Mǎkè 13:9 - Nyesoaa Kuo Win Jajle

⁹ È ba gbɛ̀ɛ aa chɛ̀. Mɛ̌oǒ joo nɛ̀ moo u miǎě a tè tù nyo jemǒ kpaba. U miǎ a fǎe kɛn sàba klě Jùwɛ nyoo Nyesoa keǐ bo ble le, u miǎě a kòngmna nyefòapo klee klɔ̀bapoo mɔ̀ kpaba keǒ ba po Ně tè kàan tè, a miǎ Ně sàsepo tù keǒ u mɔ̀.

Mǎkè 13:9 ပူးပေါင်းရင်းမြစ်များ

Matiɔ̌n 5:22

kɛɛ Ě tmɛɛ̌ ane, nyu wùɛ ɔ̈ mii nyu tɔ̀ɔ jlo pooba, Nyesoa mi ɔ tè jɛɛba. È nyu wùɛ ɔ̈ mii nyu tɔ̀ɔ boboɛ mǒ jěba, ɔ mi tè jɛɛa kɔnma keǒ tè tùla mǒ. È nyu wùɛ ɔ̈ mii nyu tɔ̀ɔ plɔ kokoɛ̌ɛ daeba, jǐlenymi na slè mumuɛ nɛ̀ poo ɔ jeja.

Mǎkè 1:44

kě Ɔ dǎla ɔ je Ɔ je, “Tanàle, nè tmɛɛ̌ nyu wùɛ dɛà ɛɛ tè, kɛɛ mu dìe Nyesoaa kpatòa je te ɔ mǐì fǒ měne tan, bɔ̌ poo loò kòo kɛn, mì dɛǒ Nyesoaa tetěǒ Ɔ nyeaa Mɔ̀sě ɛ tmɔɔ̌ uu mì ɛ nu mì chɔ̀no pi ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Mǎkè 13:5

È Ɔ tùa u kɛ̀ɛn Ɔ je, “A gbɛ̀ɛ le nyu tɔ̀ɔ ɔɔ̌ di a mǒ boo lo.

Mǎkè 13:8

Dakwɛ̌ miǎ mɔ̀ wònwɔɔma, deplě miǎ mɔ̀ wònwɔɔ no. È blǒ bɛ sèke sèke bɛ beě bo klee dodopà i miǎ ɛ numa klě tà wùɛ. Noǎǒ nì moo sònwɛ jejeɛ̌ɛ wlò tùtuɛ.

Mǎkè 6:11

È bǎ nyniǒ tà, bɛ̌ nu bǔ se a jebo kme plě bǔ se aa win nɔkǔ jebo po, è ba sɔnʼǒ tàǒ mǒ. Bǎ ke mi a gbàpo aa be mǒ a sà pǔpu be le ɛ mǐ ɛ ù tee le ɛ̈ moo Nyesoaa plɔ se u kɛn bloo lo.”

Lǔkù 9:5

Bɛ̌ nu diě kwɛɛnʼǒ bǔ se a jebo kme, è ba sà pǔpu be le a miě diěǒ wlòmo sɔn, nɛ̀ mi ɛ teeba ɛ̈ moo Nyesoaa plɔ se u kɛn bloo lo.”

Jɔ̀ɔ̌n 15:20

Bi beě a wlò jleě, Ě tmɔɔ̌ noo amo no ɛ̈ moo kèii tè se jǐ boǎ i seǒ ɔɔ chì kpa ämo mǒ sìn. Dɛɛ doǒ nɛ̀ ɛ mono, bɛ̌ nu bǔ tè Ně tè mɔ̀, u mi aa tè mɔ̀ tèba ke. È bɛ̌ nu bǔ tùuǒ Ně tee win bo, è u miiǒ aa nini bo tùba ke.

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:11

Ɔ dǔa Pɔ̀ɔ̌ɔ mɔ̀ pe wlo mǒ ɔ̌ pìnʼa ɔɔ chɛ̀ɛ sonwe klee be, è kě ɔ dɛ̌a ɔ je, “Tèà nì Ngmà Je Ne Sùsu boɔɔ̌ je ɛ̈ moo, ‘Nyuà kɔnʼɔ wloà kě u mi ɔ ble pìnpiɛn numa u miě ɔ kuodakwɛ̌ kwete mǒ po.’ ”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:54

Tà Jùwɛ nyoo tè tù nyo wùɛǒ u wɔ̌naa tèǒ, è nùǒ bea jlo měne ǔ tùia ɔ sadoě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:16

Ně chɛ̀ Mǒ mi ɛ ɔ teeba ke ɔ kɔn bɔ nuu sònwɛ jejeɛ̌ keǒ Ně nynɛ̌ɛ tè mɔ̀.”

Flepiɛ̌n 1:29

tà Ɔ nyea amoo Tentǎn Jǔu konkwaǒ, ɛ̈ sea ba po Ɔɔ tè kàan tèe do, kɛɛ a mǐ Ɔ sònwɛ mɔ̀ jěe le ke.

2 Tɛseloniǎ 1:5

Aa tè wlò popoɛ tee ɛ ɛ̈ moo Nyesoa nua mǒ slɛɛ̌ dɛ keǒ Bɔ chlàla ɛ ɛ̈ moo a blɛɛǒ je keǒ ba neě Ɔɔ win kwa konkɔn bobo ɛ̈ kɔn tè a jěe sònwɛ klě nyopò tùu kwete mǒ ü Ɔ see win kwa kɔn.

2 Jɔ̀ɔ̌n 1:8

Ba gbɛ̀ɛ aa chɛ̀ ɛ̈ di ɛɛ numa kmɔ̌ sie fònfnoo snǒ sàe dɛǒ aǎ di ɛ mǎ ɛ̈ kɔn konkwa a nuu ɛ̈ di ɛɛ numa a mǐ ɛɛ wùɛǒ jě.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.