Mǎkè 14:6 - Nyesoaa Kuo Win Jajle

⁶ Kɛɛ kě Jùsu dɛ̌a u je Ɔ je, “A sàǒ ɔ wun mɔ̀. Mɛ kɔɔ̌n tè a nii niǐ kɛ nynɔà feanfeǒ? Ɔ nu kàan dɛ keǒǒ mɔ̀.

Mǎkè 14:6 ပူးပေါင်းရင်းမြစ်များ

Matiɔ̌n 26:10

Tà Jùsu jiaa dɛ u boɛaa, Ɔ gbàla u wan Ɔ je, “Mɛ kɔɔ̌n tè a nii niǐ kɛ nynɔà feanfeǒ? Ɔ nu kàan dɛ keǒǒ mɔ̀.

Mǎkè 14:5

Chnɔ̌ǒ ɛ blɛɛ je nyopò bu plo ɛ bɛ jě jlǒ gblèe snǒ sàe wlě u mǐ ɛ sònwɛ nyo měne sɛ̀ɛ le!” Ii tè ǔ boɛa nynɔǒ win fǒ měne chɔɔ.

Mǎkè 14:7

Tǐi pɛpɛ mɔ̀ a klee sònwɛ nyo a miɔ kmɔ̌ɔ mɔ̀ nema, è aa nyu bɔ̌ jlɛ̌ uu nyu mǒ sɛ̀ɛa ɔ mi ɔ mǒ sɛ̀ɛba. Kɛɛ Mǒà Ě seɔ a slè nema mu tǐ wùɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:36

Klě diěǒ moo Japà kɛn ɛ kɔna nynɔ tɔ̀ɔ, ɔɔ nynɛ̌ mooa Tabità. Ɔ mooa Jùsuu mɔ̀ na nyoo nyuu do. È ɔɔ Kwlǐki nynɛ̌ mooa Dakɔsè ɛ̈ sɛ̀nʼɛ nynɛ̌ Nyaǎ. Tǐi pɛpɛ mɔ̀ ɔ nia kàan dɛ ɔ̌ sɛ̀ɛa sònwɛ nyo měne.

2 Kwnɛtiɛ̌ 10:18

Mɛ kɔɔ̌n tèǒ joo nɛ̀ moo Nyesoa Ɔɔ̌ poo nyuà pee wun fòɛ le kòo kɛn, kɛɛ nyuǒ kɔn nynɛ̌ Nyesoaa chɛ̀ pee le nɔ̀ Ɔ pee kòo kɛn.

2 Kwnɛtiɛ̌ 9:8

Nyesoa wɔ̀le je Bɔ nye a ngmna ɛ̈à see bo dbedbɛ kɔn ɛ̈ di ɛɛ numa a mǐ dɛ wùɛ a sòɛɛ tǐ wùɛ mɔ̀ kɔn, è a mi ii fòfoa kɔnma ɛ̈ di ɛɛ numa a miě ɛ wɔ̀ keǒ ba nu dɛ wùɛ ɛ̈ nuu kàan

Ifisiɛ̌n 2:10

Mɛ kɔɔ̌n tèǒ joo nɛ̀ moo Nyesoa Nɔ̀ nu ämo ä neě tǔnʼà wlòmo keǒ ba kɔn tè wlò popoɛ klě Tentǎn Jǔ Jùsu mǒ ɛ̈ di ɛɛ numa ä mǐ kàan dɛ kmɔ̌ nee ne ke Ɔ jlɛ̌ bä nee, dɛǒ nɛ̀ Ɔ poa ble seela keǒ ä mɔ̀ bä nu.

Klasɔ̌n 1:10

ɛ̈ di ɛɛ numa a mǐ kmɔ̌ ne wòje keǒ Ɔɔ nyopò blɛɛ je bu nuu klee a mǐ Ɔɔ wlò bloo lo klě wakǎ wùɛ mǒ klee a mǐ Ɔɔ konkwa nu ɛ̈ monoo kàan noǎ wùɛɛ nunuɛ klee a miǒ Ɔ noǎ fòfoa jleě mǒ ji kaǒ.

2 Tɛseloniǎ 2:17

Nɛ Bu po a kbě ja le klee Bu nye a kbě a mǐ kàan dɛ nu klee a mǐ kàan dɛ wùɛ boɔ.

1 Timɛtě 5:10

Bo nyopò bu ji ɛ ke ɛ̈ moo koti nynɔǒ ɔ ni le kàan noǎ ï monoo ɔɔ jlǔ le sèsa klee bɔ kme nyopò jebo ü miě ɔɔ tà diba klee bɔ jla ɔɔ bǐì Tentǎn Jǔu wǎn be le klee bɔ sɛ̀ɛ nyopò mǒ ü neěe tǐ jakě slè plě klee bɔ nu jǐ měne keǒ kàan noǎ wùɛ ii nunu tè mɔ̀.

1 Timɛtě 6:18

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀.

2 Timɛtě 2:21

Bɛ̌ nu nyu bɔ̌ snǎě ɔɔ chɛ̀ mɔ̀le bɔ̌ tɛ dɛ kukǔ nunuɛ bo, ɔ mi je wǒba chěleaǒ tè kmɛ kekɛɛ plě u ninii dɛ mǒ. Ɔ mi ngmà je nema plě ɔ mǐ konkwa fòɛ kɔn keǒ Nyesoa mɔ̀, è ɔ mi mɔ̀le wɛ̀ba keǒ bɔ nu kàan konkwa wùɛɛ doědoe.

2 Timɛtě 3:17

Nyesoaa win ni nyuà ɔ̈ nii Nyesoaa konkwa ɔ̌ wɛ̀ mɔ̀le kpǎkpǎ ɔ̌ wɔ̀le ɛ keǒ bɔ nu kàan konkwaa doědoe wùɛ.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Taetɔ̌ 3:14

Äa nyopò bu chěn ɛ ke bu nuǒ uu tǐ sèsa keǒ kàan dɛ nunuɛ mɔ̀ ɛ̈ di ɛɛ numa dɛǒ u sòɛɛ u mǐ ɛ kɔn klee uu kmɔ̌ neneɛ mǐ dɛ wlòmo sɔn.

Taetɔ̌ 3:8

Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

Hiblǔ 10:24

È a nɛ bä sìɛn ɛ dlǒ mɔ̀le ke ä mii kbě ja le popooa numa ä mǐi Nyesoa klee nyopò tùu mǒ noɛɛ ne plě ä mǐi dɛà monoo kàan dɛ nu.

Hiblǔ 13:21

Nɛ bo Nyesoa Bɔ nye a kàan noǎ wùɛ ɛ̈ di ɛɛ numa a miě ɛ wɔ̀ a mǐ Ɔɔ kɛn wɔɔn dɛ nu plě Bɔ nu dɛǒ blee Ɔɔ plɔ klě ä mǒ ɛ̈ diiě Jùsu Tentǎn Jǔ mǒ. Nɛ Tentǎn Jǔ Bɔ kɔn tè jǐ boaboǎ ke ɛ mii jleě mǒ bo tonma, kě bɛ ne.

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.