Mǎkè 3:7 - Nyesoaa Kuo Win Jajle

⁷ Tà ɛ sìnʼaa, è Jùsu klee Ɔɔ mɔ̀ cheěn nyo muaě Jàlalǐi jbǒ wien, è diblɛ̌ fòfoa nù sɔna Jàlalǐi klee Jùdǐa wakě kɛn mǒ u nana u de.

Mǎkè 3:7 ပူးပေါင်းရင်းမြစ်များ

Matiɔ̌n 10:23

Bɛ̌ nu bǎ muě diě wlòmo nyopòǒ neěe bǔ ke aa tè mɔ̀ tè, è ba plùu u je ba muě diě tɛ̀ɛ kɛn. Kàan tèà Ě tmɛɛ̌ amo, imo Ǐsòwɛ̌ kwɛɛn deě wùɛǒ a se i dlǒ wɔ̀ba mu Mǒ Jbɛjuu Jǔà Ě miǎ de di.

Matiɔ̌n 12:15

Kɛɛ Jùsu jia dɛ uu wlè peaa ble bu nuaa le, tèǒ nì kɔn tè Ɔ sɔnaǒ tàǒ mǒ. Tà Ɔ keaa mi, nyopò fòfoa beaǒ Ɔ demǒ Ɔ̌ peana uu wùɛǒ ü kmɛaa.

Matiɔ̌n 12:16

È Ɔ tmɔɔ̌a u buǔ tmɛɛ̌a nyu wùɛ nyu tae Ɔ mooa.

Matiɔ̌n 4:25

Diblɛ̌ fòfoa nù nɛna Ɔ de. U sonwɛa mǒ Jàlalǐi wakǎ kɛn, tìe sonwɛa Dikaplà wakǎ kɛn mǒ klee klě diěǒ moo Jlǔsnɛ wlòmo, tìe sonwɛa Jùdǐa wakǎ kɛn mǒ plě klě něǒ moo Jɔ̀ɔ̌dɛn demǒ.

Mǎkè 1:39

Ii tè Ɔ nɛa Jàlalǐi wakǎǒ kɛn le Ɔ̌ boɛa Nyesoaa tè klě Jùwɛ nyoo Nyesoa keǐ bo ble le Ɔ̌ sɛ̀aě nyopò kǔ sìsi ja le.

Mǎkè 1:45

Ii tè jbɛjuǒ ɔ̌ piea chɔ̀no, kɛɛ ɔ sea kpee po ɔ̌ tùngmaea imo tèǒ le gbɛ̀tɛɛa. Dɛǒ nɛ̀ nua nɛ Jùsu Ɔɔ̌ mua kɛ̀ě dě fòɛ kɛn, ii tè deěǒ kɔn kɛn nyopò seaǒo fò nì Ɔ nɛa kɛ̀ kɛne, kɛɛ kaǒ nyopò sonwɛa deě kɛn měne ǔ miaě Ɔ mɔ̀.

Mǎkè 3:20

È Jùsu mua lě koǔ bo, è diblɛ̌ wɛ̀a de de keǒ Ɔ gbàa, ii tè Ɔ klee Ɔɔ mɔ̀ cheěn nyo uǔ jěa fɔ̌ u mǐa dɛ dii chɛ̀.

Mǎkè 4:1

Ɛ kɔna chnɛ̀ jlǒ waě tɛ̀ɛ mɔ̀ Jùsu tùngmaea nyopò teea de klě Jàlalǐi jbǒ wien, è diblɛ̌ wɛ̀a de ǔ tbɛɛa Ɔ dǐ, ii tè Ɔ bea lě blǎgbè chěnchaě wan klě ně kɛn Ɔ̌ nea bo, è diblɛ̌ wùɛǒ nù nynanaǒ kponkpǒ bo keǒ ně wien.

Lǔkù 23:5

Kɛɛ u neaǒ ɛ demǒ doo u je, “Ɔɔ teea jɛě jale jejǎea kělɔ äa Jùdǐa wakǎɔ kɛn. Klě Jàlalǐi Ɔ tùaě ɛ wlò, è nɛ̀à Ɔ ja lɔ tàɔ.”

Lǔkù 6:12

Chnɛ̀ jlǒ waě tɛ̀ɛ mɔ̀ Jùsu sɔnaě dǐa mǒ Ɔ̌ muaě togbee dlǒ Ɔ mǐaě Nyesoa mɔ̀ boɔ, klě Ɔ sìnʼa lě tǒn jlǒ waěe gblèe Ɔ̌ boɛaě Nyesoa mɔ̀.

Lǔkù 6:17

U sɔnaě togbee dlǒ mǒ ǔ dia lɔ wɔ̀ɔn, è Jùsu nynanaǒ tàà dě pɛtɛaǒo le bo, è diblɛ̌ ü mooa Ɔɔ mɔ̀ na nyo ù wɛ̀a de, è diblɛ̌à ü sɔnaa Jùdǐa wakǎ kɛn mǒ klee deěà ï monoo Jlǔsnɛ klee Taè plě klee Saedɛ̀n kɛn mǒ ù wɛ̀a de.

Jɔ̀ɔ̌n 7:41

È kě uu tìe tùu dɛ̌a u je, “Nɔ̀ moo Tentǎn Jǔ Ɔ̈ Nyesoa peea lěe Bɔ dboaa Ɔ̈ mǐa ämoo gblà.” È tìe tùu je, “Ke tae Nyesoaa Tentǎn Jǔ wɔ̀le je Bɔ nuǔ kɛě Jàlalǐi wakǎ kɛn mǒ sonsɔn?

Jɔ̀ɔ̌n 7:52

U tùa ɔ kɛ̀ɛn u je, “Dɛmo sè kɛ Jàlalǐi mǒ sɔnʼò? Nè chɛ̀ chèě Nyesoaa win wlòmo bo mì ɛ jěba ɛ̈ moo Nyesoaa Wnɔsàɔǒ Ɔ slě Jàlalǐi mǒ sɔnma mu!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:10

Tǐi do tǐ jleě tà tǒn wɔ̀laa, è Tentǎn Jǔu wǎnʼǒ u dǔa Pɔ̀ɔ̌ klee Salě mǒ ǔ dboa lu klě dě fòɛǒ mooa Bowlià kɛn. Tà u nynia lěe, ù muaě Jùwɛ nyoo Nyesoa koǔ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:14

Ii tè tǐi doo tǐ jleě Tentǎn Jǔu wǎnʼǒ nea lěe ǔ dboa Pɔ̀ɔ̌ klě jbǒ wien, è Salě klee Timɛtě nù siaě klě Bowlià.