Mǎkè 11:18 - Nyesoaa Kuo Win Jajle

¹⁸ Teteǎ tee nyo klee Nyesoaa kpatòapoo fòe pea Jùsuu fano. Mɛ̌oǒ joo nɛ̀ moo Ɔɔ noǎǒ Ɔ teea ii tè kàea nyopò wùɛ bo wan. Tèǒ nì kɔn tè tà u wɔ̌na imoo tèǒ, u pɛ̀na fɔ̌ le u mǐa Ɔ dbǎ.

Mǎkè 11:18 ပူးပေါင်းရင်းမြစ်များ

Matiɔ̌n 21:15

Kɛɛ tà Nyesoaa kpatòapoo fòe klee teteǎ tee nyo jěaa wlòlekaen noǎǒ Ɔ nuaa klee jlǔ panpěǒ ü neaěe Nyesoaa kǎ fòɛǒ bo ü peaa slɛ̀ le ü dɛ̌a bòo, “Hehejoo keǒ Dèběsee jlǔu Jǔ mɔ̀!” È nùǒ bea jlo měne.

Matiɔ̌n 7:28

Tà Jùsu wɔ̀laa tè wùɛǒ boɔboɔ mɔ̀, è diblɛ̌ wùɛ ü neaǒo i kaenʼa u le wlò.

Mǎkè 1:22

Ɔ teea lu wòje keà nyuu chɛ̀ blěe noǎa kpě, Ɔɔ̌ teea lu wòje keǒ uu teteǎ tee nyoo ka neaa je, ii tè i kaenʼa nyopòǒ le wlò.

Mǎkè 11:32

Kɛɛ ä slě wɔ̀ bä nu wiěn, ‘Ɔ sàlaě i tùonyugbe mɔ̀.’ ” È tè kɔn tè u dɛ̌a bòǒ nɛ̀ moo u pea nyopòǒ uu fano. Mɛ̌oǒ joo nɛ̀ moo nyopòǒ u poa Jɔ̀ɔ̌nʼɔ tè kàan tè ɛ̈ moo ɔ mooa Nyesoaa wnɔsàɔ.

Mǎkè 12:12

Tà Jùwɛ nyoo blǒo je si nyo wɔ̌naa tèǒ, u jěa lɛ ɛ̈ moo dǎtèkpaǒ Ɔ poaa nù ɛ sɛ̀nʼa nynɛ̌, ii tè u jlɛ̌ bu kmea Lɔ, kɛɛ u pea nyopòo fano, nɛ̀ kɔn tè u sea Ɔ le tǒ ǔ mua.

Mǎkè 3:6

Tà Fɛlesǐi wǎn jěa lɛɛ, è tǐi doo tǐ jleě è nùǒ mua snǎ mǒ u klee Hɛwlǒo wǎn ǔ pea ɛ ble ke bu nuaa u mǐaa Jùsu dbǎ.

Mǎkè 6:20

Dɛ ɛ nuaa nɛ̀ moo Hɛwlǒ jia ɛle ɛ̈ moo Jɔ̀ɔ̌n mooa ngmà je ne jebo siǐn nyu, ii tè ɔ pea ɔɔ fano ɔ̌ tùia ɔ jǐ mɔ̀ tɛɛ. Klě tǐ fòfoa wlòmo Hɛwlǒ pea Jɔ̀ɔ̌nʼɔ win nɔkǔ jebo, kàan tè imo winʼǒ i tùia ɔ kèjle, kaǒ ɔ noɛɛa mǒ bɔ poa ɔɔ win nɔkǔ jebo.

Lǔkù 19:47

Tà dɛǒ ɛ sìnʼaa, chnɛ̀ jlǒ waě wùɛ mɔ̀ Ɔ teea nyopò klě Nyesoaa kǎ fòɛ bo. Nyesoaa kpatòapoo fòe klee teteǎ tee nyo klee blǒo nae nyo pɛ̀na le wakǎ u mǐa Ɔ dbǎ,

Lǔkù 2:47

Nyopò wùɛ ü wɛ̌na Ɔɔ win i kɛɛnʼa u le wlò keǒ ke Ɔ nuaa de jijiɛ mɔ̀ plě klee ke Ɔ niaa noǎ wùɛ u gbɛ̀a Ɔɔ wan le kɛ̀ɛn tùtuɛ.

Lǔkù 20:19

Teteǎ tee nyo klee Nyesoaa kpatòapoo fòe pɛ̀nʼa le wakǎ u mǐa Lɔ kme keǒ tàa doǒ. Mɛ kɔɔ̌n tèǒ joo nɛ̀ moo u jěa lɛ ɛ̈ moo dǎtèkpaǒ Ɔ poaa nù ɛ sɛ̀nʼa nynɛ̌, kɛɛ u pea nyopòo fano, nɛ̀ kɔn tè u sea Ɔ le tǒ ǔ mua.

Lǔkù 4:22

Wlòlekaen noǎǒ Ɔ boɛaa i kmeea nyopò wùɛ kɛn ǔ pooa Ɔ kòo kɛn, kě u dɛ̌a u je, “Deě ɛ se kɛ Jòsɛ̌foo Jbɛjujuà le?”

Jɔ̀ɔ̌n 7:1

Tà dɛǒ ɛ sìnʼaa, è Jàlalǐi wakǎǒ nɛ̀ Jùsu nɛa kɛn le, è Jùwɛ nyoo nyefòapoǒ nea lěe Jùdǐa wakǎ kɛn u pɛ̀na fɔ̌ le u mǐa Ɔ dbǎ, ii tè Ɔɔ̌ jlǎ Bɔ mua kɛ̀ lě ɛmo wakǎǒ kɛn.

Jɔ̀ɔ̌n 7:19

Mɔ̀sě sea kɛ a Nyesoaa teteǎ nye le? Kɛɛ a nyuu doo chɛ̀ nɔ̀ seǒ teteǎǒ bo tù. È mɛ kɔɔ̌n kɛ tè a pɛ̀n Něe dbadbǎ le keǒ Bo nu dɛà a je ɛ̈ monoo Mɔ̀sěe teteǎ wlawlǎ?”

Jɔ̀ɔ̌n 7:46

È u tùa u kɛ̀ɛn u je, “Ä sěɛlǎ nyu jě bɔ nu bò boɔboɔ!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:25

Kɛɛ tà Pɔ̀ɔ̌ tùngmaeaa jebo siǐan klee ke nyu bɔ nu ɔɔ chɛ̀ win kwa konkɔn plě klee Nyesoaa blilǐ tù chnɛ̀ jlǒ waěe tè kɛn boɔɔa, è Felesè bea mǒ fano, kě ɔ dɛ̌a ɔ je ɔ je, “Noǎǒ bòɔɔ i nu seɔɔn klě tǐà wlòmo! Mu, bɛ̌ nu boǒ wɛ̀ mɔ̀ de, Ě miì daba.”