Mǎkè 15:32 - Nyesoaa Kuo Win Jajle

³² A nɛ bä jě Nyesoaa Tentǎn Jǔ Ɔ̈ moo Ǐsòwɛ̌ kwɛɛn Klɔ̀ba Bɔ sàǒ Ɔɔ chɛ̀ pète bɛ̌ tu jleě kèkeà ɛ̈ di ɛɛ numa ä mǐ Ɔɔ tè kàan tè po!” È tàii sɔ̌nʼɔ chɛ̀ǒ ü klee Ɔ̀ neaǒo pète bɛ̌ tiǒ jleě u pea Ɔ pà kɛn ke.

Mǎkè 15:32 ပူးပေါင်းရင်းမြစ်များ

Matiɔ̌n 1:17

È ɛɛ wùɛǒ ke ɛ tontoo mɔ̀le nɛ̀à, sɔɔnʼě Eblɛ̌hɛ̀mo mɔ̀ mǒ bò jɛ Dèběse ɛ nu gbeǐpò dlěe pù tùo hɛ̀n. Sɔɔnʼě Dèběse mɔ̀ mǒ bò jɛ Babòlɔn nyo bu kpa lu kèdɛ̌ mǒ ɛ nu gbeǐpò dlěe pù tùo hɛ̀n. Sɔɔnʼě mǒ bò diɔ Tentǎn Jǔ Jùsuu kɔna mǒ ɛ nu gbeǐpò dlěe pù tùo hɛ̀n.

Matiɔ̌n 27:42

“Ɔ gblɛ̀ nyopò tùu, kɛɛ Ɔ se Ɔɔ chɛ̀ gblàgbla wɔ̀! Bɛ̌ nu sɛjesɛ Bɔ̌ moo Ǐsòwɛ̌ kwɛɛn Klɔ̀ba, è Bɔ sàǒ Ɔɔ chɛ̀ pète bɛ̌ tuǒ jleě kèkeà ä mǐ Ɔɔ tè kàan tè po!

Matiɔ̌n 27:44

È nyopòo chɛ̀ǒ ü klee Ɔɔ sɔ̌n u kɔaǒo pète bɛ̌ tiǒ jleě u bea nyopòǒ uu win kɛn ke ǔ pea Ɔ pà kɛn.

Mǎkè 15:26

È dɛǒ mooa Ɔ blěe tè jɛɛa u mǎna Ɔɔ kɛn bo u chlěaa keǒ Ɔ dlǒ mǒ kě ɛ dɛ̌a ɛ je, “JÙWƐ NYOO KLƆ̀BA NƆ̀À.”

Mǎkè 15:27

È u mǎna Ɔ kɛn bo jlǐ nyoo sɔ̌n u kɔaǒo pète bɛ̌ ti jleě ke, do neea Lɔɔ dilǎ son mɔ̀, è do tɔ̀ɔ neea Lɔɔ gbàpe son mɔ̀.

Jɔ̀ɔ̌n 1:49

È kě Nataniɔ̌ dɛ̌a Ɔ je ɔ je, “Tee Nyu, Mòà Mò moo Nyesoaa Jǔ plě Mò moo Ǐsòwɛ̌ kwɛɛn Klɔ̀ba!”

Jɔ̀ɔ̌n 12:13

Ii tè è nùǒ bɛ̌a snɛwɛi ǔ mua Ɔ nya bɛ̌ba, è u pea plɔ bloo slɛ̀ le wòje ke Nyesoaa win dɛ̌ɛ i je, “Hehejoo! Baea keǒ Nyuà Ɔ̈ diiěe Koɔnʼɔ nynɛ̌ wlòmo mɔ̀! Baea keǒ Ǐsòwɛ̌ kwɛɛn Klɔ̀ba mɔ̀!” (Ps 118.25-26)

Wlǔmɔ 3:3

È bɛ̌ nu uu tìe bǔ sea kɛ wlò kpae dɛ keǒ Nyesoa mɔ̀, è ɛ sɛ̀n kɛ nynɛ̌ klě tǐà wlòmo Nyesoa se wlò kpae nyu ke le?

2 Timɛtě 2:18

U tùngmaea sen noǎa teea. U je kokǒ nyoo jeměne duduɛ̌ sìnʼa ne ɛ̌ wɛ̀a mɔ̀le. Dɛǒ nɛ̀ u nua ǔ sùe nyopòo tìee tè wlò popoɛ gbè.