Mǎkè 3:5 - Nyesoaa Kuo Win Jajle

⁵ Ɔ bea jlo měne Ɔ̌ tanaě u mɔ̀le, è uu wɔle nia Ɔlo ke keǒ uu wlè jakě u blěaa mɔ̀. Tèǒ nì kɔn tè kě Ɔ dǎla jbɛjuǒ je Ɔ je, “Pnɛ̌ nè sonʼǒ mǒ.” Ii tè ɔ̌ pnɛ̌a ɔɔ sonʼǒ mǒ, tǐi doo tǐ jleě è nɛ̀ǒ bɔ̌a dɛ.

Mǎkè 3:5 ပူးပေါင်းရင်းမြစ်များ

Matiɔ̌n 12:13

È kě Ɔ dɛ̌a jbɛjuǒ je ɔ̈ kɔn kweta neaea Ɔ je, “Pnɛ̌ nè sonʼǒ mǒ.” È nɛ̀ǒ ɔ pnɛ̌na mǒ, è tǐi doo tǐ jleě è nɔ̀ǒ kɔn kweta bea kbě mǒ wòje keǒ ɛɛ běǒ ɛ nuaa.

Mǎkè 3:4

È Ɔ gbàla u wan Ɔ je, “Mɛ Nyesoaa teteǎà Ɔ nyea kɛɛ Mɔ̀sě i jlɛ̌ bä nuǔ keǒ Nyesoaa defɛ chnɛ̀ jlǒ waě mɔ̀, bä nu kɛ kàan dɛ le, deě bä nu dɛ kukǔ? Bä gblà kɛ tùonyuu fònfno le, deě bä dbǎ tùonyu?” Kɛɛ u sea Ɔ kɛ̀ɛn tù.

Lǔkù 13:15

È Koɔn tùia lɔ kɛ̀ɛn Ɔ je, “Amo ä jěè kɛn ä daà kàan chènyɔ nyopò nae nyoà, klě Nyesoaa de fɛ waě wlòmo a nyuu blǐ klee jakǎsè nenǎ to bɛ̌ ke ii dɛ ni, a sɛ̀ě ɛ blò wan ǎ kpɛě ɛ plomǒ ǎ nye ɛ ně.

Lǔkù 17:14

Tà Ɔ jěa luu Ɔ je, “A mu aa chɛ̀ Nyesoaa kpatòapoo je te bu tan ä fǒ měne ɛ̈ moo a wɛ̀ sìnɛ.” È tà u keaa mi, è nùǒ kɔn kwɛ̌ bɔ̌a dɛ keǒ snǔ mɔ̀ ü wɛ̀a sìnɛ.

Lǔkù 6:10

Tà Ɔ tanaě uu mɔ̀le tan tan, è kě Ɔ dɛ̌a jbɛjuǒ je Ɔ je, “Pnɛ̌ nè sonʼǒ mǒ.” Ii tè ɔ̌ nua nɛ, è nɛ̀ǒ bɔ̌a dɛ.

Jɔ̀ɔ̌n 9:7

È Ɔ tmɔɔ̌a nɔ Ɔ je, “Muě pnèe wulǒǒ moo Saloòn mɔ̀, mì jǐ měne jla.” Saloòn ɛ sɛ̀n nynɛ̌ Dbodbɛ. Ii tè jbɛjuǒ ɔ̌ mua lě ɔ̌ jlala jǐ měne, è nɔ̀ǒ kɔn jǐ bɛ̌a ɔ̌ muaě koǔ bo.

Wlǔmɔ 11:25

Ně bǐì kuodakwɛ̌ ü moo Tentǎn Jǔu wǎn, Ě jlɛ̌ ba ji je wɛ̌ dɛǒ ɛ̈ di ɛɛ numa aǎ di aa chɛ̀ nyu mǒ jě chɔɔ. Nyesoa nu Jùwɛ nyoo tìe ǔ ni dlǒ jakǎ ɛ mǒ ɛ kpa kpa kuodakwɛ̌ tìen taeǒ Ɔ jlɛ̌ bü diiɔ Lɔɔ mɔ̀ u miě je wɛ̀.

2 Kwnɛtiɛ̌ 3:14

Ɛ pàe le chnɛ̀ ɛ̈ moo sɔɔnʼaě tǐǒ wlòmo Ǐsòwɛ̌ kwɛɛn tè le jbojbɛ kana kɛn. Mɛ̌oǒ joo nɛ̀ moo klě tǐà wlòmo bǔ slè Nyesoaa kuo win dakěǒ Ɔ poaa keǒ Ɔ klee tùonyopo pǎnpe, ɛ wǒ je keà tata daloo doǒ ɛ kan uu tè le jbojbɛ kɛn. Tentǎn Jǔu do Nɔ̀ wɔ̀le je Bɔ kna uu dlě je le.

Ifisiɛ̌n 4:18

U bo lo plě ǔ blě wlè jakě, ii tè uu dlǒ le sìɛnsiɛn neě kwijlě slè, è keǒ Nyesoa je bu nuu kmɔ̌ neneɛ uǔ nu bo kmɔ̌ neneɛ.

Ifisiɛ̌n 4:26

Bɛ̌ nu aa nyu bɔ̌ be jlo měne, ɔɔ̌ ni dɛ kukǔ wòje keǒ Nyesoaa win dɛ̌ɛ. (Ps 4.4) È aǎ pɛɛn jlo popoɛǒ bo

Ifisiɛ̌n 4:30

Aǎ pe Ngmà Je Ne Sùsu feanfeǒ měne Ɛ̈ǒ wɔ̀ amoo mɔ̀le keǒ chnɛ̀ jlǒ waěǒ kɔn mǒ Nyesoa miǎ amoo gblàba mɔ̀ klě aa kpni kukwǐ slè.

Hiblǔ 3:10

Dɛǒ nɛ̀ kɔn tè Ě beea u jlo měne Ě dɛ̌a bò ɛ̈ moo, ‘Tǐ wùɛ mɔ̀ uu wlè gbee u mǒ no plě u se Ně kmɔ̌ ji.’

Hiblǔ 3:17

Mu Nyesoa poo loǒa kɛ jlo klě jlě wlèe sɔ̌n wlòmo? Ɛ sea kɛ nyopòà nuaa kpni kukwǐ ü kokoǒa le klě kpatekpǎ blǒ kɛn le?

Hiblǔ 5:9

È ke ɛ toon jleě mǒ bo Jùsu snǎna lěe mɔ̀le kpǎkpǎ, Nɔ̀ moo kmɔ̌ sie wowa dɛɛ Mǎ keǒ nyu wùɛ mɔ̀ ɔ̈ tùiǒo Nyesoa bo.

Wlɛ̀velesɔ̌n 6:16

Ǔ tmɛɛ̌a togbei klee seɛ̌ fòeǒ, kě u dɛ̌a i je u je, “A wlɛ ä kɛn, a wɛɛ̌ ä Nyuǒ jǐ mǒ Ɔ̈ neǒo klɔ̀ba gbèsɛɛǒ kɛn bo klee Blajǔu jloǒ Ɔ pee.