Mǎkè 4:24 - Nyesoaa Kuo Win Jajle

²⁴ È kě Ɔ dɛ̌a u je de Ɔ je, “Noǎ wùɛà a wɛ̌nʼɛ Ě boɛ amoo je ba nae i wlò kɛne. Win wùɛà Ě boɛ amoo je ke a miě ii aa kmɔ̌ neneɛ wlòmo popoɛ numa kě Nyesoa mi a ngmna mɔ̀le popoɛ numa plě Ɔ mǐ a ngmna fòfoa mɔ̀ po.

Mǎkè 4:24 ပူးပေါင်းရင်းမြစ်များ

Matiɔ̌n 7:2

Ke kɔn doǒ a nii ǎ jɛɛ nyopò tùu tè, ɛɛ doǒ nɛ̀ Nyesoa miǒ jleě mǒ bo nynama ke Ɔ mǐ a tè jɛɛ le.

Mǎkè 9:7

È nukpǎ nɛ̀ wǒa tàmo ɛ̈ chlìa u dlǒ, è Nyesoaa Win sɔnaě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, a po Ɔɔ win nɔkǔ jebo!”

Lǔkù 8:18

Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba, Ɔ mǐ ɔ tè le jbojbɛ fòfoa nye, tèǒ nì kɔn tè ba gbɛ̀ɛ le ke a mii nɔkǔ bo popoɛ numa. Kɛɛ nyuǒ se ɛɛ tè le jbojbɛ kɔn, tè le jbojbɛ chěnchaě gbee chɛ̀ǒ ɔɔ wlò je ɔ kɔnʼɔ Nyesoa mi ɛ ɔ̀ kwa sàba.”

Jɔ̀ɔ̌n 10:16

Ě kɔn blableǎ tìi ï seɔɔ blǎgbòɔ slè neě jè, Ě kɔn Bo ja lě i ke i mǐ Ně win wɔ̌n i mǐ blǎgbòo do nu i mǐ Jǐ Mɔ̀ Tùɔ̌ɔ do kɔn.

Jɔ̀ɔ̌n 10:27

Ně nyopò wɛ̌n Ně win ni, Ě ji lu, plě ǔ nɛɛ̌ de.

Jɔ̀ɔ̌n 5:25

Kàan tè Ě tmɛɛ̌ amo, tǐ diě le plě i nyni ni ɛ̌ wɛ̀ mɔ̀le, tà nyopòǒ se Mǒo ji u mi Něe win wɔ̌nma Ě mi nuu daba, uu nyopòǒ mi Mǒo nɔkǔ jebo poba u mi kmɔ̌ sie fònfno kɔnma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:11

Jùwɛ nyoǒ u jɛɛa lěe uu wlè knana je chɔɔ ɛ̌ sìnʼaǒ nyopòǒ nea lěe Tɛslonikà mǒ. U jlɛ̌a lɛ chɔɔ keǒ bu wɔ̌na tuposàǒ ɛ̈ kwɛɛaǒ Jùsu jleě mǒ bo, ii tè chnɛ̀ jlǒ waě wùɛ mɔ̀ u nea bo ǔ chěnʼa Nyesoaa win u mǐa ɛ ji tèǒ Pɔ̀ɔ̌ klee Salě boɛaa bǐ mooa kàan tè.

2 Kwnɛtiɛ̌ 9:6

A ji ɛle ɛ̈ moo bɛ̌ nu nyu bɔ̌ dɔ̌ kou gbei, ɔ mi kou chěnchaǐi bɛ̌ba, kɛɛ bɛ̌ nu nyu bɔ̌ dɔ̌ kou fòfoa, ɔ mi kou fòfoa bɛ̌ba.

Hiblǔ 2:1

Dɛǒ nɛ̀ kɔn tè ä kɔn bä po Nyesoaa winʼǒ u tee ämoo nɔkǔ jebo ɛ̈ di ɛɛ numa äǎ di Nyesoa mɔ̀ tmɔɔ no.

1 Pitɛ̌ 2:2

Ba wǒ je jijlǎe, tǐ wùɛ mɔ̀ a sòa Nyesoaa win ï snǎ lěe mɔ̀le wòje keà jijlǎe sòɛ ɔɔ naǎa nyia ně ɛ̈ di ɛɛ numa i mǐ aa tè wlò popoɛ kuɛn klee a mǐ gblàe le klě aa kpni kukwǐi plɔɔ tu kɛn bo maěa bobo.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.