Mǎkè 2:20 - Nyesoaa Kuo Win Jajle

²⁰ Kɛɛ ɛ kɔn tǐ miěe diba tǐnma mu nynɔɔ jbeǒ ɔ mǐǎě u slè sàe le plě u miǎa kɛ wɔle le nu u miǎ chìn klě chnɛ̀ jlǒ waěǒ wlòmo.

Mǎkè 2:20 ပူးပေါင်းရင်းမြစ်များ

Matiɔ̌n 26:31

Tàǒ klě Jùsu tmɛɛ̌aě u ɛ̈ moo, “Ale wùɛà a miǒǒ bo siba klě tǒn jlǒ waěà wlòmo. Mɛ̌oǒ joo nɛ̀ moo Nyesoaa win nì boɔ li i je, ‘Mǒ Nyesoa Ě mi Blableǎ Jǐ Mɔ̀ Tù Nyu dbǎba Ɔɔ blableǎ mǐ le gbɛ̀tɛɛ le.’ ” (Zech 13.7)

Matiɔ̌n 9:15

È Ɔ tùa lu kɛ̀ɛn Ɔ je, “Tǐnma mu nynɔɔ jbee mɔ̀niapo wɔ̀le je bu chìn kɛ le tà u klee nynɔ kɔn nyuǒ u neě jèǒ tàa do le? Kɛɛ ɛ kɔn tǐ miǎ lěe diba tǐnma nynɔɔ jbeǒ ɔ miǎě u slè sàe le plě u miǎa kɛ wɔle le nu u miǎ chìn.

Mǎkè 2:19

Ɔ tùa u kɛ̀ɛn Ɔ je, “Tǐnma mu nynɔɔ jbee mɔ̀niapo wɔ̀le je bu kɛ̀n kɛɛ̌ uu de ngmnengmnɛ̌ wlòmo bo bu chìn nie? A ji ɛle ɛ slě ɛ wɔ̀. Tà u klee ɔ neě jèǒ tàa do, ɛ slě wɔ̀ bu chìn.

Mǎkè 2:21

Nyu wùɛ nɔ̀ slě wɔ̀ bɔ̈ dǔ dalo jajlo mǒ bɔ̈ paě ɛ dalo dakǎà wòo. Bɛ̌ nu bɔ̌ nu ɛ, tǐǒ jleě ɔ mii daloǒ jlaba, dajajloǒ bɛ̌ mu chlìba, è daloǒ ɛɛ klaklǎ miě wan le boǎba.

Lǔkù 17:22

È kě Ɔ dɛ̌a Ɔɔ mɔ̀ cheěn nyo je Ɔ je, “Ɛ kɔn tǐ miěe diba a mǐi Jbɛjuu Jǔà Ɔɔ jejeɛ̌ le pɔ̀n keǒ waěe do sosǒ mɔ̀ɔ chɛ̀, kɛɛ klě tǐǒ wlòmo a seǎ Ɔ jěba mu.

Lǔkù 5:35

Kɛɛ ɛ kɔn tǐ miǎ lěe diba tǐnma nynɔɔ jbeǒ ɔ miǎě uu slè sàe le plě u miǎa kɛ wɔle le nu u miǎ chìn.”

Jɔ̀ɔ̌n 12:8

Sɔ̌noka, tǐ wùɛ mɔ̀ kě sònwɛ nyo miɔ a mɔ̀ nema kělɔ kmɔ̌ɔ mɔ̀, kɛɛ Ě seɔ a mɔ̀ nema mu tǐ wùɛ mɔ̀.”

Jɔ̀ɔ̌n 13:33

Ně jlǔ ale, tǐ gbei nì siǒ Ě mǐɔ a slè mǒ sɔn. Dɛà Ě tmɔɔ̌ noo Jùwɛ nyo nɛ̀à Ě tmɛɛ̌ amo, a miǐ le pɔ̀nma, kɛɛ tà Ě miě a seě mumuɛ wɔ̀.

Jɔ̀ɔ̌n 16:28

Ě siaě Ně Gbeǐ jɔ mǒ Ě dia lɔ kmɔ̌ɔ mɔ̀. È klě tǐà wlòmo Ě sonwɛɔ kmɔ̌ɔ mɔ̀ mǒ no Ě mi de klě Ɔ mɔ̀.”

Jɔ̀ɔ̌n 16:7

Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀.

Jɔ̀ɔ̌n 17:11

Klě Ě diěè mɔ̀, ii tè Ě see kɛ̀ɔ kmɔ̌ɔ wlòmo nema mu, kɛɛ umoà nù Ě siɔ kmɔ̌ɔ mɔ̀. Tèǒ nì kɔn tè Ngmà Je Ne Gbeǐ, tù nyopòà jǐ mɔ̀ klě Nè nynɛ̌ wlòmo ɛ̈ di ɛɛ numa u mǐ dɛɛ do nu wòje keà Ä nuu Ä nuu dɛɛ do.

Jɔ̀ɔ̌n 17:13

Klě tǐà wlòmo Ě diě le klěè mɔ̀. Tà Ě neě jèɔ uu mɔ̀ kělɔ kmɔ̌ɔ wlòmo, nɛ̀ kɔn tèà Ě boɛ noǎà ɛ̈ di ɛɛ numa bǔ wɔ̌n ni chǒn mǐ u nu wòje keà Ě nuu.

Jɔ̀ɔ̌n 3:29

Nynejajloǒ ɔ kɔnʼǒ ɔɔ jbe mɔ̀, è jbeǒ ɔɔ nenawai nynaǒ u gbàa bo ɔ̌ pe ɔɔ win nɔkǔ jebo, è ɔɔ plɔ ble le bɔ̌ ke ɔɔ win wɛ̌n. Dɛɛ doǒ nɛ̀ ɛ mono, mǒà ně plɔ blo lo klě tǐà wlòmo. Mɛ̌oǒ joo nɛ̀ moo Ě ji ɛle Nɔ̀ moo Nyesoaa Tentǎn Jǔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:9

Tà Jùsu wɔ̀laa tèǒ boɔboɔ mɔ̀, u kea Ɔ kɛne tɛn Nyesoa dǔa Ɔ jemǒ Ɔ̌ kpala Ɔ jɔkɛn, Ɔ mua mu nukpǎ wɛɛ̌a Lɔ ù jǐ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:23

Pɔ̀ɔ̌ klee Banàbɔ tbala nyefòapo klě Tentǎn Jǔu wǎnʼa koǔ wùɛ bo bü mooa Tentǎn Jǔu wǎnʼa bòlibo, ǔ chìnʼa plě ǔ bàtea ɛ̈ mooaě nyopòǒ Koɔn kwete mǒ popoɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:21

Jùsu kɔn Bɔ neě jɔkɛn bo ɛ mǐ ɛ kpa kpa Nyesoa mǐ noǎ wùɛ jajlo měne po klě tǐǒ Ɔ pooa lěe wlòmo ɛ̈ Ɔɔ ngmà je ne wnɔsàɔpo sàlaa wan seela tǐ jleě.

1 Kwnɛtiɛ̌ 7:5

Ba bɔ̌ pɛna mǒ sonsɔnʼɔ kàwloo měne nunuua, ɛ̀ sìnʼǒ aa sɔ̌n wùɛ ba chlà li ɛ̈ di ɛɛ numa a miǒ tǐ sà a miě Nyesoa mɔ̀ boɔ. Kɛɛ bɛ̌ sìn, è ke kɔn do a ni pnɔɔ nɛ̀ ba kpa dlǒ mɔ̀ ɛ̈ di ɛɛ numa nyuǒ se ɔɔ chɛ̀ɛ wlò kwa bleblɛ̌ ji, Setɛ̀n ɔ̈ moo kǔ sìsii klɔ̀ba ɔɔ̌ diě ɛ mǒ dii li ɔɔ̌ diě ɔ měne tɛ̀n.

2 Kwnɛtiɛ̌ 11:2

Ě kɔn chea keǒ a mɔ̀ wòje keǒ Nyesoa nuu. Ě jlɛ̌ ba nye aa chɛ̀ Tentǎn Jǔ sosǒ wòje keǒ nynejuà ɔ̈ see jbɛju tè ji ɔ̈ tùiǒ ɔɔ chɛ̀ bo keǒ jbɛjuu do sosǒ mɔ̀ ɔ̈ miǎ nɔɔ tǐn koǔ bo paeba.

2 Kwnɛtiɛ̌ 11:27

Ě nia konkwa jakǎ Ě jěa sònwɛ jakǎ. Klě tǐ fòfoa wlòmo momnɔ ně nea tà plě sàno nia mǒ klee nenǎ to plě tǐ wùɛ mɔ̀ Ě chìnʼa. Chɛ̀n pɛaǎ wlòmo dalo sea tà ne.

2 Kwnɛtiɛ̌ 6:5

U be ä le ǔ pe ä wùlo le klɔ̀ wɛ̀ɛ ä kɛn de, ä ni konkwa jakǎ, momnɔ klee didi dɛ se tà ne.

Wlɛ̀velesɔ̌n 19:7

A nɛ bä nu chǒn le plě äa plɔ bɛ blo klee bä nyeǒ Ɔ tè jǐ boaboǎ. Mɛ̌oǒ joo nɛ̀ moo ɛ nu tǐ keǒ Blajǔu blě popa mɔ̀ plě Ɔɔ tǐnma nynɔ wɛ̀ mɔ̀le keǒ Ɔ mɔ̀.

Wlɛ̀velesɔ̌n 21:9

È najiǒpòo nyiɛtaǒ blěaa fuii nyiɛtaǒ ï jǐaa sònwɛ jěe noǎa nyiɛta je nù kɔn nyuu do dia lěě mɔ̀, kě ɔ dǎlaǎ je ɔ je, “Diě, Ě mǐì tǐnma nynɔà tee le ɔ̈ moo Blajǔu nynɔ.”