Mǎkè 6:51 - Nyesoaa Kuo Win Jajle

⁵¹ È Nɔ̀ǒ jǎlaě u mɔ̀ blǎgbè wan, è pìpia nɛ̀ǒ poa kpee, è uu wùɛǒ ì kaenʼa u le wlò kpǎkpǎ.

Mǎkè 6:51 ပူးပေါင်းရင်းမြစ်များ

Matiɔ̌n 8:10

Tà Jùsu wɔ̌naa winʼǒ, i kaenʼa Ɔ le wlò, kě Ɔ dɛ̌a nyopòǒ ü nɛa Ɔɔ de je Ɔ je, “Kàan tèà Ě tmɛɛ̌ amo, Ě sěɛlǎ ɛ nyu jě bɔ̈ kɔnʼɔ tè wlò popoɛ taeà klě tà wùɛ klee kělɔ Ǐsòwɛ̌ kwɛɛn slèe chɛ̀.

Mǎkè 1:27

I kaenʼa nyopò wùɛǒ le wlò chɔɔ, kě u dɛ̌a u je, “À teea jajlo taeà Ɔ tee leě kɛ ɛ̈ nuǔ bo kpě kɛn neneɛ? Kǔ sìsii chɛ̀ tùiǒ Ɔɔ win bo!”

Mǎkè 2:12

È tǐi doo tǐ jleě è nɔ̀ǒ sɔna mǒ klùba ɔ̌ dǔa ɔɔ chèenʼǒ mǒ ɔ̌ pěaǒ plomǒ ɔ̌ nɛa keǒ nyopò wùɛǒ jemǒ, ì kàea uu wùɛǒ le wan ǔ pea Nyesoaa nynɛ̌ le, kě u dɛ̌a u je, “Ä sěɛlǎ dɛ taeà jě!”

Mǎkè 4:39

Ii tè Ɔ nynana bo Ɔ̌ tmɔɔ̌a pìpia klee jbodoěǒ Ɔ je, “Ba po kpee!” È tǐi doo tǐ jleě pìpia klee jbodoě nìǒ tbala bo.

Mǎkè 4:41

È tà kètekee bea uu wan bo, kě u dɛ̌a klě uu chɛ̀ slè u je, “À Nyu taeà kɛ, jbodoě klee pìpia tùiǒ Ɔɔ win boo chɛ̀!”

Mǎkè 5:42

È tǐi doo tǐ jleě è nyneju nɔ̀ǒ sɔna mǒ ɔ̈ nɛa le. Ɔ kɔna jlěe pù tùo sɔ̌n. È nyopò wùɛǒ ü neaa tùɔn kɛn ì kàea u bo wan.

Mǎkè 6:32

Ii tè kě u nuaě blǎgbè chěnchaě wan bebeɛ ǔ miaě tàà dě poa lěe kpee uu do.

Mǎkè 7:37

Wlòlekaen noǎǒ Ɔ niaa i kàea u bo wan chɔɔ dɔ̌, è kě u dɛ̌a u je, “Dɛ wùɛ Ɔ nii ɛ nmɔ le jǐ, nyopòà ü sǔnʼu u wɛ̌n le, è nyopòà see wien boɔboɔ ji u boɛ wien le!”

Jɔ̀ɔ̌n 6:21

Uu wùɛ u wɔɔnʼa ɛ kɛn keǒ Bɔ diaě u mɔ̀ blǎgbè wlòmo. Tǐi doo tǐ jleě tà ɛmo dɛǒ ɛ sìnʼaa, è blǎgbè nɛ̀ǒ nyniaǒ kponkpǒ klě tà u mia lěe.