Mǎkè 15:14 - Nyesoaa Kuo Win Jajle

¹⁴ È Pàlɛ̌te gbɛ̀a u wan de ɔ je, “Mɛ̌oǒ? Mɛ sɛje Ɔ nuǔ kɛ ɛ̈ monoǒ kenkan dɛ?” Kɛɛ u pnɛɛ̌aě jɔ mǒ chɔɔ u je, “Kɔǒ Ɔ pète bɛ̌ tu jleě!”

Mǎkè 15:14 ပူးပေါင်းရင်းမြစ်များ

Matiɔ̌n 27:19

Tà Pàlɛ̌te neěa jè lěe ɔɔ blilǐ tù kpǎta wlòmo bo ɔ fea luu bu tùa lɔɔ kɛ̀ɛn, è tuposà sɔnaě Pàlɛ̌tee nynɔ mɔ̀ mǒ kě ɛ dɛ̌a ɛ je, “Jbɛjuǒ Ɔ se tè wlǎ, nè ni Ɔ dɛ mǒ. Mɛ kɔɔ̌n tèǒ joo nɛ̀ moo tǒn jlǒ waěà ä sɔn lěe wlòmo Ě ja jajie kukǔ ɛ̈ pa mǒo wan le keǒ Ɔɔ tè mɔ̀.”

Matiɔ̌n 27:4

È kě ɔ dɛ̌a ɔ je, “Ě wlǎ tè keǒ Nyuà see dɛ nu bo diě Ɔ bo demǒ sà keǒ bu dbǎ Lɔ.” Kɛɛ kě u dɛ̌a Jùdǎse je u je, “Mɛ ä kɔɔn noǒ kɛě ɛ mɔ̀? Nè chɛ̀ɛ tèǒo kɛ̀.”

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Mǎkè 15:13

È uu wùɛ nùǒ pnaěaě jɔ mǒ de u je, “Kɔǒ Ɔ pète bɛ̌ tu jleě!”

Mǎkè 15:15

Pàlɛ̌te jlɛ̌ bɔ blooa nyopòǒ uu plɔ, ii tè kě ɔ nua Balabɔ̀ bo tetɛ keǒ u mɔ̀, è Jùsu Nɔ̀ ɔ sàla fǎe kɛn ɔ̌ nyea Ɔ tabɔ̀ bu muaǒ Ɔ pète bɛ̌ tu jleě kɔ.

Lǔkù 23:21

kɛɛ u pnɛ̌a dɛ jleě le dɛɛ doǒ nɛ̀ u boɛa ɛ̈ moo, “Kɔǒ Ɔ pète bɛ̌ tu jleě! Kɔǒ Ɔ pète bɛ̌ tu jleě!”

Lǔkù 23:4

È kě Pàlɛ̌te dɛ̌a Nyesoaa kpatòapoo fòe klee diblɛ̌ǒ je ɔ je, “Ě se dɛ jě ɛ̈ moo kenkan dɛ Jbɛjuà Ɔ nuu.”

Lǔkù 23:41

Mǒ klee mò kokoɛ̌ blɛɛ ämoo je nɛ̀à ä kwěà. Ä chɛ̀ɛ de nu kmɔ̌ɔ tèǒ, kɛɛ Ɔmoà Ɔ se dɛ kukǔ nu!”

Lǔkù 23:47

Tà tabɔ̀ɔ jǐgbàdiɔ jěaa dɛǒ kpalaa tùɔn, ɔ pea Nyesoaa nynɛ̌ le ɔ je, “Kàan tè Nyuà sɛjesɛ Ɔ moo jebo siǐn Nyu!”

Jɔ̀ɔ̌n 18:38

È Pàlɛ̌te gbàla Ɔ wan ɔ je, “Mɛ monoǒ kɛ kàan tè?” Tà Pàlɛ̌te wɔ̀laa tèǒ boɔboɔ mɔ̀, è nɔ̀ǒ mua de klě plomǒ ɔ̌ sèsaea Jùwɛ nyo wlòmo ɔ je, “Ě se dɛ jě keǒ Ɔ jleě mǒ ɛ̈ Ɔ nuu ɛ̈ monoo tè wlawlǎ.

Jɔ̀ɔ̌n 19:6

Tà Nyesoaa kpatòapoo fòe klee tabɔ̀ǒ u jěaa Jùsu, è u pnɛ̌a dɛ jleě le u je, “A kɔǒ Ɔ pète bɛ̌ tu jleě! A kɔǒ Ɔ pète bɛ̌ tu jleě!” È Pàlɛ̌te tùia u kɛ̀ɛn ɔ je, “A dǔ Ɔ mǒ, a miǒ Ɔ pète bɛ̌ tu jleě kɔ! Ě se kenkan dɛ jě ɛ̈ Ɔ nuu ɛ kɔn tè mǐ Ɔɔ jɛ!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:28

Kàan tè kě ǔ sea dɛ jě ɛ̈ kɔn tè bu bɛ̌a Lɔɔ kokǒ wun kɛn, kɛɛ u gbàla Pàlɛ̌te wan bɔ dbǎla Ɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:34

kɛɛ tà nyopòǒ u jěa lɛɛ ɛ̈ moo ɔ mooa Jùwɛpoi, è uu wùɛ nùǒ pnɛ̌a dɛ jleě le ü boɛa dɛɛ do u je, “Ɛfèse nyoo nyesoa Dianà nɔ̀ kɔn tè kun!” U nua àwɛɛ sɔ̌n ǔ boɔla.

Hiblǔ 7:26

Bodiɔ taeǒ moo Jùsu Nɔ̀ sɛ̀ dɛ ä sòɛɛ tàmo. Mɛ̌oǒ joo nɛ̀ moo Ɔ ne je ngmà, tè jɛɛa seǒ Ɔ jleě mǒ ne, Ɔ snǎě mɔ̀le plě Nyesoa sàě Ɔ dɔ̌ klě kpni kukwǐ nyo slè Ɔ̌ dǔ Ɔ jemǒ Ɔ̌ kpaě Ɔ jɔkɛn klě tùɔnʼà kɔn tè kmaa kɛn.

1 Pitɛ̌ 1:19

kɛɛ Ɔ nua Tentǎn Jǔu nymɔ Ɔ̈ snǎ lěe mɔ̀le wòje blajǔ u dbɛ̌ɛ keǒ Dlǒ Mǒ Sìin Didi Dɛɛ de ngmnengmnɛ̌ mɔ̀ ɔ̈ kɔɔ̌ dɛ klee kɛɛ seǒo jleě mǒ ne.