Mǎkè 5:7 - Nyesoaa Kuo Win Jajle

⁷ ɔ̌ pnǎna dɛ jleě klě kpě kɛn ne win wlòmo ɔ je, “Jùsu, Ja Tmɔ Nyesoaa Jǔ, mɛ jlɛ̀ Bò nuǔ kɛɛ̌ mǒ? Ě bɛ̀teè le keǒ Nyesoaa tè mɔ̀, Nè tùiǐ sònwɛ!”

Mǎkè 5:7 ပူးပေါင်းရင်းမြစ်များ

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Matiɔ̌n 26:63

Kɛɛ Jùsu sea ɔ kɛ̀ɛn tù. Ii tè kě bodiɔǒ ɔ dɛ̌a ɔ je, “Klě Kmɔ̌ ne Nyesoaa nynɛ̌ wlòmo, tmɔɔ̌ ämo tàǒ nynaǒo bo Bò moo Nyesoaa Jǔ Ɔ̈ moo Ɔɔ Tentǎn Jǔ.”

Matiɔ̌n 4:3

È kǔà mia lě Ɔɔ měne tɛ̀nma ɔ̀ diaě Ɔ mɔ̀, kě ɔ dɛ̌a Ɔ je ɔ je, “Bɛ̌ nu sɛjesɛ Bò moo Nyesoaa Jǔ, è Bò tmɔɔ̌ seɛ̌à i mǐ flɔ̌ɔ ponpnɔ no Mì di.”

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Mǎkè 1:24

kě ɔ dɛ̌a ɔ je, “Mɛ jlɛ̀ Bò nuǔ kɛ ä mǒ, Jùsu Ɔ̈ kɔn lěe Nǎsòwɛ̌ dǐa? Dì kɛɛ̌ le Bò mi ä gbè sùe le? Ä ji Nyu tae mòo no, Mòo Nyesoaa Ngmà Je Ne Nyu!”

Mǎkè 14:61

Kɛɛ Ɔ nua kpee Ɔɔ̌ jlǎ Bɔ boɔla wien. È Nyesoaa bodiɔ gbàla Ɔ wan de ɔ je, “Deě Mò moo kɛ Nyesoaa Tentǎn Jǔ Ɔ̈ moo Nyesoaà ä bìsee le Ɔɔ Jǔ?”

Mǎkè 3:11

È tà nyopò tùuǒ kǔ sìsi neaa ja le u jěa Lɔɔ, u beaǒ Ɔ jemǒ bo ǔ pnɛ̌a le u je, “Mòà Mò moo Nyesoaa Jǔ!”

Mǎkè 5:6

Tà ɔ jeěa lěe Jùsu nya, ɔ kpala plùplɛ klù ɔ̌ kɔa kwne bo keǒ Ɔ jemǒ

Mǎkè 5:8

Tè kɔn tè ɔ boɛaa tèǒ nɛ̀ moo kě Jùsu dɛ̌a kǔ sùsuǒ je Ɔ je, “Kǔ sùsu, sɔnʼě jbɛjuǒ ja mǒ!”

Lǔkù 1:32

Ɔ miǎ Nyefòɛ mooma, u miǎ Ɔ Ja Tmɔ Nyesoaa Jǔ daeba, Koɔn Nyesoa mi Ɔ Ɔ̀ɔ gbeǐ klɔ̀ba Dèběsee gbèsɛɛ nyema.

Lǔkù 4:34

kě ɔ dɛ̌a ɔ je, “Ǎ! Mɛ jlɛ̀ Bò nuǔ kɛ ä mǒ Jùsu Ɔ̈ kɔn lěe Nǎsòwɛ̌? Dì kɛ lě Bò mì ä gbè sùe le? Ä ji Nyu tae mònoo no, Mò moo Ngmà Je Ne Nyuà Nyesoa dboo!”

Lǔkù 6:35

A bɔ̌ ɛ nunuɛ, a noɛɛ aa jlae nyo mǒ, a nu u kàan dɛ mǒ plě a nye u noǎ aǎ pɛ̀n bu ja i de le kělɔ a mɔ̀, è a mi snǒ sàe dɛ fòɛ kɔnma klee a mǐ Ja Tmɔ Nyesoaa jlǔ tù. Mɛ̌oǒ joo nɛ̀ moo Nyesoa ni kàan dɛ keǒ nyopòà mɔ̀ üǔ pe Ɔɔ tàto klee dɛ kukǔ nu nyo.

Lǔkù 8:28

Tà ɔ jěaa Jùsu, ɔ pɛnaǒ Ɔ jemǒ bo ɔ̌ pnɛ̌a le ke ɔ nuaě ɛɛ wòwɔ ɔ je, “Jùsu! Ja Tmɔ Nyesoaa Jǔ! Mɛ jlɛ̀ Bò nuǔ kɛɛ̌ mǒ? Ě bɛ̀teè le, Nè tùiǐ sònwɛ!”

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:17

Ɔ beaǒ ä klee Pɔ̀ɔ̌ demǒ ɔ̌ pea tùe le, kě ɔ dɛ̌a ɔ je, “Ja Tmɔ Nyesoaa nyebajle nùà, nù tmɛɛ̌ ämo dɛ bä nuu plě ä mǐi wowa dɛ jě!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:13

Jùwɛ nyoo tìe ü nɛaa blě kɛn le ü niaa sàlesa ü peaěe kǔ sìsi ploměne nù tɛ̀na ɛ mǒ bü nua Koɔn Jùsuu nynɛ̌ bü poaǒ kǔ sìsi plomǒ, è kě u dɛ̌a kǔ sìsiǒ je u je, “Ě tmɛɛ̌ ane amo kǔ sìsià, klě Jùsuu nynɛ̌ wlòmo Ɔ̈ kɔn nynɛ̌à Pɔ̀ɔ̌ boɛɛ, a sɔnʼě jbɛjuǒ ja mǒ!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Wlǔmɔ 16:20

Nyesoaà nye ämoo ně bo wnawna Ɔ mi Setɛ̀n ɔ̈ monoo kǔ sìsii klɔ̀ba le waeba pase klě a bobo. Nɛ äa Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

Hiblǔ 7:1

Bi beě a wlòmo Mɛchesèda mooa Selɛ̀n diěe klɔ̀ba ɔ̌ mooa bodiɔ keǒ Ja Tmɔ Nyesoa mɔ̀. Tà Eblɛ̌hɛ̀mo duaa klɔ̀bapoo tùu ɔ keaa de di klě takaně mǒ, Mɛchesèda mua ɔ je mɔ̀ɔma ɔ̌ poa ɔ ngmna mɔ̀.

Jìmǐse 2:19

Po kɛ i mǒ kàan tè ɛ̈ moo Nyesoa ne do sosǒ le? I moo kàan tè, kǔ sìsii chɛ̀ po i kàan tè, ii fě sèn le keǒ fano sosǒ mɔ̀.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:6

Bi beě a wlòmo ke dɛǒ kpalaa tùɔn keǒ najiǒpòǒ mɔ̀ ü seaǒo tà uu kpě sieaǒo sie le ü sɔnaǒ uu tùɔn kɛn mǒ. Nyesoa tù u kmɔ̌ sie chěen klě kwijlě slè ɛ̈ neɔɔ bobo ɛ mǐ ɛ kpa kpa ɛ mǐ chnɛ̀ jlǒ waě fòɛǒ kɛn jɛɛ le ɛ̈ kɔn mǒ Ɔ miǎě uu na slè pooba.

Wlɛ̀velesɔ̌n 12:12

Tèǒ nì kɔn tè jɔkɛn klee nyopò wùɛǒ neěe a nu chǒn le! Kɛɛ chlǒ keǒ blǒ klee jbǒ mɔ̀. Mɛ̌oǒ joo nɛ̀ moo klě a mɔ̀ wɔ̀ɔn klě kǔǒ ɔ diě. Ɔ ji ɛle ɔɔ tǐ see kɛ̀ jleě mǒ bo tmɔ, ii tè ɔ pe jlo ɛ̌ sìnʼǒ le.”