Mǎkè 16:13 - Nyesoaa Kuo Win Jajle

¹³ U mua ǔ tmɔɔ̌a Ɔɔ mɔ̀ cheěn nyo tùuǒ, kɛɛ u sea uu win kàan tè po ke.

Mǎkè 16:13 ပူးပေါင်းရင်းမြစ်များ

Matiɔ̌n 28:17

Klě u jěa lě Ɔ ǔ sàla Ɔɔ wɛ̀, kɛɛ uu tìe tùu pea i kplɛ bɛ dia Lɔ tù.

Mǎkè 16:11

È tà ɔ tmɔɔ̌a nuu ɛ̈ moo, “Jùsu ne kmɔ̌ plě Ě jě Ɔloò!” U sea ɔɔ win kàan tè po.

Mǎkè 16:14

È tà ɛ sìnʼaa, Jùsuu mɔ̀ cheěn nyoo pù tùo doǒ u kea dɛ di Ɔ̌ woǒaě u slè Ɔ̌ pnɛɛ̌a u jǐ měne keǒ bu sea kàan tè popoɛ kɔn uu wlè bi jakǎala jè plě keǒ buǔ poa i kàan tè ɛ̈ moo nyopò tùu jěa Ɔlo Ɔ̌ nea kmɔ̌ de.

Lǔkù 16:31

È Eblɛ̌hɛ̀mo tùa ɔ kɛ̀ɛn ɔ je, ‘Bɛ̌ nu bǔ se Mɔ̀sě klee Nyesoaa wnɔsàɔpoo winʼǒ nɔkǔ jebo po, baǎje nyu sɔn nɔ kǒla mǒ kě uu dlě se bo bitǐ u se imo winʼǒ bo kme.’ ”

Lǔkù 24:11

Kɛɛ Ɔɔ tuposà kpa nyo jěa lɛ ɛ̈ moo tèǒ nynoǒ u boɔlaa tɔ̀n seaě i wlòmo ne, ii tè u sea uu win kàan tè po.

Lǔkù 24:41

Tà i kɛɛnʼa uu wlò le plě chǒn jǐa uu je, nɛ̀ kɔn tè uǔ poǒa jè Ɔɔ tè kàan tè. Ii tè Ɔ gbàla u wan Ɔ je, “A kɔn kɛ didi dɛ ɛ̈ neàa nyu bɔ dii le?”

Jɔ̀ɔ̌n 20:25

Tèǒ nì kɔn tè tà ɔɔ bǐì mɔ̀ cheěn nyo tmɛɛ̌a nɔɔ ɛ̈ moo “Ä jě Koɔn noò!” è kě ɔ dɛ̌a u je ɔ je, “Ě se i kàan tè po, ɛ̀ sìnʼǒ kponkpaǐi pěǒ neě Ɔɔ kwete mǒ bo jě li, bo tǒ i le plě klee bo tǒ dǐi pǎǒ neǒ Ɔɔ wakǎ mǒ le plě.”

Jɔ̀ɔ̌n 20:8

plě mɔ̀ cheěn nyuǒ ɔ̈ mooa klekle ɔ̈ nyniaǒo plě ɔ̌ keěa kɛ lě bǐtìeǒ wan pa ɔ̌ tanaě ɛ wlòmene plě ɔ̌ keěa kɛ i kàan tè po ɛ̈ moo Jùsu dǔa mǒ je.