Mǎkè 12:7 - Nyesoaa Kuo Win Jajle

⁷ Kɛɛ tà jlě nu nyo jěaa jǔǒ, è kě u dɛ̌a klě uu chɛ̀ slè u je, ‘A jè jǔ miǎ noǎ wùɛà win kwa kɔnma nɔ̀ǒ diě, a diě bä dbǎ lɔ ɛ̈ di ɛɛ numa noǎ wùɛà ä mǐ i je chlì ä mǐ i kɔn.’

Mǎkè 12:7 ပူးပေါင်းရင်းမြစ်များ

Matiɔ̌n 2:16

Tà Jòsɛ̌fo kpala luu Ǐjɛ̀te, klě tǐi doǒ wlòmo è Hɛwlǒ jěa lɛ ɛ̈ moo tɔ̀n kɔn nyo poa ɔ le boboɛ. Tèǒ nì kɔn tè ɔ bea jlo měne ɔ̌ dboa tabɔ̀ bu dbǎla jbɛjujlu wùɛ sɔɔnʼǒ jlěe sɔ̌n mɔ̀ mǒ bò diɔ bobo ü nea lěe Bɛ̀tlehɛ̌ɛn klee deě wùɛǒ tbɛɛa lɛɛ dǐ. Mɛ kɔɔ̌n tèǒ joo nɛ̀ moo jɔtnàeǒ ɛ blěe klekle jejeɛ̌ tɔ̀n kɔn nyo jěa lɛɛ sɔɔnʼaǒ mǒ bò jɛa tǐǒ ɛ nua jlěe sɔ̌n.

Matiɔ̌n 21:34

Tà nano chɛ̌n tǐ nyniaǒo, ɔ dboa ɔɔ nyebajle klě u mɔ̀ ɛ̈ di ɛɛ numa ɔ blěe wakǎ ɔ kɔnaa klě u mɔ̀ u mia lɛ ɔ̀ nye.

Mǎkè 12:12

Tà Jùwɛ nyoo blǒo je si nyo wɔ̌naa tèǒ, u jěa lɛ ɛ̈ moo dǎtèkpaǒ Ɔ poaa nù ɛ sɛ̀nʼa nynɛ̌, ii tè u jlɛ̌ bu kmea Lɔ, kɛɛ u pea nyopòo fano, nɛ̀ kɔn tè u sea Ɔ le tǒ ǔ mua.

Mǎkè 12:6

È nyuu do ɔ̈ sia kɛ̀ǒo nɔ̀ mooa ɔɔ chɛ̀ɛ jbɛjuju ɔ̈ ɔ noɛɛaa mǒ chɔɔ, nɔ̀ klě demǒ bɔɔ̌ tǐ wlòmo ɔ dboa klě u mɔ̀. È kě ɔ dɛ̌a ɔ je, ‘Bɛ̌ nu bǔ jě ně jǔà u miǒ ɔ tùba.’

Mǎkè 12:8

Ii tè u kmea nɔ ǔ sàlaǒ ɔ chè kɛn ǔ dbǎla ɔ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:23

Nyesoaa chɛ̀ chèaě ɛ jǐ mǒ bo Ɔ̌ poa ɛ ble keǒ Bɔ poaě a Jùsu kwete mǒ, è a kɔna kpnii jǐlenymi nyo ü kɔlaǒ Ɔɔ pète bɛ̌ tu jleě. Amo dbǎla Ɔ,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:28

ɔ je, “Ä sea kɛ a saěn tba ɛ̈ moo baǎ teea kɛ̀ nyopò Jùsuu tè le? Kɛɛ Jlǔsnɛ wùɛà nɛ̀ a wɔ̀ɔ Ɔɔ tè dlǒ. A ni ɛ ämoà ä mǐ tè jɛɛa kɔn keǒ Ɔɔ kokoɛ̌ mɔ̀!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:52

A wɔ̀le je ba sà kɛě Nyesoaa wnɔsàɔpoo nyuu doo nynɛ̌ ɔ̈ kɔn tè aa gbeǐpò seaa mɔ̀ tè le? U dedbǎe nyopòǒ le ü tmɔɔ̌a nuu seela tǐ jleě ɛ̈ kwɛɛǒo Nyesoaa Jebo Siǐn Nyu Ɔ̈ mia lěe diba Ɔɔ tè jleě mǒ bo. È tà Ɔmo Nyuǒ Ɔ diěe, a mu ǎ sàě Ɔ bo demǒ ǎ poo Ɔ mnùngma.

Hiblǔ 1:2

kɛɛ klě demǒ bɔɔ̌ tǐà wlòmo Ɔ boɛě ä mɔ̀ klě Ɔɔ Jǔ mǒ Ɔ̈ Ɔ mii win kwa kɔn Nyu mǒ numa keǒ tùonyopo klee noǎ wùɛ mɔ̀. Nɔ̀ kɔn mǒ Nyesoa nuuě kmɔ̌ wùɛà.