Mǎkè 12:14 - Nyesoaa Kuo Win Jajle

¹⁴ Ii tè u diaě Ɔ mɔ̀, kě u dɛ̌a Ɔ je u je, “Tee Nyu, ä ji ɛle Mòo sèn bo mǎ Nyu. È nyopòo dlǒ mɔ̀le sìɛnʼɛ dɛ ɛɛ̌ kpae leè kbě keǒ Bò nu dɛ plě Nè sàǒ nyuu do Nè siǒ nyopò tùu, kɛɛ tèe dɛ monoo kàan ɛ̈ Nyesoa jlɛ̌ bo nyopò bu nuu. Tèà nì kɔn tè ä jlɛ̌ bä ji ɛ, ɛ wɛɛn kɛǒ lè bä sà dlǒ wlě klě Wlǔmɔ nyoo klɔ̀ba mɔ̀le, deě bäǎ sɛ̀ li? Mɛ monoǒ kɛ Nè dlǒ mɔ̀le sìɛnʼɛ dɛ?” U jěa lɛ ɛ̈ moo u kmea Ɔno. Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Mǎkè 12:14 ပူးပေါင်းရင်းမြစ်များ

Matiɔ̌n 22:16

Nɛ̀ kɔn tè u dboa uu mɔ̀ cheěn nyoo tìe klee Hɛwlǒo nyopòo tìe nù mua lě Jùsu mɔ̀, kě u dɛ̌a Lɔ je u je, “Tee Nyu, ä ji ɛle Mòo sèn bo mǎ Nyu Ɔ̈à tee lee kàan dɛ keǒ Nyesoa dɛ mɔ̀ plě nyopòo dlǒ mɔ̀le sìɛnʼɛ dɛ ɛɛ̌ kpaa leè kbě keǒ Bò nu dɛ plě Nè wlò ɛɛ̌ sàǒ nyuu do ɛɛ̌ siǒ nyopò tùu.

Matiɔ̌n 22:17

Tèǒ nì kɔn tè tmɔɔ̌ ämo dɛ bɛ moo Nè dlǒ mɔ̀le sìɛn dɛ keǒ dɛà mɔ̀. Ɛ wɛɛn kɛǒ le bä sà dlǒ wlě klě Wlǔmɔ nyoo klɔ̀ba mɔ̀le deě bäǎ sɛ̀ li?” U jěa lɛ ɛ̈ moo u kmea Ɔno, Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Mǎkè 12:13

Tà tǐ gbei sìnʼaa, u dboa Fɛlesǐi wǎnʼa tìe klee Hɛwlǒo wǎnʼa tìe nù diaě Jùsu mɔ̀ ü pɛ̀na Ɔ win wien ne u mǐa Ɔɔ jleě kmee ne.

Mǎkè 12:15

Kɛɛ Ɔ jia ɛle ɛ̈ moo u neaě kplakplǒ wlòmo, ii tè kě Ɔ dɛ̌a u je Ɔ je, “Mɛ kɔɔ̌n tè a tɛ̀ɛ̌n kɛě Mǒ měne? A jaǎ wlejoɛ̌ɛǒ ɛ̈ a sɛ̀ɛ dlǒ wlě mǒ Bo jě ɛ.”

Mǎkè 14:45

Tǐi doo tǐ jleě tà Jùdǎse nyniaǒo, ɔ kèklaeaǒ Jùsu gbàa ɔ je, “Chì Kpa Ämoo,” ɔ̌ nyǒa Jùsuu wun.

Lǔkù 20:22

Tèǒ nì kɔn tè ä jlɛ̌ bä ji ɛ, ɛ wɛɛn kɛǒ le bä sà dlǒ wlě klě Wlǔmɔ nyoo klɔ̀ba mɔ̀le, deě bä bɔ̌ i sèsa?” U jěa lɛ ɛ̈ moo u kmea Ɔno. Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Lǔkù 23:2

È u tùngmaea Ɔ tè dlǒ le popoɛ, kě u dɛ̌a u je, “Nyuà Ɔ jlɛ̌ Bɔ sàǒ äa nyopòo dlě snǔ mɔ̀ bu wɔ̀n Wlǔmɔ nyoo kòngmna je, Ɔ tmɛɛ̌ u bu bɔ̌ dlǒ wlě sèsa klě klɔ̀ba mɔ̀, plě Ɔ̌ je Ɔ̌ moo Nyesoaa Tentǎn Jǔ Ɔ̌ moo Klɔ̀ba.”

Jɔ̀ɔ̌n 7:18

Ii tè bɛ̌ nu nyu wùɛ bɔ̌ ke dɛ boɛ ɛ̈ sonwɛě ɔɔ chɛ̀ɛ dlǒ wlòmo, ɔ ni ɛ keǒ bɔ pɔ̀n ɔɔ chɛ̀ɛ tè jǐ boaboǎ le. Kɛɛ bɛ̌ nu nyu wùɛ bɔ̌ ke dɛ boɛ bɛ̌ nye nyuà dbo ɔɔ tè jǐ boaboǎ, è ɔ moo sèn bo mǎ nyu, kenkan dɛ slě ɔ mǒ ne.

Wlǔmɔ 13:6

Dɛɛ doǒ nɛ̀ kɔn tè a kɔn ba sà dlǒ wlě ke. Nyopòǒ neěe kòngmna dɛǒ mǒ ɛ moo Nyesoaa konkwa ǔ ni ɛ keǒ bu poě kbě le bu nu uu konkwa.

2 Kwnɛtiɛ̌ 2:17

Nyesoaa winʼà ä boɛɛ äǎ tba nyopò dɛ mǒ wòje keǒ nyopòo dɛ fòfoa nii, kɛɛ keǒ nyopòà Nyesoa dboo u nuu, kě ä nu ä mǎě sèn bo ä boɛ klě Tentǎn Jǔu kpě wlòmo keǒ Nyesoa jemǒ.

2 Kwnɛtiɛ̌ 2:2

È bɛ̌ nu bo po kɛ aa wlè wɔ̀ɔn, mɔ mi mǒǒ wlò wlòmo ble tùba, ɛ̈ sìnʼǒ aa doà amo mi ɛ numa?

2 Kwnɛtiɛ̌ 4:1

Nyesoa jǐ je wɔle keǒ ä mɔ̀ plě Ɔ̌ nye ä konkwaà keǒ bä nu ɛ, tèǒ nì kɔn tè äa wlò ně be wɔ̀ɔn.

2 Kwnɛtiɛ̌ 5:11

Tèǒ nì kɔn tè ä kɔn Koɔnʼɔ fano, ä chlì nyopò ä boɛ u tè wlò popoɛɛ tè je. Nyesoa ji ɛle ɛ̈ moo äa ble po noǎ nu kàan plě Ě kuun ɛ je wlò ke ɛ̈ moo sɛjesɛ a jiǐ li tɛɛ.

2 Kwnɛtiɛ̌ 5:16

Sɔɔnʼě tǐǒ kɔn jleě ä mooa kàan tè po nyo, äǎ tùǒ nyu wùɛ tè jleě mǒ keǒ tùonyugbee dlǒ le sìɛnsiɛn nu ɛɛ jejeɛ̌, kɛɛ keǒ Nyesoa nu ɛɛ jejeɛ̌. I moo kàan tè klě tǐ tìi wlòmo ä tùiaǒ Tentǎn Jǔ tè jleě mǒ klě ɛmo dlǒ le sìɛnsiɛnʼǒ mǒ, kɛɛ äǎ nuu kɛ̀ lɛ.

Kalesiɛ̌n 1:10

Dɛǒ Ě boɔ kɛɛ ɛ tee kɛ lɛ ɛ̈ moo Ě tɛ̀n ɛ mǒ keǒ bo wɛɛnʼǒ tùonyugbe klee Nyesoa jǐ kɛn lee? A jě kɛ lɛ ɛ̈ moo Ě tɛ̀n ɛ mǒ keǒ bo bloo tùonyugbee plɔ le? Bɛ̌ nu kaǒ bo kee ɛ mǒ tɛ̀n keǒ boǒ bloo loo tùonyugbee plɔ, è Ě see Nyesoaa na wien po nyebajlo tùba mu.

Kalesiɛ̌n 2:6

Nyesoa Ɔɔ̌ tanʼǒ tùonyugbee tǔn mɔ̀le, tèǒ nì kɔn tè Ě slě ɛ mɔ̀ kɔn ke tùonyugbee tè bi jě bi nu kunkuɛn. Nyopòǒ ü je ü monoo Tentǎn Jǔu wǎnʼa je si nyo, tuposàà Ě pee uu nyu seě tɔ̀n mǒ po keǒ dɛ wùɛ mɔ̀.

1 Tɛseloniǎ 2:4

Kɛɛ ä pe a kàan tuposàà je wòje nyopò Nyesoaa chɛ̀ poo loo kòo kɛn keǒ ɛmo konkwaà mɔ̀. Äǎ tɛ̀n ɛ mǒ keǒ ba bloo tùonyopoo plɔ, kɛɛ Nyesoaà jii dɛ ä sìɛn nee dlǒ mɔ̀le Nɔ̀ kɔn plɔ ä blee le.