Mǎkè 2:17 - Nyesoaa Kuo Win Jajle

¹⁷ Tà Ɔ wɔ̌naa tèǒ, Ɔ̀ tùa u kɛ̀ɛn Ɔ je, “Nyopòà üǔ kmaa u se dɛjǐɔ sòa, kɛɛ nyopòà kmɛɛ nù sòɛ dɛjǐɔ. Ě seɔ kmɔ̌ɔ mɔ̀ di keǒ Bo da jebo siǐn nyo u mǐ uu wlè bo bitǐ, kɛɛ Ě diě keǒ Bo da kpni kukwǐ nyo u mǐ uu wlè bo bitǐ.”

Mǎkè 2:17 ပူးပေါင်းရင်းမြစ်များ

Matiɔ̌n 18:10

Nɛ̀ kɔn tè ba gbɛ̀ɛ le ɛ̈ di ɛɛ numa aǎ di jlǔ klɔkwlěà dlǒ le jǎ. Mɛ kɔɔ̌n tèǒ joo nɛ̀ moo, Ě tmɛɛ̌ ane, uu najiǒpò neě jɔkɛn keǒ Ně Gbeǐ jemǒ tǐ wùɛ mɔ̀, è u wɔ̀ě ɛle keǒ bu wǒ a le keǒ Ɔ jemǒ.”

Lǔkù 15:10

Bo tmɔɔ̌ amo, dɛɛ doǒ nɛ̀ ɛ mono, Nyesoaa najiǒpòo plɔ blo lo keǒ kpni kukwǐ nyuu doo tè mɔ̀ ɔ̈ bitǐ ɔɔ wlò bo.”

Lǔkù 15:29

Kɛɛ ɔ tùia ɔɔ gbeǐ kɛ̀ɛn ɔ je, ‘Tanàle, jlě wùɛà nì Ě dǔaà konkwa mɔ̀ nuua mǒ wòje kèi. Ě sěɛlǎǒ nè win sɛ̀ plě kaǒ sèɛlǎ ɛ mǒ tɛ̀n keǒ bò nyeě wli bòto gbee chɛ̀ keǒ mǒ klee ně bǐì bä ngmně le.

Lǔkù 15:7

È Bo tmɔɔ̌ amo, dɛɛ doǒ nɛ̀ ɛ mono, bo kpni kukwǐ nyuu do bɔ̌ bitǐ ɔɔ wlò bo, chǒn fòfoa nɛ̀ neě jɔkɛn ɛ̌ sìnʼǒ jebo siǐn nyoo tà wlèe hɛ̀n tùo pù pù tùo siědo mǒ ü jě lɛɛ ɛ̈ moo u se kɔn bu bitǐ uu wlè bo.”

Lǔkù 16:15

È kě Jùsu dɛ̌a u je Ɔ je, “A tɛ̀n ɛ mǒ keǒ ba moo kàan nyo keǒ nyopò tùu jǐ kɛn, kɛɛ Nyesoa ji dɛ neě amoo wlò jleě le. Noǎà kɔn tè kmaa keǒ tùonyopo mɔ̀ i se dɛ nynɛ̌ sɛ̀n klě Nyesoa jǐ kɛn.

Lǔkù 19:10

Mǒ Jbɛjuu Jǔà Ě diě keǒ Bo mǐ nyopòà kpni kukwǐ kɔnʼɔ win kwa gblà.”

Jɔ̀ɔ̌n 9:34

Tà ɔ boɔaa dɛǒ, u tùa ɔ kɛ̀ɛn u je, “Mòà kɔɔnʼě kpni kukwǐ slè plě è kuunʼě ii slè, è mò jlɛ̌ bɔ tee kɛ ämo le?” È nɔ̀ǒ u sàlaě Nyesoa koǔ bo.

Jɔ̀ɔ̌n 9:40

Fɛlesǐi wǎnʼa tìeǒ neaǒ Ɔɔ gbàa ü wɔ̌naa tèǒ Ɔ boɔaa, u gbàla Ɔ wan u je, “Mǎ! Ä dɔ kɛ le ke le?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:21

Ě tba Jùwɛ nyo klee kuodakwɛ̌ saěn keǒ bu bitǐ uu wlè bo u mǐ tè wlò popoɛ kɔn klě äa Koɔn Jùsu Tentǎn Jǔ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:20

Klekle Ě boɔa Nyesoaa win klě dě fòɛǒ moo Dimasèka wlòmo plě klě Jlǔsnɛ klee Jùdǐa wakǎ wùɛǒ kɛn klee klě kuodakwɛ̌ slè. È dɛ Ě boɛa uu je nɛ̀ moo bu bitǐa uu wlè bo bu chèa Nyesoa ja, è bu nua noǎà mia ɛɛ teeba ɛ̈ moo uu wlè bitǐa bo.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.