Mǎkè 4:38 - Nyesoaa Kuo Win Jajle

³⁸ È Jùsu pɛna bo klě blǎgbèǒ ɛɛ demǒ dɛ wan Ɔ̌ poaǒ dlǒ tuklǒ kɛn bo Ɔ̌ mɛa. Ii tè Ɔɔ mɔ̀ cheěn nyo sàla Ɔ momnɔ mǒ, kě u dɛ̌a u je, “Tee Nyu, sè kɛě äa kokoɛ̌ɛ tè mɔ̀ kɔn le?!”

Mǎkè 4:38 ပူးပေါင်းရင်းမြစ်များ

Matiɔ̌n 22:16

Nɛ̀ kɔn tè u dboa uu mɔ̀ cheěn nyoo tìe klee Hɛwlǒo nyopòo tìe nù mua lě Jùsu mɔ̀, kě u dɛ̌a Lɔ je u je, “Tee Nyu, ä ji ɛle Mòo sèn bo mǎ Nyu Ɔ̈à tee lee kàan dɛ keǒ Nyesoa dɛ mɔ̀ plě nyopòo dlǒ mɔ̀le sìɛnʼɛ dɛ ɛɛ̌ kpaa leè kbě keǒ Bò nu dɛ plě Nè wlò ɛɛ̌ sàǒ nyuu do ɛɛ̌ siǒ nyopò tùu.

Matiɔ̌n 8:25

è Ɔɔ mɔ̀ cheěn nyo muaě Ɔ mɔ̀ ǔ sàla Ɔ momnɔ mǒ, kě u dɛ̌a u je, “Koɔn, gblà ämo! Ä kwě leàò!”

Mǎkè 4:37

Tà u keaa jbǒǒ tìe bɛ̌, è kpě kɛn ne pìpia tɛlaě bo klee jbodoě ǐ beaě blǎgbèǒ wan le, i dukwlalaě ɛ jieěa.

Mǎkè 4:39

Ii tè Ɔ nynana bo Ɔ̌ tmɔɔ̌a pìpia klee jbodoěǒ Ɔ je, “Ba po kpee!” È tǐi doo tǐ jleě pìpia klee jbodoě nìǒ tbala bo.

Lǔkù 8:24

Ii tè Ɔɔ mɔ̀ cheěn nyo muaě Ɔ mɔ̀ ǔ sàla Ɔ momnɔ mǒ, è kě u dɛ̌a u je, “Chì Kpa Ämo, Chì Kpa Ämo, ä kwě leàò!” È Nɔ̀ǒ dǔa jemǒ Ɔ̌ tmɔɔ̌a pìpia klee jbodoěǒ bi poa kpee, è nìǒ tbala bo.

Jɔ̀ɔ̌n 4:6

Jèkɔ̌po kɔnaǒ někàwulo keǒ tàǒ ke. È tǐà wɛn wulee blǒ mǒ, è Jùsuu kbě wɛ̀aě le keǒ snǔǒ Ɔ nɛaa mɔ̀, ii tè Ɔ nea bo keǒ někàwuloǒ wakǎ mǒ Ɔ̌ sɛ̀aě kɛn jɔ mǒ.

Hiblǔ 2:17

Tèǒ nì kɔn tè Jùsu kɔn Bɔ wǒa Ɔɔ mamǔpò je klě wakǎ wùɛ mǒ ɛ̈ di ɛɛ numa Ɔ mǐa Nyesoaa konkwa nu keà Bodiɔ Ɔ̈ kɔnʼɔ wɔle je jbojbɛ klee Ɔ̈ moo Wlò Kpae Nyu keǒ u mɔ̀ ɛ̈ di ɛɛ numa Nyesoa mǐ uu kpni kukwǐi tè wlò le poo lo.

Hiblǔ 4:15

Äa Bodiɔ se nyuà ɔɔ̌ jěe nyopò wɔle je keǒ äa kbě ja le wòwɛ mɔ̀, kɛɛ u tɛ̀naě Ɔ měne klě wakě wùɛ wlòmo wòje keà äa ka nee je ǔ tɛ̀nʼě ämoo měne, kɛɛ Ɔ sea kpni kukwǐ nu.

1 Pitɛ̌ 5:7

Jùsu kɔnʼě aa tè mɔ̀, ii tè a gbà Ɔ wan Ɔ mǐ a mǒ sɛ̀ɛ le keǒ aa feanfeǒ noǎa wùɛ mɔ̀.