Mǎkè 6:11 - Nyesoaa Kuo Win Jajle

¹¹ È bǎ nyniǒ tà, bɛ̌ nu bǔ se a jebo kme plě bǔ se aa win nɔkǔ jebo po, è ba sɔnʼǒ tàǒ mǒ. Bǎ ke mi a gbàpo aa be mǒ a sà pǔpu be le ɛ mǐ ɛ ù tee le ɛ̈ moo Nyesoaa plɔ se u kɛn bloo lo.”

Mǎkè 6:11 ပူးပေါင်းရင်းမြစ်များ

Matiɔ̌n 12:36

Kɛɛ Ě tmɛɛ̌ ane, klě blilǐ tù chnɛ̀ jlǒ waě wlòmo nyu wùɛɛ boɔboɔ win nì Nyesoa miǎ ɔ kwa bleěba, jà win kukwǐ wùɛ ɔ boɔɔ.

Mǎkè 6:10

È kě Ɔ dɛ̌a u je Ɔ je, “Bɛ̌ nu bǎ paeě nyuu tà, klě ba neě bo ɛ mǐ ɛ kpa kpa aa dakpǎǒ ɛ mǐ dlǒ chlɛ̀.

Lǔkù 9:5

Bɛ̌ nu diě kwɛɛnʼǒ bǔ se a jebo kme, è ba sà pǔpu be le a miě diěǒ wlòmo sɔn, nɛ̀ mi ɛ teeba ɛ̈ moo Nyesoaa plɔ se u kɛn bloo lo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:6

Kɛɛ tà winʼǒ Pɔ̀ɔ̌ boɛaa u kea lii je wɛ̀n plě u pea ɔɔ pà kɛn, è nɔ̀ǒ gbàfua ɔɔ dale mǒ ɔ̈ sàla i pǔpu fǒ měne ɛ̌ teea lɛ ɛ̈ moo Nyesoaa plɔ sea u kɛn bloo lo, è kě ɔ dɛ̌a u je ɔ je, “Aa chɛ̀ kɔn tè jɛɛaǒ ɛ se ně tè jɛɛa keǒ ba se i kàan tè po ɛ̈ moo Jùsu moo Tentǎn Jǔ! Sɔɔnʼà tǐà jleě mǒo kɛ̀ Ě miě kuodakwɛ̌ mɔ̀ bo chèeba Ě mǐ u Nyesoaa tuposàà je po!”

Wlǔmɔ 2:16

Tèà Ě boɛɛ i miǎ tùɔn kpaba keǒ chnɛ̀ jlǒ waěǒ Tentǎn Jǔ Jùsu miǎa tùonyopoo je wɛ̌ noǎà ii blilǐ tùba keǒ Nyesoa mɔ̀.

Wlǔmɔ 2:5

Kɛɛ blè wlò jakǎ plě è ni dlǒ jakǎ keǒ bò tbɛ nè kpni kukwǐ kɛn. Tèǒ nì kɔn tè Nyesoaa jloà nɛ̀ǒ pepee kɛne keǒ dìe mɔ̀ keǒ Ɔɔ jlo chnɛ̀ jlǒ waěǒ mɔ̀ ɛ̈ miǎ lěe diba, tà Ɔ miǎ Lɔɔ jebo siǐn tè tùtuɛ pepě mǒ poba.

2 Pitɛ̌ 2:6

Nyesoa sùea deě fòee sɔ̌nʼǒ monoo Sedɔ̀n klee Komolà gbè, Ɔ nua na Ɔ̌ siɛna i, i nua pòpo. Ɔ nua deěǒ i mǐa jboo dɛ tù keǒ dɛ miǎa tùɔn kpaba mɔ̀ keǒ nyopòà mɔ̀ ü se Ɔɔ ji.

2 Pitɛ̌ 2:9

Uu wùɛǒ nù moo jboo dɛ ü tee ɛ ke Koɔn Nyesoa nii nyopòà moo Ɔɔ nyopò gblàgbla klě měne tèntɛn slè plě klee ke Ɔ niǒo se jebo siǐn nyoo plɔ tu kɛn bo maěa ɛ mǐ ɛɛ kpa kpa ɛ mǐi blilǐ tù chnɛ̀ jlǒ waě kɛn jɛɛ le.

2 Pitɛ̌ 3:7

Klě tǐà wlòmo Nyesoaa win nì tù jɔkɛn klee kmɔ̌ bo ɛ mǐ ɛ kpa kpa Ɔ miǎ na nu Ɔ miǎ i gbè sùe. Ɔ tù i bo keǒ blilǐ tù chnɛ̀ jlǒ waě mɔ̀ tà Ɔ miǎa se Nyesoa ji nyopò gbè sùeba.

1 Jɔ̀ɔ̌n 4:17

Dɛ kɔn tè Nyesoa nu Ɔɔ mǒ noɛnoɛ ɛ wɛ̀ lěe jele kělɔ ä slè nɛ̀ moo ɛ̈ di ɛɛ numa ä miǎ wlò je kunkuɛn kɔn klě blilǐ tù chnɛ̀ jlǒ waěǒ mɔ̀. Äa kmɔ̌ neneɛ snǎě le mɔ̀ wòje keǒ Tentǎn Jǔ nuaa, ii tè ä miǎ wlò je kunkuɛn kɔnma.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:7

Bi beě a wlòmo ke deěǒ moo Sedɔ̀n klee Komolà ii nyopò klee deěǒ tbɛɛa ii dǐ ii nyopò seaǒo Nyesoa bo tùtuɛ nu wòje keǒ najiǒpòǒ u nuaa. U nea se wòn mɔ̀ɔ wɛ̀ kmɔ̌ klee jbɛjlu bu pɛn uu bǐì jbɛjlu mɔ̀ kmɔ̌, ii tè Nyesoa nua na ɔ̌ sùea u gbè. Uu dɛǒ nɛ̀ moo ɛɛ jboo dɛ keǒ nyopòà mɔ̀ ü kɔn plɔ miǎě tu kɛn bo maěma klě kmɔ̌ sie na slè.