Mǎkè 3:18 - Nyesoaa Kuo Win Jajle

¹⁸ è Andlǔ klee Felɔ̌ klee Batalòmi klee Matiɔ̌n klee Tɔmɔ̌se klee Jìmǐse ɔ̈ mooa Afiasèe jǔ, è Tadià klee Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ,

Mǎkè 3:18 ပူးပေါင်းရင်းမြစ်များ

Matiɔ̌n 13:55

Deě ɛ se kɛ chamǔdɛ̀ɛ Jǔà Ɔ̈ kɔn naǎ monoo Mɛwlě? Plě Ɔɔ mamǔpò wùɛ a ji ulu, Jìmǐse klee Jòsɛ̌fo klee Saemɔ̌ plě Jùdǎse.

Matiɔ̌n 9:9

Tà Jùsu sɔnaǒ tàa mǒ, Ɔ jɛɛa jbɛju tɔ̀ɔ kɛn ɔ̈ neaǒo wlě tɛ̌n koǔ bo u dɛɛa Matiɔ̌n. È kě Ɔ dɛ̌a Matiɔ̌n je Ɔ je, “Naǎ de.” Tǐi doo tǐ jleě è nɔ̀ǒ sɔna mǒ ɔ̈ nana Jùsu de.

Mǎkè 2:14

È tà Ɔ keaa jbǒǒ wien nɛ, Ɔ jěa jbɛju tɔ̀ɔ ɔ̈ mooaa Lifàe ɔ̈ mooaa Afiasèe jǔ ɔ̌ neaě wlě tɛ̌n koǔ bo, è Jùsu dala lɔ Ɔ je, “Naǎ de.” Tǐi doo tǐ jleě è nɔ̀ǒ sɔna mǒ ɔ̈ nana Ɔ de.

Mǎkè 3:17

È Jìmǐse klee ɔɔ mamǔ Jɔ̀ɔ̌n ü mooa Sɛbɛ̀dii jbɛjujlu ü Ɔ dɛɛaa Boanajì ɛ̈ sɛ̀nʼɛ nynɛ̌ Tɛ̀nʼɛ Jlǔ,

Mǎkè 3:19

plě klee Jùdǎse Esekalìa ɔ̈à klě demǒ bɔɔ̌ tǐ wlòmo ɔ sàla lěe Jùsu bo demǒ.

Mǎkè 6:3

Deě ɛ se kɛ chamǔdɛ̀à le? Deě ɛ se kɛ Mɛwlěe Jǔà Ɔ̈ kɔn mamǔpò moo Jìmǐse klee Josì klee Jùdǎse klee Saemɔ̌ le? Deě ɛ se kɛ Ɔɔ mamǔ nynejlu u klee ämo ä seà tàa doà ne le?” Tèǒ nì kɔn tè u sàla Ɔ jleě mɔ̀.

Jɔ̀ɔ̌n 1:40

Tàii sɔ̌nʼǒ wɔ̌naa dɛǒ Jɔ̀ɔ̌n boɔaa ü nanaa Jùsu de u nyuu do mooa Andlǔ ɔ̈ mooa Saemɔ̌ Pitɛ̌ɛ mamǔ jbɛju.

Jɔ̀ɔ̌n 11:16

È Tɔmɔ̌se ü dɛɛa slìpoi kě ɔ dɛ̌a ɔɔ bǐì mɔ̀ cheěn nyo je ɔ je, “A nɛ ä klee Jùsu bä mu ä miǒ tàa do koǒ lo.”

Jɔ̀ɔ̌n 14:22

È Jùdǎse, ɛ̈ see Jùdǎse Esekalìa, kě ɔ dɛ̌a ɔ je, “Koɔn, mɛ kpaǎ kɛ tùɔn ɛ̈ kɔn tè jè mìǐ Dìe pepě mǒ poba kělɔ ä mɔ̀ plě È seě Dìe pepě mǒ poba mu keǒ kmɔ̌ɔ nyopò tùu mɔ̀?”

Jɔ̀ɔ̌n 21:2

chnɛ̀ jlǒ waě tɛ̀ɛ mɔ̀ Saemɔ̌ Pitɛ̌ klee Tɔmɔ̌se ɔ̈ u dɛɛ Slìpoi plě Nataniɔ̌ ɔ̈ kɔn lěe diěǒ moo Kenà kɛn ɛ̈ neěe Jàlalǐi wakǎ kɛn klee Sɛbɛ̀dii jlǔ klee Ɔɔ mɔ̀ cheěn nyoo sɔ̌n tùu nù beaǒ tàa do.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:13

Tà u palaa dǐa, u muaě koǔ ja klě blòǒ kɔn wlòmo u nea lěe. Uu wùɛǒ nea lěe blòǒ wlòmo nyopò neaě uu slè ke nùà, Pitɛ̌ klee Jɔ̀ɔ̌n klee Jìmǐse klee Andlǔ klee Felɔ̌ klee Tɔmɔ̌se klee Batalòmi klee Matiɔ̌n klee Jìmǐse tɔ̀ɔ ɔ̈ monoo Afiasèe jbɛjuju, è Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ plě Jùdǎse ɔ̈ mooa Jìmǐse tɔ̀ɔ jbɛjuju.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:13

Tà u wɔ̀laa boɔboɔ mɔ̀, è kě Jìmǐse dɛ̌a ɔ je, “Ně bǐì Tentǎn Jǔu wǎn ane, a poǒ nɔkǔ jebo,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:18

Tà chnɛ̀ tɛ̀ɛ gbàlaa le Pɔ̀ɔ̌ klee ämo ä mua Jìmǐse jebo chèba, Tentǎn Jǔu wǎnʼa bòlibo wùɛ u nea kɛn tùɔn ke.

1 Kwnɛtiɛ̌ 15:7

È Jìmǐse jěa Ɔlo plě Nyesoaa tuposà kpa nyo wùɛ ǔ jěa Lɔ ke.

1 Kwnɛtiɛ̌ 9:5

Bä ke blě kɛne nɛ, ɛ se kɛǒ bo nyna bä kpae äa nyno snǔ mǒ ü moo Tentǎn Jǔu wǎn ɛ̈ di ɛɛ numa Tentǎn Jǔu wǎn miě äa tè mɔ̀ kɔn le wòje dɛɛ doǒ u nii Nyesoaa tuposà kpa nyo tùuǒ mǒ klee Koɔnʼɔ mamǔ jbɛjlu plě Pitɛ̌?

Kalesiɛ̌n 1:19

Ě sea Nyesoaa tuposà kpa nyo tùuǒ u nyuu doo chɛ̀ jě, ɛ̀ sìnʼaǒ Jìmǐse ɔ̈ moo äa Koɔnʼɔ mamǔ jbɛju.

Kalesiɛ̌n 2:9

Jìmǐse klee Pitɛ̌ klee Jɔ̀ɔ̌n üà sɛje ü je ü monoo konkwaà ɛɛ je si nyo klě ɛmo tà lě, u jbo ɛ le ɛ̈ moo Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒǒ mɔ̀ Ɔ̌ nyeě konkwa taeà, ii tè u tǒa mǒ klee Banàbɔ kwa ɛ mǐa ɛ tee le ɛ̈ moo u wɔɔnʼa ɛ kɛn keǒ ämoà bä po tuposàǒ klě kuodakwɛ̌ mɔ̀, è umoǒ nù bü po ɛ klě Jùwɛ nyo mɔ̀.

Jìmǐse 1:1

Mǒ Jìmǐseà chlě chněedɛ̌à ɔ̈ monoo na wien po nyebajlo keǒ Koɔn Jùsu Tentǎn Jǔ klee Nyesoa mɔ̀. Wan le gbògba nɛ̀ Ě dbe klě amo Ǐsòwɛ̌ kwɛɛn dakwɛ̌ dlěe pù tùo sɔ̌n mɔ̀ ü gbɛ̀tɛɛ blě kɛn le.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:1

Mǒ Jùǔà chlě chněedɛ̌à ɔ̈ moo Jùsu Tentǎn Jǔu na wien po nyebajlo plě ɔ̈ moo Jìmǐsee mamǔ jbɛju, Ě chleě ɛ amoà mɔ̀ ü äa Gbeǐ Nyesoa daa plě Ɔ noɛɛ mǒo plě ü Jùsu Tentǎn Jǔ tùii jǐ mɔ̀.