Mǎkè 13:26 - Nyesoaa Kuo Win Jajle

²⁶ Klě tǐǒ wlòmo nyopò miǎ Jbɛjuu Jǔà jěba Ɔ mǐǎǒ nukpě kɛn dii li klee klě Ɔɔ kpě klee tè jǐ boaboǎ fòɛ wlòmo wòje keǒ Nyesoaa win dɛ̌ɛ. (Dan 7.13-14)

Mǎkè 13:26 ပူးပေါင်းရင်းမြစ်များ

Matiɔ̌n 16:17

È kě Ɔ dɛ̌a ɔ je Ɔ je, “Saemɔ̌, Jònǎa jǔ, kɔ̀n ngmna, ɛ se kmɔ̌ ne tùonyugbe ɔ seè dɛà le jboo lo, kɛɛ Ně Gbeǐǒ neěe jɔkɛn Nɔ̀ jboo ɛɛ̀ le.

Matiɔ̌n 16:27

Jbɛjuu Jǔà Ɔ klee najiǒpòo tǐ mǎ bo je keǒ bu diě klě Ɔɔ Gbeǐi tè jǐ boaboǎ wlòmo. È Ɔ mi nyu wùɛ snǒ sàba ke ɔɔ nunu dɛ nee.

Matiɔ̌n 16:28

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu ü neàa ü see kǒba mu u mǐǎ Mǒ Jbɛjuu Jǔà jě Ě mǐǎě Ně win kwa konkɔn wlòmo dii li.”

Matiɔ̌n 24:30

È plě Jbɛjuu Jǔu de didiɛ ɛɛ jboo dɛ miǎa kɛ lě jɔkɛn be. Nyopò miǎ Ɔɔ sònwɛ chìnma. È dakɔ̌pò dakɔ̌pò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě klee tè jǐ boaboǎ fòɛ wlòmo keǒ Nyesoaa win dǎa. (Dan 7.13-14)

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Mǎkè 14:62

È Jùsu tùa ɔ kɛ̀ɛn Ɔ je, “Mǒà Mǒ ɛ tù. Aa wùɛ a miǎ Jbɛjuu Jǔà jěba Ɔ miǎ lě kpě kɛne Nyesoaa dilǎ son mɔ̀ bo nene, klě Ɔ miǎě mǒ sɔɔnma Ɔ miǎě di klě nukpě kɛn wòje ke Nyesoaa win dɛ̌ɛ.” (Ps 110.1, Dan 7.13)

Mǎkè 8:38

Nyu wùɛ ɔ̈ mi Mǒo tònwe mɔ̀ peeba klee Ně teeaà keǒ nyopòà see tè wlò popoɛ kɔn klee kpni kukwǐ nyo jemǒ, Jbɛjuu Jǔà Bɔ̌ diǎ lě klě Ɔɔ Gbeǐi tè jǐ boaboǎ wlòmo Ɔ klee ngmà je ne najiǒpò, Ɔ miǎ nyuǒ ɔɔ tònwe peba.”

Mǎkè 9:1

È kě Jùsu dɛ̌a u je Ɔ je, “Tèe jleě nìà Ě tmɛɛ̌ amo, ɛ kɔn nyopòo tìe ü nynanàa tàà bo ü see kǒba mu ɛ mǐ ɛ kpa kpa u miǎ Nyesoa jě Ɔ miǎ u win kwa kɔnma di klě kpě kɛne tǔn wlòmo.”

Lǔkù 21:27

È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:11

è u gbàla u wan u je, “Jàlalǐi jbɛjlu ale, mɛ kɔɔ̌n tè a nynaǎ kɛà tàà bo a tɛn lěě jɔ měne? Jùsuu doǒ a jěe Ɔ̈ kpae lee jɔkɛn, keǒ a ni Ɔɔ jejeɛ̌ Ɔ nii mumuɛ kě Ɔ miǎ de didiɛ numa Ɔ miǎě jɔkɛn mǒ sɔn.”

1 Tɛseloniǎ 4:16

Bɛ̌ nu Nyesoa Bɔ̌ pnǎnǎ dɛ jleě klee Ɔɔ nokpa bɛ̌ boɔlǎ plě najiǒpòi fòɛ bɔ̌ pnǎnǎ dɛ jleě, è Koɔnʼɔ chɛ̀ miǎě jɔkɛn mǒ sɔnma Ɔ miǎ tè. È nyopòà poa Ɔɔ tè kàan tè plě ü kǒaa nù Nyesoa miǎ jemǒ dǔba klekle.

2 Pitɛ̌ 1:16

Tà ä tmɔɔ̌a amoo ɛ̈ kwɛɛǒo äa Koɔn Jùsu Tentǎn Jǔu kpě klee Ɔɔ de didiɛ jleě mǒ bo, äǎ beaě wlòmene äǎ boɔa dɛ, kɛɛ äa chɛ̀ ä jěa ke Ɔɔ tè nuaa kunkuɛn ne.

Wlɛ̀velesɔ̌n 1:7

A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.