Mǎkè 13:13 - Nyesoaa Kuo Win Jajle

¹³ Nyopò wùɛ miǎ a feanma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.”

Mǎkè 13:13 ပူးပေါင်းရင်းမြစ်များ

Matiɔ̌n 10:22

plě nyopò wùɛ miǎ a faenma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 24:13

Kɛɛ nyopòà ü miǎa tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 24:9

Klě sònwɛ jě tǐǒ wlòmo nyopò miǎ a kmema, u miǎ a sònwɛ jeě le, u miǎ a le dedbǎa le. Tà a nɛ Mǒo de nɛ̀ kɔn tè nyopò wùɛ miǎ a faenma.

Mǎkè 13:12

È klě tǐǒ wlòmo mamǔ miǎě ɔɔ mamǔ bo demǒ sàba u mǐǎ ɔ dbǎ, è gbeǐpò miǎě uu jlǔ be deměne sàba u mǐǎ u dbǎ. È jlǔ miǎě uu naǎpò klee gbeǐpòo tè le sàeba u miǎ u mnùngma poo lo.

Lǔkù 21:17

Nyopò wùɛ mi a faenma keǒ ba po Ně tè kàan tè.

Lǔkù 6:22

Bɛ̌ nu bo nyopò bǔ faen amo klee bǔ ke a jleě mɔ̀ sɛ̀ klee bǔ ke aa tè je bɛtɛ̌ɛ le klee bǔ nu wiěn a moo nye kukwǐ keǒ Jbɛjuu Jǔà Ɔɔ tè mɔ̀, a kɔn ngmna.

Jɔ̀ɔ̌n 15:21

Nyuà dbo Mǒo u se Ɔ ji, tèǒ nì kɔn tè noǎ wùɛǒ nì u mi a mǒ numa keǒ Ně nynɛ̌ɛ tè mɔ̀.

Jɔ̀ɔ̌n 17:14

Ě nye u Nè winʼà ne, è kmɔ̌ faen u nu. Mɛ̌oǒ joo nɛ̀ moo u slě kmɔ̌ɔ noǎ slè kɔn wòje keà Ě nuu Ě slěe kmɔ̌ɔ noǎ slè kɔn.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Kalesiɛ̌n 6:9

Ii tè a nɛ äa kbě biǐ wɛ̀ le keǒ kàan dɛ nunuɛ mɔ̀. Bɛ̌ nu bä se sea, klě kàan tǐ wlòmo ä mi snǒ sàe dɛ jěba.

Hiblǔ 10:39

Ä se de muu nyo ü Nyesoa sùee gbè, kɛɛ ä moo nyopòà ü poo kàan tè ü gblàe lee klě kpni kukwǐi plɔɔ tu kɛn bo maěa bobo.

Hiblǔ 3:14

Bɛ̌ nu bä kme wlò je kunkuɛn ä kɔnaa bo kpankpa sosǒ klě ɛɛ wlò tùla mǒ bɛ̌ kpa ɛ kpa bɛ̌ jɛɛ ɛɛ dlǒ chlɛ̀ɛa mǒ, è ä klee Tentǎn Jǔ ä niǒ tàa do konkwa.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

1 Jɔ̀ɔ̌n 3:13

Ně bǐì Tentǎn Jǔu wǎn ane, bɛ̌ nu nyopòǒ neěe kmɔ̌ wlòmo bǔ faen amo, biǐ kɛɛn a wlò le.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.