Mǎkè 6:12 - Nyesoaa Kuo Win Jajle

¹² Ii tè ǔ bea blě kɛn ǔ boɛa Nyesoaa win keǒ nyopò bu bitǐa uu wlè bo.

Mǎkè 6:12 ပူးပေါင်းရင်းမြစ်များ

Matiɔ̌n 11:1

È tà Jùsu wɔ̀laa Ɔɔ mɔ̀ cheěn nyoo pù tùo sɔ̌nʼǒ noǎǒ tmɔɔ̌a mɔ̀, Ɔ sɔnaǒ tàa mǒ Ɔ̌ nɛa Ǐsòwɛ̌ deě kɛn le Ɔ̌ boɛa Nyesoaa win Ɔ̌ teea u.

Matiɔ̌n 11:20

È Jùsu tùngmaea deěǒ chlǒ mɔ̀ popoɛ ï kɔn wlòmo Ɔ nua lěe wlòlekaen noǎ fòfoa. Mɛ̌oǒ joo nɛ̀ moo nyopòǒ neaě ii wlòmo u sea uu wlè ble bitǐ kaǒ.

Matiɔ̌n 3:2

È kě ɔ dɛ̌a ɔ je, “Nyesoa diě le Ɔ mǐ a win kwa kɔn. Ii tè a bitǐ aa wlè bo!”

Matiɔ̌n 3:8

A nu dɛ bɛ tee ɛ ɛ̈ moo aa wlè bitǐ bo kàan tè,

Matiɔ̌n 4:17

Klě tǐǒ wlòmo Jùsu tùa Nyesoaa win boɔboɔ wlò, kě Ɔ dɛ̌a Ɔ je, “Ba bitǐ aa wlè bo, Nyesoa diě le Ɔ mǐ a win kwa kɔn.”

Matiɔ̌n 9:13

Ba mu a mǐ ɛ chěn dɛ Nyesoaa win sɛ̀nʼɛ nynɛ̌ keǒ ɛ mɔ̀ ɛ̈ moo, ‘Mǒ Nyesoa Ě jlɛ̌ nyopò bu kɔn wɔle keǒ nyopò tùu mɔ̀, ɛ̈ see bu pieě chɔ̀no je.’ (Hos 6.6) Tèǒ nì kɔn tè Ě seɔ kmɔ̌ɔ mɔ̀ di keǒ Boǒ da jebo siǐn nyo u mǐ uu wlè bo bitǐ, kɛɛ Ě diě keǒ Bo da kpni kukwǐ nyo u mǐ uu wlè bo bitǐ.”

Mǎkè 1:15

kě Ɔ dɛ̌a Ɔ je, “Tǐ nyniǒ no, Nyesoa neɔ a slè Ɔ mǐ aa kmɔ̌ neneɛ win kwa kɔn. Tèǒ nì kɔn tè ba bitǐ aa wlè bo klee a po kàan tuposàà ɛɛ tè kàan tè.”

Mǎkè 1:3

Nyuǒ ɔ miǎ sàe poba klě kpatekpǎ blǒ kɛn, kě ɔ miǎ dǎba, ‘Ba wɔ̀ aa chɛ̀ mɔ̀le keǒ Koɔn mɔ̀ wòje keà nyu pee fɛ snǔ ɛ slɛɛ̌ mǒo keǒ nyefòɛɛ didiɛ mɔ̀.’ ” (Mal 3.1, Is 40.3)

Lǔkù 11:32

Klě blilǐ tù waěǒ wlòmo Nyesoa nyopòǒ nea lěe Ninìfae dǐa u miǎ jemǒ dǔba u miǎ dɛ kukǔ nyoà tè jɛɛ le. Mɛ̌oǒ joo nɛ̀ moo tà Nyesoaa wnɔsàɔ Jònǎ boɔla u Nyesoaa win je, u bitǐa uu wlè bo, kɛɛ Nyuà Ɔ̈ kɔn tè boǎa jǐ ï sìnʼǒo Jònǎ mǒ Ɔ ke umo dɛ kukǔ nyoà Nyesoaa tè je boɛɛ chɛ̀ uǔ jlǎ bu bitǐ uu wlè bo.”

Lǔkù 13:3

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.

Lǔkù 13:5

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.”

Lǔkù 15:10

Bo tmɔɔ̌ amo, dɛɛ doǒ nɛ̀ ɛ mono, Nyesoaa najiǒpòo plɔ blo lo keǒ kpni kukwǐ nyuu doo tè mɔ̀ ɔ̈ bitǐ ɔɔ wlò bo.”

Lǔkù 15:7

È Bo tmɔɔ̌ amo, dɛɛ doǒ nɛ̀ ɛ mono, bo kpni kukwǐ nyuu do bɔ̌ bitǐ ɔɔ wlò bo, chǒn fòfoa nɛ̀ neě jɔkɛn ɛ̌ sìnʼǒ jebo siǐn nyoo tà wlèe hɛ̀n tùo pù pù tùo siědo mǒ ü jě lɛɛ ɛ̈ moo u se kɔn bu bitǐ uu wlè bo.”

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Lǔkù 9:6

Ii tè Ɔɔ mɔ̀ cheěn nyo mua klìgbeǒ kɛn le ǔ pea Nyesoaa kàan tuposà ɛ̈ kwɛɛǒo Nyesoaa win kwa konkɔn tè jleě mǒ bo. Tà wùɛ u miaǒo u peana nyopò wùɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:18

Tà u wɔ̌na imoo tèǒ, ù bɔ̌a Pitɛ̌ tè le jejeɛ̌ le, è nùǒ pea Nyesoaa nynɛ̌ le u je, “Ii tè Nyesoa nye kuodakwɛ̌ fɔ̌ ke keǒ uu wlè bi bitǐ bo u mǐ kmɔ̌ sie fònfno kɔn!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:38

Pitɛ̌ tùa u kɛɛn ɔ je, “Nyu wùɛ bɔ bitǐ ɔɔ wlò bo bɔ po ně dlǒ klě Jùsuu nynɛ̌ wlòmo ɛ̈ di ɛɛ numa Nyesoa mǐ ɔɔ kpni kukwǐi tè wlò le poo lo Ɔ mǐ ɔ Ngmà Je Ne Sùsu nye.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:21

Ě tba Jùwɛ nyo klee kuodakwɛ̌ saěn keǒ bu bitǐ uu wlè bo u mǐ tè wlò popoɛ kɔn klě äa Koɔn Jùsu Tentǎn Jǔ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:20

Klekle Ě boɔa Nyesoaa win klě dě fòɛǒ moo Dimasèka wlòmo plě klě Jlǔsnɛ klee Jùdǐa wakǎ wùɛǒ kɛn klee klě kuodakwɛ̌ slè. È dɛ Ě boɛa uu je nɛ̀ moo bu bitǐa uu wlè bo bu chèa Nyesoa ja, è bu nua noǎà mia ɛɛ teeba ɛ̈ moo uu wlè bitǐa bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:19

Tèǒ nì kɔn tè a bitǐ aa wlè bo ɛ̈ di ɛɛ numa Nyesoa mǐ aa kpni kukwǐi tè wlò le poo lo