Mǎkè 5:2 - Nyesoaa Kuo Win Jajle

² è nùǒ sɔnaě blǎgbè wan mǒ, tǐi doo tǐ jleě è jbɛju tɔ̀ɔ kǔ sùsu nea lěe ja nɔ̀ sɔnaě sɛklɛ bǐtìe wan mǒ ɔ̈ dia Jùsu nya bɛ̌ba.

Mǎkè 5:2 ပူးပေါင်းရင်းမြစ်များ

Mǎkè 1:23

È ɛ kɔna jbɛju tɔ̀ɔ kǔ sùsu nea lěe ja nɔ̀ nea lě Nyesoa koǔǒ bo ɔ̈ pnɛ̌a dɛ jleě le,

Mǎkè 1:26

È kǔ sùsuǒ ɛ kpɔtǐa jbɛjuǒ dlǒ je ɛ̌ pea tùe le, è nɛ̀ǒ sɔnaě ɔ ja mǒ.

Mǎkè 3:30

Tè kɔn tè Jùsu dɛ̌a bòo nɛ̀ moo u je kǔ sùsu neaě Ɔ ja.

Mǎkè 3:9

Diblɛ̌ǒ u wɔ̌na fòfo tè, nì kɔn tè Jùsu tmɔɔ̌a Ɔɔ mɔ̀ cheěn nyo bu jala Ɔ blǎgbè chěnchaě ɛ̈ di ɛɛ numa nyopòǒ uǔ diaě Ɔ jǐ měne nynǎ.

Mǎkè 4:1

Ɛ kɔna chnɛ̀ jlǒ waě tɛ̀ɛ mɔ̀ Jùsu tùngmaea nyopò teea de klě Jàlalǐi jbǒ wien, è diblɛ̌ wɛ̀a de ǔ tbɛɛa Ɔ dǐ, ii tè Ɔ bea lě blǎgbè chěnchaě wan klě ně kɛn Ɔ̌ nea bo, è diblɛ̌ wùɛǒ nù nynanaǒ kponkpǒ bo keǒ ně wien.

Mǎkè 4:36

Ii tè Ɔɔ mɔ̀ cheěn nyo beaě Ɔ mɔ̀ blǎgbè chěnchaěǒ wan ǔ siaǒ diblɛ̌ǒ tàǒ, è mòngmɛ blǎgbèa neaǒ tàǒ ï nana u de ke.

Mǎkè 5:21

È Jùsu beea kɛn bo Ɔ̌ bɛ̌a jbǒǒ tìe de. Jbǒǒ wien keǒ Ɔ kɛ̀nʼaǒ bo, è diblɛ̌ fòfoa wɛ̀a de ǔ tbɛɛa Ɔ dǐ.

Mǎkè 5:3

Jbɛjuǒ ɔ tǐnʼa lě sɛklɛ bǐtìi wan, nyu wùɛ nɔ̀ sea lě wɔ̀ bɔ pìn ɔ ble baǎje chěenʼe chɛ̀.

Mǎkè 5:8

Tè kɔn tè ɔ boɛaa tèǒ nɛ̀ moo kě Jùsu dɛ̌a kǔ sùsuǒ je Ɔ je, “Kǔ sùsu, sɔnʼě jbɛjuǒ ja mǒ!”

Mǎkè 7:25

Klě nynɔ tɔ̀ɔ nea lě ɔ̈ kɔn nynejuju kǔ sùsu nea lěe ja. Tà ɔ wɔɔ̌na bòo Jùsuu nynɛ̌ sosǒ, è nɔ̀ǒ dia lě ɔ̈ kɔaǒ Ɔ kwne jemǒ bo.

Lǔkù 8:27

Tà Jùsu sàǎla bòě blǎgbè wan bo Ɔ tùaě ɛɛ kponkpǒ bo, è jbɛjuǒ kǔ sùsu nea lěe ja nɔ̀ sɔnaě dǐa mǒ ɔ̈ dia Ɔ nya bɛ̌ba. Jbɛjuǒ ɔ dǔa gblàgblo popoɛ mǒ seea plě ɔ seaě nyopò mɔ̀ dǐa ne, ɔ tǐnʼa lě sɛklɛ bǐtìi wan.

Lǔkù 9:42

Tà jǔǒ ɔ keaě Ɔɔ mɔ̀ mi, è kǔ sùsuǒ ɛ poa ɔ wɔ̀ɔn ɛ̌ takǎea ɔ le, kɛɛ Jùsu tmɔɔ̌a sùsuǒ bɛ sɔnaě ɔ ja mǒ, ɔ̀ɔ kwɛ̌ nɛ̀ǒ bɔ̌a dɛ, Jùsu sàlaǒ ɔ Ɔ̌ nyea nɔ ɔ̀ɔ gbeǐ.