Mǎkè 12:2 - Nyesoaa Kuo Win Jajle

² Tà nano chɛ̌n tǐ nyniaǒo, ɔ dboa ɔɔ nyebajloo do klě jlě nu nyoǒ mɔ̀ ɛ̈ di ɛɛ numa ɔ blěe dɛ ɔ kɔna lě uu mɔ̀ u mǐa lɛ ɔ̀ nye.

Mǎkè 12:2 ပူးပေါင်းရင်းမြစ်များ

Matiɔ̌n 21:34

Tà nano chɛ̌n tǐ nyniaǒo, ɔ dboa ɔɔ nyebajle klě u mɔ̀ ɛ̈ di ɛɛ numa ɔ blěe wakǎ ɔ kɔnaa klě u mɔ̀ u mia lɛ ɔ̀ nye.

Mǎkè 12:1

È Jùsu tùngmaeaě u mɔ̀ boɔboɔ klě dǎtèkpe wlòmo Ɔ je, “Ɛ kɔna jbɛju tɔ̀ɔ ɔ̈ nuaa chè fòɛ ɔ̈ dɔ̌la ɛɛ nano kɛn. Ɔ sàla chèǒ seɛ̌ɛ ngmì je ɔ̌ blǔa bǐtìe klě seɔ̌ wlòmo ɛ̈ kɔn wan u mia lěe nano jɔ̌ǒ pnɔɔ̌ma plě ɔ̌ poa ja tmɔ koǔ keǒ chèǒ ɛɛ jǐ mɔ̀ tùtuɛ mɔ̀ ɔ̌ dǔa chèǒ mǒ ɔ̌ nyea ɛ jlě nu nyopò tùu u mǐa ɛ konkwa dlǒ mɔ̀ kpa dɛ bɛ̈ sɔnaě ɛ wlòmo u miǎ ɔ blěe nenɛ ɔ kɔnaǒo ɔ̀ nye, è nɔ̀ǒ muaě blǒ tɛ̀ɛ kɛn tǐnma.

Mǎkè 12:3

Kɛɛ u kmea nyebajloǒ ǔ bea lɔ ǔ tɛa ɔ bo ɔ̌ mua ɔ̌ kpala kwete fle.

Lǔkù 12:48

Kɛɛ nyebajloà ɔ̈ se ɔɔ chì kpa ämoo kɛn wɔɔn dɛ ji plě ɔ̈ nuu dɛ ɛ̈ blɛɛ lee plɔɔ tu kɛn bo maěa je, ɔ miǎ ɔ fènfɛɛ beeba ɛ̈ kɔn wan kmakma seǒo le sìn. Nyu wùɛ Nyesoa nyee noǎ fòfoa nɔ̀ Ɔ miǎě noǎ fòfoa jale pɔ̀ɔnma. Nyopòà Ɔ poě noǎ fòfoa kwete mǒ nù Ɔ miǎě noǎ fòfoa jale pɔ̀ɔnma.”

Lǔkù 20:10

Tà kou bɛ̌ tǐ nyniaǒo, ɔ dboa ɔɔ nyebajloo do klě jlě nu nyoǒ mɔ̀ ɛ̈ di ɛɛ numa ɔ blěe wakǎ ɔ kɔnaǒo u mǐa nɛ ɔ̀ nye, kɛɛ u bea nyebajloǒ ɔ̌ poa kwete fle ɔ̌ mua de.

Hiblǔ 1:1

Klě tɔn tǐ wlòmo Nyesoa boɛaě äa gbeǐpò mɔ̀ klě Ɔɔ wnɔsàɔpo mǒ klě tǐ fòfoa wlòmo klě dɔ̌ɔdɔ̌ wakě wlòmo,