Mǎkè 4:19 - Nyesoaa Kuo Win Jajle

¹⁹ kɛɛ kmɔ̌ɔ kàan noǎa feanfeǒ sɛ̀ uu wlò kǔ mǒ plě pònpan gbee u mǒ klee noǎ tìi u jlɛ̌ɛ, bǐ diě bǐ sàě u winʼǒ měne ì seǒ u dɛ bo po.

Mǎkè 4:19 ပူးပေါင်းရင်းမြစ်များ

Matiɔ̌n 13:22

È jɔ̌ǒ beaěe wiǎ slè i nynaǒ pènmo bo nyopòà ü wɔ̌nʼɔ winʼà, kɛɛ kmɔ̌ɔ kàan noǎa feanfeǒ sɛ̀ uu wlò kǔ mǒ plě pònpan bee u mǒ ǐ sà lě u winʼǒ mǒ, ii tè ǐ seǒ u dɛ bo po.

Matiɔ̌n 19:23

È Jùsu tmɛɛ̌a Ɔɔ mɔ̀ cheěn nyo Ɔ je, “Kàan tèà Ě tmɛɛ̌ amo, ɛ moo wan jakǎ dɛ keǒ pònpan nyu bɔ sɔnʼǒ Nyesoa mɔ̀ mǒ Bɔ kɔn ɔ win kwa.

Matiɔ̌n 3:10

Kèkeà Nyesoaa tòwɛ wɛ̀ le mɔ̀ keǒ bɛ bɛɛě ti wùɛɛ be wlò je le. Ii tè tuà ɛ̈ see kàan buo toba mu Ɔ mi ɛ dbaba Ɔ mǐ ɛ tǎn po.

Mǎkè 4:18

È kaǒ nyopò tùu neǒ ü wǒo je jɔ̌ǒ ï beěe wiǎ slè. Bǔ po nɔkǔ bo u wɛ̌n Nyesoaa winʼǒ no,

Lǔkù 10:41

È Koɔn tùa lɔ kɛ̀ɛn Ɔ je, “Matǎ, Matǎ, noǎ fòfoa nì kɔn jlo klee kèjle ni mò,

Lǔkù 21:34

È kě Jùsu dɛ̌a u je Ɔ je, “Ba tù aa chɛ̀ jǐ mɔ̀, aa kmɔ̌ neneɛ wùɛ bɛɛ̌ moo digbaǐ didiɛ klee nmɔ nenǎ plě kmɔ̌ɔ konkɔn noǎ ii kèjle bɛɛ̌ ni amo. Noǎǒ nì bǎ kɛ̀nʼě nunuɛ wlòmo bo, è Nyesoaa blilǐ tù chnɛ̀ jlǒ waě miǎ a mǒ kèenma

Jɔ̀ɔ̌n 15:2

Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Ifisiɛ̌n 6:12

Bi beě a wlòmo ɛ̈ moo ä se tùonyopo mɔ̀ wɔ̀n, kɛɛ ä wɛ̀n mɔ̀ kpni kukwǐ nae nyo klee klɔ̀bapoo klee sìsi kukwǐ ï neěe jɔ mǒ.

Flepiɛ̌n 4:6

Dɛ wùɛɛ tè ně tùi a kèjle, kɛɛ tǐ wùɛ mɔ̀ a sɔnʼǒ Nyesoa mɔ̀ mǒ Bɔ ji dɛ tae a jlɛ̌ɛ klě aa bàtea wlòmo klee noǎ kɔn tè a miǒ Ɔɔ jemǒ bo poba. È bǎ ke bɛ̀te, a pe Ɔ tàto keǒ dɛ Ɔ nii mɔ̀ keǒ a mɔ̀.

1 Timɛtě 6:17

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

2 Timɛtě 4:10

Kmɔ̌à ɛɛ mǒ noɛnoɛ nɛ̀ Dimǎse beǒ demǒ, ii tè ɔ siǒǒ bo ɔ̌ muě dě fòɛǒ monoo Tɛslonikà kɛn. È Kwlɛsɛ̀n nɔ̀ muě Kalesìa wakǎ kɛn, è Taetɔ̌ nɔ̀ muě Damasiǎ wakǎ kɛn.

2 Pitɛ̌ 1:8

Dɛ ɛ nuu nɛ̀ moo bɛ̌ nu kmɔ̌ taeǒ bɛ̌ fò lěè ja, ɛ miì numa mì kàan dɛ nu, ɛ miěè kàan noǎ mɔ̀ ja plě ɛ miě dɛ le jbojbɛ ja ɛ̈ kwɛɛǒo äa Koɔn Jùsu Tentǎn Jǔ jleě mǒ bo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:12

Nyopòǒ u wǒ je dɛà paa mnǒ ɛ̈ mǎǒo tà bo klě amo Tentǎn Jǔu wǎnʼa mɔ̀ betee dɛ dila mǒ, uu dɛ kukǔu tònwe ně nu nu, u tùi uu chɛ̀ jǐ mɔ̀ sosǒ. U se dɛ mǒ ne wòje nukpě ï fèflɛ pee kwa le nǔ ně sɔn lěe wlòmo. U wǒ je tià ii tǐ bǐ nyniǒo keǒ bï too iǐ too bui plě ǔ wǒ je tià u sàa wlò ï kǒo kpǎkpǎ.