Mǎkè 6:6 - Nyesoaa Kuo Win Jajle

⁶ I kɛɛnʼa Ɔ wlò le keǒ uu se kàan tè popoɛ kɔnʼǒ mɔ̀. Ii tè Jùsu mua lě deěǒ kɛn ï tbɛɛaǒo tàǒ dǐ Ɔ̌ teea u Nyesoaa win.

Mǎkè 6:6 ပူးပေါင်းရင်းမြစ်များ

Matiɔ̌n 4:23

Tà dɛǒ ɛ sìnʼaa, è Jùsu nɛna Jàlalǐi wakǎ wùɛǒ kɛn le Ɔ̌ teea nyopò klě Jùwɛ nyoo Nyesoa keǐ bo ble le Ɔ̌ pea u Nyesoaa kàan tuposà je ɛ̈ kwɛɛǒo Nyesoa Bɔ kɔn uu kmɔ̌ neneɛ win kwa jleě mǒ bo. Ɔ peana nyopò wùɛɛ kmakma klee kweǎa doědoe.

Matiɔ̌n 8:10

Tà Jùsu wɔ̌naa winʼǒ, i kaenʼa Ɔ le wlò, kě Ɔ dɛ̌a nyopòǒ ü nɛa Ɔɔ de je Ɔ je, “Kàan tèà Ě tmɛɛ̌ amo, Ě sěɛlǎ ɛ nyu jě bɔ̈ kɔnʼɔ tè wlò popoɛ taeà klě tà wùɛ klee kělɔ Ǐsòwɛ̌ kwɛɛn slèe chɛ̀.

Matiɔ̌n 9:35

È Jùsu nɛa dě fòe klee deě wùɛǒ kɛn le. Klě deěǒ kɛn Ɔ nɛa Jùwɛ nyoo Nyesoa keǐ je le Ɔ̌ teea u Ɔ̌ pea u Nyesoaa kàan tuposà je ɛ̈ kwɛɛǒo Nyesoaa win kwa konkɔn jleě mǒ bo. Ɔ peana nyopò wùɛɛ kmakma klee kweǎa doědoe.

Mǎkè 1:39

Ii tè Ɔ nɛa Jàlalǐi wakǎǒ kɛn le Ɔ̌ boɛa Nyesoaa tè klě Jùwɛ nyoo Nyesoa keǐ bo ble le Ɔ̌ sɛ̀aě nyopò kǔ sìsi ja le.

Mǎkè 10:1

È Jùsu sɔnaǒ tàǒ mǒ Ɔ̌ muaě Jùdǐa wakǎ kɛn klee blěǒ neěe něǒ moo Jɔ̀ɔ̌dɛn demǒ. È diblɛ̌ wɛ̀a de keǒ Ɔ gbàa Ɔ̌ teea u ɛ̈ moo pnɔɔ dɛ Ɔ niaa le.

Lǔkù 13:22

È tà Jùsu keaa Jlǔsnɛ dǐa mi, Ɔ̀ bɛɛ̌aě deě klee klìgbe tìi kɛn tìe Ɔ̌ teea u.

Lǔkù 4:31

È Jùsu tèea je Ɔ̌ mua de klě Kapanìa dǐa klě Jàlalǐi wakǎ kɛn. Klě Nyesoaa de fɛ chnɛ̀ jlǒ waě tɛ̀ɛ wlòmo Ɔ teea nyopò klě Jùwɛ nyoo Nyesoa koǔ bo.

Lǔkù 4:44

Ii tè Ɔ̌ boɛa Nyesoaa win klě Jùwɛ nyoo Nyesoa keǐ bo ble le klě Jùdǐa wakǎ kɛn.

Jɔ̀ɔ̌n 9:30

È jbɛjuǒ ɔ̀ tùia u kɛ̀ɛn ɔ je, “Ɛ moo wlòlekaen dɛ keǒ ba se tà Ɔ sɔnʼǒ mǒo ji, è plě Nɔ̀ kna ně jǐ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.