Mǎkè 5:24 - Nyesoaa Kuo Win Jajle

²⁴ Ii tè kě Jùsu nua ɔ de nena ǔ mia, è tà u keaa mi, nyopò fòfoa nù nɛna Ɔ de ü jejɛ̌ɛaě Ɔ jǐ měne.

Mǎkè 5:24 ပူးပေါင်းရင်းမြစ်များ

Mǎkè 3:20

È Jùsu mua lě koǔ bo, è diblɛ̌ wɛ̀a de de keǒ Ɔ gbàa, ii tè Ɔ klee Ɔɔ mɔ̀ cheěn nyo uǔ jěa fɔ̌ u mǐa dɛ dii chɛ̀.

Mǎkè 5:23

ɔ̌ bɛ̀tea Ɔ le chɔɔ ɔ je, “Ně nynejuju chěnchaě neǒ kokǒ snǔ mɔ̀, Ě bɛ̀teè le, diě Mìǒ ɔ Nè son jleě mǒ bo po ɛ̈ di ɛɛ numa ɔɔ kwɛ̌ mǐ dɛ bɔ̌ ɔ mǐ kmɔ̌ ne!”

Mǎkè 5:25

Ɛ kɔna nynɔ tɔ̀ɔ neaě uu slè ɔ̈ blěaa nymɔ kwɛ̌ ɛ̈ niaa chɔɔ klě jlěe pù tùo sɔ̌n wlòmo.

Mǎkè 5:31

È Ɔɔ mɔ̀ cheěn nyo gbɛ̀a Ɔ wan u je, “Keà diblɛ̌à u tìn kɛɛ ǔ tbɛɛ Mòo dǐ kě gbɛ̀ kɛ i wan nyu tae tǒ Mòo lee?”

Lǔkù 11:29

Tà diblɛ̌ keaa kɛne bebee le, è kě Jùsu dɛ̌a nyopòǒ je Ɔ je, “Nyopòà ü neɔɔ kmɔ̌ mɔ̀ u moo kpni kukwǐ nyo klee se tè wlò popoɛ kɔn nyo, u pɛ̀n le jboo dɛ, kɛɛ jboo dɛ wùɛ nɛ̀ u se jěba mu, ɛ̀ sìnʼǒ dɛɛ doǒ kpalaa tùɔn keǒ Nyesoaa wnɔsàɔ Jònǎ jleě mǒ nɛ̀ moo jboo dɛ.

Lǔkù 12:1

Tà nyopòo taslěwɛ fòfoa wɛ̀aa de u keaa kɛn ble sisǐi li, klekle Jùsu tùngmaeaě Ɔɔ mɔ̀ cheěn nyo mɔ̀ boɔboɔ Ɔ je, “Ba gbɛ̀ɛ le keǒ Fɛlesǐi wǎnʼa kmɔ̌ kukǔǒ mɔ̀, u moo ä jěè kɛn ä daà kàan chènyo.

Lǔkù 19:3

Tà Jùsu kea lěe diěǒ wlòmo tìe bɛɛ̌ le, ɔ pɛ̀nʼa fɔ̌ le ɔ mǐa Jùsu jě Nyu tae Ɔ mooa, kɛɛ ɔ konwǎna ja, ii tè ɔ slě wɔ̀ bɔ jaea diblɛ̌ǒ jleě dlǒ měne bɔ jěa Lɔ.

Lǔkù 7:6

Ii tè Jùsu sɔna mǒ Ɔ̌ nana u de. Ɔ sea koǔ mɔ̀ tmɔɔ noo chɛ̀ è jǐgbàdiɔǒ ɔ̀ dboa ɔɔ nenawa klě Ɔ mɔ̀ ü ɔ poaa win wan ï dɛ̌a bòo ɛ̈ moo, “Koɔn, Bɔ̌ Dìe feanfeǒ tùtuɛ keǒ Bò diě ně koǔ bo. Mɛ̌oǒ joo nɛ̀ moo mǒà Ě seǒ je blɛɛ le keǒ Bò diě ně tà.

Lǔkù 8:42

Mɛ̌oǒ joo nɛ̀ moo ɔɔ nynejujuu do sosǒ ɔ̈ kɔnaa jlěe pù tùo sɔ̌n nɔ̀ neaǒ kokǒ snǔ mɔ̀. Tà Jùsu keaa mi, nyopò fòfoa pinpniia kɛn ǔ tbɛɛa Ɔ dǐ.

Lǔkù 8:45

È kě Jùsu nia u wan gbògba Ɔ je, “Mɔ tǒǒ kɛ Mǒ le?” È nyopò wùɛ u chènchnɛaa měne, ii tè kě Pitɛ̌ dɛ̌a ɔ je, “Chì Kpa Ämo, nyopòà u tbɛɛ leè dǐ plě ǔ tuntuwǐi ni ǔ diěè jǐ mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.