Mǎkè 3:22 - Nyesoaa Kuo Win Jajle

²² Kɛɛ teteǎ tee nyo tùu ü sɔnaa Jlǔsnɛ mǒ, kě u dɛ̌a u je, “Biɛsìbo ɔ̈ moo kǔ sìsi je siɔ nɔ̀ǒ neě Ɔ ja ɔ nye Ɔ kpěǒ Ɔ̌ sɛ̀ě nyopò kǔ sìsi ja le.”

Mǎkè 3:22 ပူးပေါင်းရင်းမြစ်များ

Matiɔ̌n 10:25

Tǐ tìi tà ɛ kɔn bɛ nu ɛ keǒ nyuà moo chenchěn nyu ɔ klee ɔɔ tee nyu uu tɔ̀n bi po kplɛ plě mɔ̀le nae nyu klee ɔɔ chì kpa ämo uu win kwa kɔn kpě bi po kplɛ. È bɛ̌ nu bǔ keě Biɛsìbo ɔ̈ moo kǔ dɛɛ le, è u mi ɛ a mǒ numa ɛ miǒǒ mǒ sìn.

Matiɔ̌n 11:18

Dɛɛ doǒ nɛ̀ ɛ mono, tà Jɔ̀ɔ̌n diěe ɔ chìnʼa keǒ Nyesoa mɔ̀ boɔboɔ mɔ̀ ɔɔ̌ nǎna nmɔ, kɛɛ uǔ poa ɔ nɔkǔ jebo plě kě u dɛ̌ u je, ‘Kǔ sùsuǒ neě ɔ ja.’

Matiɔ̌n 12:24

Kɛɛ tà Fɛlesǐi wǎn wɔ̌naa tèǒ nyopòǒ u boɔlaa, è kě u dɛ̌a u je, “Dɛ kɔn tè Ɔ wɔ̀le ɛɛ keǒ Bɔ sà lěe nyopò kǔ sìsiǒ ja le nɛ̀ moo Biɛsìbo ɔ̈ moo kǔ sìsii je siɔ nɔ̀ǒ nye Ɔ kpě.”

Matiɔ̌n 15:1

È Fɛlesǐi wǎn klee teteǎ tee nyoo tìe sɔnaě Jlǔsnɛ mǒ ǔ diaě Jùsu mɔ̀ ǔ gbàla Ɔ wan u je,

Matiɔ̌n 9:34

Kɛɛ kě Fɛlesǐi wǎn dɛ̌a u je, “Kǔ sìsii je siɔǒ nye Ɔ kpěǒ Ɔ̌ sɛ̀ě nyopò kǔ sìsi ja le.”

Mǎkè 7:1

Chnɛ̀ jlǒ waě tɛ̀ɛ mɔ̀ Fɛlesǐi wǎn klee teteǎ tee nyoo tìe sɔna Jlǔsnɛ mǒ ǔ diaě Jùsu mɔ̀ ǔ tbɛɛa Ɔ dǐ.

Lǔkù 11:15

Kɛɛ kě nyopòo tìe dɛ̌a u je, “Biɛsìboà moo kǔ sìsii je siɔ nɔ̀ǒ nye Ɔ kpěǒ Ɔ̌ sɛ̀ě nyopò kǔ sìsi ja le.”

Lǔkù 5:17

Chnɛ̀ jlǒ waě tɛ̀ɛ mɔ̀ Jùsu kea tee le, è Nyesoaa kpě neaě Ɔ ja, ii tè Ɔ̌ peana nyopò ü kweǎ niaa. Fɛlesǐi wǎn klee teteǎ tee nyo ü sɔnaa Jlǔsnɛ mǒ klee deě wùɛǒ nea lěe Jàlalǐi wakǎ klee Jùdǐa wakǎ kɛn u nea kɛn tùɔn.

Jɔ̀ɔ̌n 10:22

Tà tǐ nyniaǒo keǒ bu kɔnaa de ngmnengmnɛ̌ ɛ̈ mooa bu tùaǒ Nyesoaa kǎ fòɛ Nyesoa kwete mǒ klě Jlǔsnɛ, è ɛ nua wìdlii tǐ.

Jɔ̀ɔ̌n 7:20

È diblɛ̌ tùia Ɔ kɛ̀ɛn u je, “Kǔ sùsuǒ neěè ja. Mɔ pɛ̀ɛ̌n kɛ Nè dbadbǎ le?”

Jɔ̀ɔ̌n 8:48

È dɛ Jùwɛ nyo tùiaa Jùsu kɛ̀ɛn nɛ̀à u je, “Dɛà ä boɔlaa ɛ nynanaǒ bo ɛ̈ moo Mòo Sìmɛ̌lia Nyu plě kǔ sùsu neěè ja.”

Jɔ̀ɔ̌n 8:52

È Jùwɛ nyo tùia Ɔ kɛ̀ɛn u je, “Kèke ä jiǐ ɛ kàan tè ɛ̈ moo kǔ sùsu neěè ja. Eblɛ̌hɛ̀mo klee Nyesoaa wnɔsàɔpo wùɛ u kǒ lo, kɛɛ kě dɛ̀ ä je ɛ̈ moo nyuà ɔ̈ miǒo winʼà bòɛɛ bo tùba ɔ seǎ kǒ kpe.