Mǎkè 13:5 - Nyesoaa Kuo Win Jajle

⁵ È Ɔ tùa u kɛ̀ɛn Ɔ je, “A gbɛ̀ɛ le nyu tɔ̀ɔ ɔɔ̌ di a mǒ boo lo.

Mǎkè 13:5 ပူးပေါင်းရင်းမြစ်များ

Mǎkè 13:4

“À tǐ tae ɛmo dɛǒ ɛ miǎǎ kɛ tùɔn kpaeba plě mɛ miǎǎ kɛ ɛɛ jboo dɛ tùba keǒ ä mɔ̀ ɛ̈ moo ɛ di tùɔn kpabaò?”

Mǎkè 13:6

Nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, u moo Nyesoaa Tentǎn Jǔ. U mǐǎ nyopò fòfoa mǒ boo lo.

Lǔkù 21:8

Ɔ̀ tùa u kɛ̀ɛn Ɔ je, “Ba tù aa chɛ̀ jǐ mɔ̀ nyu tɔ̀ɔ ně di a mǒ boo lo. Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Mǒà mǒ moo Nyesoaa Tentǎn Jǔ, demǒ bɔɔ̌ tǐ nìà,’ kɛɛ aǎ nɛ u de.

1 Kwnɛtiɛ̌ 15:33

Aǎ sonwɛǒ nyu wùɛ mɔ̀ mǒ ɔɔ̌ bee a mǒ. Nyopò kukwǐi mɔ̀ nena ɛ nymii tùonyugbee kàan kmɔ̌ jǐ le.

Ifisiɛ̌n 5:6

Aǎ sonwɛǒ nyu wùɛ mɔ̀ mǒ ɔɔ̌ ni bobo chɛtlǐia ɔɔ̌ gbee a mǒ. Noǎ kukwǐǒ kɔn tè Ě boɛ amoo je nì ni ɛ Nyesoaa jlo neǒ nyopòà kɛn üǔ tùǒ Ɔɔ bo.

Klasɔ̌n 2:8

A gbɛ̀ɛ le nyu wùɛ ɔɔ̌ di tùonyugbee tɔ̀n nu ɔɔ̌ di a mǒ boo lo klee kplakplǒà see dɛ wlòmo ne ɛ̈ sonwɛ lěe tùonyopoo blětà noǎ wlòmo klee sìsi ï neɔɔ kmɔ̌ɔ mɔ̀, kɛɛ ï slěe Tèntǎn Jǔ mɔ̀ mǒ sɔn.

2 Tɛseloniǎ 2:3

Ɛmo waěǒ ɛ seǎǒ nynima mu ɛ mǐ ɛ kpa kpa Nyesoaa demǒ bɔɔ̌ tèe le sàea fòɛ miǎ tùɔn kpa klee ɛ mi ɛ kpa kpa nyuǒ moo dɛ kukǔ nuɔ ɔ̈ miěe na slè ɔ miǎ tàmo wǒ, ii tè aǎ sonwɛǒ nyu wùɛ mɔ̀ mǒ ɔɔ̌ gbee a mǒ klě wakǎ wùɛ wlòmo.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.