Mǎkè 14:18 - Nyesoaa Kuo Win Jajle

¹⁸ È tà u keaa dɛ di u tbɛɛaa ngmà fuoǒ dǐ, è kě Jùsu dɛ̌a u je Ɔ je, “Tèe jleě nìà Ě tmɛɛ̌ amo, aa nyuu do ɔ̈ klee Mǒo sɔ̌n diiǒo tàa do dɛ nɔ̀ miěě bo demǒ sàba.”

Mǎkè 14:18 ပူးပေါင်းရင်းမြစ်များ

Matiɔ̌n 26:21

u kea dɛ di, è kě Ɔ dɛ̌a u je Ɔ je, “Tèe jleě nìà Ě tmɛɛ̌ amo, aa nyuu do nɔ̀ miěě bo demǒ sàba.”

Matiɔ̌n 5:18

Sɛje tèe jleě nìà Ě tmɛɛ̌ amo, jɔkɛn klee kmɔ̌à i mi sìnma, kɛɛ teteǎà ii jliwlǒ klee win boo doo chɛ̀ nɛ̀ slě wɔ̀ bɛ sìnsiɛɛǎ mɔ̀ ɛ mǐ ɛ kpa kpa noǎ wùɛǒ i miǎ tùɔn kpa.

Matiɔ̌n 6:16

È kě Jùsu dɛ̌a de Ɔ je, “Bɛ̌ nu bǎ ke chìn keǒ Nyesoa mɔ̀ boɔboɔ mɔ̀, aǎ ni ɛ wòje keǒ ä jěè kɛn ä daà kàan chènyɔ Nyesoa nyo ni ɛɛ ǔ pee wɔle je le ǔ tee ɛɛ klě klɔ̀ slè nyopò ji ɛɛ ɛ̈ moo u chìn ni ɛ̈ di ɛɛ numa u mǐ u bae le. Ě tmɛɛ̌ ane, u blěe snǒ sàe dɛ u kɔnʼɔ nɛ̀ǒ.

Matiɔ̌n 6:2

Tèǒ nì kɔn tè bò ke sònwɛ nyu dɛ nyema mi, nè pe ɛɛ sàe wòje keǒ ä jěè kɛn ä daà kàan chènyɔ Nyesoa nyo nii klě Nyesoa keǐ bo ble le klee keǒ snǔ fòɛ wakǎ mǒ ɛ̈ di ɛɛ numa nyopò mǐ u bae le. Tèe jleěà Ě tmɛɛ̌ amo, u blěe snǒ sàe dɛ wùɛ u kɔnʼɔ nɛ̀ǒ.

Matiɔ̌n 6:5

È kě Jùsu dɛ̌a u je de Ɔ je, “Bɛ̌ nu bǎ klě Nyesoa mɔ̀ boɛ, aǎ wě je ä jěè kɛn ä daà kàan chènyɔ Nyesoa nyo bü klě Nyesoa mɔ̀ boɛ ü jlɛ̌ mǒ bü nyna lěe Nyesoa koǔ bo klee bü nynaǒ snǔ fòɛɛ kotoee mǒ bo ɛ̈ di ɛɛ numa nyopò mǐ u jě. Tèe jleě nìà Ě tmɛɛ̌ amo, u blěe snǒ sàe dɛ wùɛ u kɔnʼɔ nɛ̀ǒ.

Mǎkè 10:15

Kàan tè nìà Ě tmɛɛ̌ amo, nyu wùɛ ɔ̈ se ɔɔ chɛ̀ ja tìeba mu plě ɔ̈ se ɛɛ kɛn wɔɔnma mu keǒ Nyesoa Bɔ kɔn ɔ win kwa wòje keà jlǔ klɔkwlěà uu ka nee je, ɔ seǎě jɔkɛn mu kpe.”

Mǎkè 10:29

È kě Jùsu dɛ̌a u je Ɔ je, “Kàan tèà Ě tmɛɛ̌ amo, nyu wùɛ ɔ̈ miǒo ɔɔ koǔ klee mamǔ jbɛjlu klee mamǔ nynejlu bo siba ɔ̀ɔ̌ ɔɔ naǎ klee gbeǐ klee ɔɔ jlǔ klee chèa bo siba keǒ Ně tè mɔ̀ plě klee keǒ Nyesoaa kàan tuposàà ɛɛ tè mɔ̀,

Mǎkè 14:17

È klě wìtika wlòmo Jùsu klee Ɔɔ mɔ̀ cheěn nyoo pù tùo sɔ̌nʼǒ ù pala dǐa.

Mǎkè 14:19

Ùu wùɛǒ ù bea měne wɔle ǔ pea ɛ do do ǔ gbɛ̀a Ɔ wan le, “Deě mǒà mǒ ɛ tù kɛ le? Mǒà mǒ ɛ tù kɛ le?”

Mǎkè 14:25

È kàan tè nìà Ě tmɛɛ̌ amo, Ě seǎa kɛ̀ kwlepò dbǔu buoo nmɔ nǎ de ɛ mǐ ɛ kpa kpa ɛ miǎ chnɛ̀ jlǒ waěǒ Ě miǎ ɛɛ jajlo nǎma kɛn jɛɛ le klě Nyesoaa deplě slè.”

Mǎkè 14:9

Tèǒ nì kɔn tè Ě tmɛɛ̌ amo, tà wùɛ u miǒ Nyesoaa kàan tuposàà pooba kělɔ kmɔ̌ɔ mɔ̀, dɛà nynɔà ɔ nuu u mi ɛɛ tè boɔba ke, dɛǒ nɛ̀ moo ɔɔ wlò mɔ̀le popoɛ.”

Mǎkè 3:28

Kàan tèà Ě tmɛɛ̌ amo, nyu wùɛ ɔ̈ mii kpni kukwǐi doědoe numa keǒ Nyesoa jleě mǒ klee ɔ̈ mii Nyesoa fla wan poba, ɔmo nyuǒ bɔ̌ bitǐ ɔɔ wlò bo, ɔɔ tè mi wlò le pooba,

Mǎkè 6:11

È bǎ nyniǒ tà, bɛ̌ nu bǔ se a jebo kme plě bǔ se aa win nɔkǔ jebo po, è ba sɔnʼǒ tàǒ mǒ. Bǎ ke mi a gbàpo aa be mǒ a sà pǔpu be le ɛ mǐ ɛ ù tee le ɛ̈ moo Nyesoaa plɔ se u kɛn bloo lo.”

Mǎkè 8:12

È Nɔ̀ǒ klùuaǒ dobo, kě Ɔ dɛ̌a Ɔ je, “Mɛ kɔɔ̌n tè amo kpni kukwǐ nyoà ne kekɛɛ kmɔ̌ a jlɛ̌ɛɛ̌ kɛ jboo dɛ? Kàan tè nìà Ě tmɛɛ̌ amo, a se ɛ jěba mu.”

Mǎkè 9:1

È kě Jùsu dɛ̌a u je Ɔ je, “Tèe jleě nìà Ě tmɛɛ̌ amo, ɛ kɔn nyopòo tìe ü nynanàa tàà bo ü see kǒba mu ɛ mǐ ɛ kpa kpa u miǎ Nyesoa jě Ɔ miǎ u win kwa kɔnma di klě kpě kɛne tǔn wlòmo.”

Mǎkè 9:41

È sɔ̌noka, Ě tmɛɛ̌ ane, nyuà mi amoo něe kàe waě nyema a mǐi nǎ keǒ tà a nɛ Mǒo de tè mɔ̀, ɔ mi ɔɔ snǒ sàe dɛ jěba keǒ ɛ mɔ̀.

Lǔkù 11:51

Sɔɔnʼě Ebòo mnùngma pooa jleě mǒ bò jɛ Sɛkɛwlaeɔ̌ ɔ̈ u dbǎlaa keǒ Nyesoaa kǎ fòɛ klee chɔ̀no kǒngmà pǎnpe. Kòo, Bo tmɔɔ̌ amo, u mi tè jɛɛa kɔnma keǒ ɛ kɛn.

Lǔkù 22:21

Kɛɛ a tanàle, nyuà miě Mǒo bo demǒ sàba ɔ klee Mǒ ä pɛɛnʼě son fuo wan.

Lǔkù 4:24

È kě Jùsu dɛ̌a de Ɔ je, “I moo kàan tè ɛ̈ moo Nyesoaa wnɔsàɔ wùɛ seǒ bo tùtuɛ kɔn klě ɔɔ chɛ̀ɛ dǐa.

Jɔ̀ɔ̌n 1:51

È kě Jùsu dɛ̌a Nataniɔ̌ je Ɔ je, “Kàan tè nìà Ě tmɛɛ̌ mò, mì jɔkɛn jěba ɛ mǐ je kna, mì Nyesoaa najiǒpò jě u mǐ jaě jɔkɛn tè nu keǒ Jbɛjuu Jǔà dlǒ mǒ.”

Jɔ̀ɔ̌n 13:18

È kě Jùsu dɛ̌a Ɔ je, “Ě slě aa wùɛ mɔ̀ boɔ, Ě ji nyopòà Ně chɛ̀ Ě sàǒo lo, Mǒ kɔn nu. Kɛɛ Nyesoaa winʼà nì miǒ jaě le ï dɛ̌ bòo, ‘Nyuà ɔ̈ klee Mǒ ä diiǒo tàa do dɛ nɔ̀ mi bo bitǐba ɔ miǐ ja jǎba.’ (Ps 41.9)

Jɔ̀ɔ̌n 13:21

Tà Jùsu wɔ̀laa tèǒ boɔboɔ mɔ̀, è ɛ niia Ɔ kèjle chɔɔ. Ɔ wala wèe Ɔ̌ nyea u konwě, kě Ɔ dɛ̌a u je Ɔ je, “Bo tmɔɔ̌ a tèe jleě, aa nyuu do nɔ̀ miěě bo demǒ sàba.”

Jɔ̀ɔ̌n 13:22

È Ɔɔ mɔ̀ cheěn nyo nùǒ tentɛɛa je le ǐ kɛ̀ɛnʼa u wlò le nyu tae bɛ diaa tù.

Jɔ̀ɔ̌n 13:38

È Jùsu gbɛ̀a ɔ wan Ɔ je, “Sɛjesɛ jè wɔ̀ kɛě ɛle bò kǒ keǒ Ně tè mɔ̀ le? Kàan tèà Ě tmɛɛ̌ mò, plě seaka kokɔ̌ mǐma slò, mìǐ mɔ̀ chnɛ̀ma ɛ̈ moo sèě ji klě wěe tan wlòmo.”

Jɔ̀ɔ̌n 21:18

Kàan tèà Ě tmɛɛ̌ mò, tǐǒ jleě mòoa nyemò, pèa nè chɛ̀ wlawlě měne, è miaě tàà jlɛ̀ bò mua lěe, kɛɛ bɛ̌ nu bò wɛ̀ le, è pnɛ̀ nè sonwe mǒ, nyu tɔ̀ɔ ɔ̌ pìn i ble ɔ̌ kpɛ mò klě tàà nè jlǎ bò muě.”

Jɔ̀ɔ̌n 3:11

Kàan tèà Ě tmɛɛ̌ mò, ä tmɛɛ̌ amo Jùwɛ nyo noǎ ï kɔn tè ä jii plě ä tmɛɛ̌ a noǎ ï ä jěe ii tè, kɛɛ kaǒ aǎ po lii tè kàan tè.

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 3:5

È Jùsu tùa ɔ kɛ̀ɛn Ɔ je, “Kàan tè Ě boɛ mòo je nìà, nyu wùɛ slě wɔ̀ bɔ beě Nyesoaa win kwa konkɔn bobo, ɛ̀ sìnʼǒ bɔ̌ poo ně dlǒ klee Ngmà Je Ne Sùsu Bɛ̌ neě ɔ ja plě.

Jɔ̀ɔ̌n 5:19

È Jùsu tùia u kɛɛn Ɔ je, “Kàan tèà Ě tmɛɛ̌ amo, Nyesoaa Jǔà Ɔ slě wɔ̀ Ɔɔ do Bɔ nu dɛ keǒ Ɔɔ chɛ̀ mɔ̀, kɛɛ dɛ Ɔ jě Ɔɔ Gbeǐ nii nɛ̀ Ɔ ni sosǒ, ii tè Jǔà Ɔ ni dɛɛ teěnʼǒ ɛ̈ Ɔɔ Gbeǐ nii.

Jɔ̀ɔ̌n 6:26

Jùsu tùa u kɛ̀ɛn Ɔ je, “Kàan tèà Ě boɛ a je, dɛ kɔn tè a pɛ̀n Mǒo le nɛ̀ moo a di flɔ̌ɔ fòfoa ǎ jǐ kwlě, nɛ̀ se wlòlekaen dɛà a jěe ɛɛ tè.

Jɔ̀ɔ̌n 6:32

È kě Jùsu dɛ̌a u je Ɔ je, “Kàan tèà Ě boɛ a je, Mɔ̀sě sea aa gbeǐpò kàan digbaǐ nye ï sɔna lěe jɔkɛn mǒ, kɛɛ Ně Gbeǐ Nɔ̀ nye a kàan Kouà Ɛ̈ sɔn lěe jɔkɛn mǒ.

Jɔ̀ɔ̌n 6:47

È kàan tè nìà Ě boɛ a je, nyu wùɛ ɔ̈ po Něe tè kàan tè ɔ kɔn kmɔ̌ sie fònfno.

Jɔ̀ɔ̌n 6:70

È kě Jùsu dɛ̌a u je Ɔ je, “Dɛ̌ɛ̀ Mǒà Mǒ sàǒ aa tàii pù tùo sɔ̌nʼàò? Aa nyuu do moo kǔ.”