Mǎkè 11:25 - Nyesoaa Kuo Win Jajle

²⁵ È bǎ nyna bo bǎ klě Nyesoa mɔ̀ boɛ plě bǎ kɔnʼě nyu wùɛ wlò jleě, a poo nyuǒ ɔɔ tè wlò le ɛ̈ di ɛɛ numa aa Gbeǐǒ neěe jɔkɛn Ɔ mǐ aa tè wlò le poo lo ke.

Mǎkè 11:25 ပူးပေါင်းရင်းမြစ်များ

Matiɔ̌n 5:23

Tèǒ nì kɔn tè bɛ̌ nu bò jaě nè Nyesoaa nyee dɛ keǒ chɔ̀no kǒngmà jemǒ plě bǐ beěè wlòmo ɛ̈ moo mò klee nyu tɔ̀ɔ a kɔn slɛ̀ keǒ a slè,

Matiɔ̌n 6:12

Poo ä dɛ kukǔ ä nii ɛɛ tè wlò le wòje keǒ ä nii nyu bɔ̌ nu ämoo dɛ kukǔ mǒ ä pee ɔɔ tè wlò le.

Matiɔ̌n 6:5

È kě Jùsu dɛ̌a u je de Ɔ je, “Bɛ̌ nu bǎ klě Nyesoa mɔ̀ boɛ, aǎ wě je ä jěè kɛn ä daà kàan chènyɔ Nyesoa nyo bü klě Nyesoa mɔ̀ boɛ ü jlɛ̌ mǒ bü nyna lěe Nyesoa koǔ bo klee bü nynaǒ snǔ fòɛɛ kotoee mǒ bo ɛ̈ di ɛɛ numa nyopò mǐ u jě. Tèe jleě nìà Ě tmɛɛ̌ amo, u blěe snǒ sàe dɛ wùɛ u kɔnʼɔ nɛ̀ǒ.

Lǔkù 18:11

Fɛlesǐi wǎnpòiǒ ɔɔ do nynaea tà bo ɔ̌ boɛaě Nyesoa mɔ̀ ɔ je, ‘Nyesoa Ě peè tàto, Ě se je wǒ nyopò tùu ü moo jlǐ nyo klee dɛ kukǔ nu nyo klee gblà nyo plě Ě se je wǒo chɛ̀ wòje keà dlǒ wlě tɛ̌n nyuà ɔɔ ka nee je.

Lǔkù 18:13

Kɛɛ dlǒ wlě tɛ̌n nyuǒ ɔ poa nyuǒ kpa debo, ɔɔ̌ dǔa jǐ jemǒ ɔɔ̌ tanaě jɔ měnee chɛ̀. Dɛɛ do ɔ niaa nɛ̀ moo ɔ bea ɔɔ kekeě ɛ̈ teea lɛɛ ɛ̈ moo ɔɔ kpni kukwǐ niia ɔ wɔle, ɔ̌ dɛ̌a bò ɛ̈ moo, ‘Nyesoa, Ě moo dɛ kukǔ nuɔ, jboǒ wɔle je.’

Lǔkù 6:37

È dɛ tɛ̀ɛ Jùsu boɛa uu je de nɛ̀à Ɔ je, “Aǎ jɛɛ nyopò tùu tè, nɛ̀ bǎ se nu Nyesoa mi a tè jɛɛba. Aǎ bɛtɛ̌ɛ nyopò tùu tè je, nɛ̀ bǎ se nu Nyesoa mi a je bɛtɛ̌ɛba. A poo nyopò tùu tè wlò le Nyesoa mǐ aa tè wlò le poo lo ke.

Ifisiɛ̌n 4:32

A tbɛ imo noǎǒ kɛn, a nu kàan dɛ a miě tè mɔ̀ konkɔɔ no. Ba popoo tè wlò le wòje keǒ Tentǎn Jǔ nu aa tè wlò le pooa.

Klasɔ̌n 3:13

A sèsɛɛ měne plě klee a popoo tè wlò le. Bo kpɛtɛ kpɛtɛ bɛ̌ beǒ mò klee nyu tɔ̀ɔ slè, poo ɔɔ tè wlò le wòje dɛɛ doǒ Koɔn nii Ɔ̌ pee aa tè wlò le.

Jìmǐse 2:13

Mɛ kɔɔ̌n tèǒ joo nɛ̀ moo Nyesoa Bɔ̌ keǎ blilǐ tùi, Ɔ seǎ wɔle je jbojbɛ kɔnma mu keǒ nyopòà mɔ̀ ü see wɔle kɔn keǒ nyopò tùu mɔ̀. Nɛ̀ kɔn tè baǎ jɛɛ nyopò tùu tè, kɛɛ ba kɔn wɔle keǒ u mɔ̀.

Wlɛ̀velesɔ̌n 11:4

Sàsepoo sɔ̌nʼǒ nù ɔlè tii sɔ̌n klee nǎpea tii sɔ̌n nynaǒ pènmo bo ï nynaǒo Koɔn jemǒ bo Ɔ̈ kɔnʼɔ kmɔ̌ win kwa.