǐi ble po dɛ plě klee wnɔwnǔ wlògbae ɛ̈ monoo nǔkpuǐi wɛ̀ sèsaa bo tɛ̀ɛ.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Jìmǐse 2:4

Ɛmoǒ bǎ ke ɛ ni, ɛ se kɛ měne chlachlǎa do aǎ nu ɛ klě aa dlǒ le sìɛnsiɛn kukǔ mǒ le?