Mǎkè 14:1 - Nyesoaa Kuo Win Jajle

¹ Chnɛ̀ jlǒ wěe sɔ̌n nì siaǒ Dlǒ Mǒ Sìin Didi Dɛ klee Ně Jǎ Flɔ̌ɔ Didiɛɛ de ngmně tǐ mǐaǒ nyni, è Nyesoaa kpatòapoo fòe klee teteǎ tee nyo pɛ̀na le fɔ̌ u mǐa Jùsu kme klě je wɛ̌ tǔn wlòmo u mǐa Ɔ dbǎ.

Mǎkè 14:1 ပူးပေါင်းရင်းမြစ်များ

Matiɔ̌n 12:14

È Fɛlesǐi wǎn nùǒ sɔna mǒ ü mua snǎ mǒ ke bu nuaa u mǐaa Jùsu dbǎ.

Matiɔ̌n 6:2

Tèǒ nì kɔn tè bò ke sònwɛ nyu dɛ nyema mi, nè pe ɛɛ sàe wòje keǒ ä jěè kɛn ä daà kàan chènyɔ Nyesoa nyo nii klě Nyesoa keǐ bo ble le klee keǒ snǔ fòɛ wakǎ mǒ ɛ̈ di ɛɛ numa nyopò mǐ u bae le. Tèe jleěà Ě tmɛɛ̌ amo, u blěe snǒ sàe dɛ wùɛ u kɔnʼɔ nɛ̀ǒ.

Mǎkè 14:12

È nyane chnɛ̀ jlǒ waěǒ kɔn mǒ u tùi Ně Jǎ Flɔ̌ɔ didiɛ wlò u dbɛ̌ɛ lěe blajlǔ mǒ keǒ Dlǒ Mǒ Sìin Didi Dɛɛ de ngmnengmnɛ̌ mɔ̀, Jùsuu mɔ̀ cheěn nyo gbàla Ɔ wan u je, “È tà jlɛ̀ bä wɔ̀ɔ loǒ kɛ Dlǒ Mǒ Sìin Didi Dɛà mɔ̀le keǒò mɔ̀?”

Mǎkè 14:2

Kɛɛ kě u dɛ̌a u je, “Äǎ ni ɛ keǒ wlèwle digbaǐi tǐ wlòmo. Bä nu ɛ, tǐ tìi tà jale jejǎea fòɛ kɔn bɛ be blǒ mǒ.”

Jɔ̀ɔ̌n 11:47

Ii tè Fɛlesǐi wǎn klee Nyesoaa kpatòapoo fòe klee Jùwɛ nyoo tè tu nyo u mua snǎ mǒ, kě u dɛ̌a u je, “Mɛ ä miǐ kɛ numa keǒ Nyuà mɔ̀? A jě wlòlekaen noǎ wùɛà Ɔ nii.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:4

Tà Hɛwlǒ kmeaa Pitɛ̌ ɔ poa lɔɔ wùlo, ɔ dboaě tabɔ̀ɔ pù tùo m̀mɔdo keǒ bu tùa ɔ jǐ mɔ̀, u nia hɛ̀n hɛ̀n ǔ peaǒ ɛ le keǒ jǐ mɔ̀ tùtuɛ mɔ̀. Hɛwlǒ poa ɛ ble keǒ bɔ jalaǒ Pitɛ̌ klɔ̀ jemǒ ɔ mǐa ɔ blilǐ mɔ̀ tù bo Dlǒ Mǒ Sìin Didi Dɛɛ de ngmnengmnɛ̌ bɛ̌ sìnʼa.