Mǎkè 10:30 - Nyesoaa Kuo Win Jajle

³⁰ sɛjesɛ ɔ mi noǎ fòfoa jěba ii wlèe m̀m m̀m kplěe fòfoa kělɔ kmɔ̌ɔ mɔ̀. Ɔ mi keǐ kɔnma klee mamǔ jbɛjlu klee mamǔ nynejlu klee naǎpò klee jlǔ plě klee chèa. Nyopò mi ɔɔ tè mɔ̀ tèba, kɛɛ ɔ miǎ kmɔ̌ sie fònfno kɔnma klě kmɔ̌ǒ miǎěe diba wlòmo.

Mǎkè 10:30 ပူးပေါင်းရင်းမြစ်များ

Matiɔ̌n 12:32

Nyu wùɛ ɔ̈ boɛɛ win kukwǐ keǒ Jbɛjuu Jǔà jleě mǒ, Nyesoa mi ɔɔ tè wlò le pooba, kɛɛ nyuà ɔ̈ mii win kukwǐ boɔba keǒ Ngmà Je Ne Sùsu jleě mǒ, ɔɔ tè se wlò le pooba mu kělɔ kmɔ̌à ä neɔɔ mɔ̀ plě klee kmɔ̌ǒ ɛ̈ miǎ lěe diba.”

Matiɔ̌n 13:8

Kɛɛ ɛ kɔna jɔ̌ tìi beaǒo kàan blǒ kɛn ï toeaa kplě. Tìe nea jleě le wlèe m̀m m̀m, è tìe tìi nea jleě le wlèe tanʼa tan, è tìe tìi nea jleě le wlò tùo pù pù.”

Matiɔ̌n 6:33

Ii tè klekle dɛ ba nuu nɛ̀ moo ba paeě aa die Nyesoa bobo, a mǐ dɛ wùɛ Ɔ jlɛ̌ ba nuu nu. È dɛ wùɛ a mii sòaba Ɔ mi ɛ tàmo sàba keǒ a mɔ̀.

Lǔkù 18:30

ɔ mi noǎ fòfoa jěba kělɔ kmɔ̌ɔ mɔ̀ i miǒ noǎǒ mǒ sìn plě ɔ miǎ kmɔ̌ sie fònfno jěba klě kmɔ̌ǒ miǎěe diba wlòmo.”

Jɔ̀ɔ̌n 10:23

Klě de ngmnengmnɛ̌ǒ wlòmo, è Jùsu neaě klě Nyesoaa kǎ fòɛ bo tà u dɛǒo Sanemɔ̌ɔ wànwie.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:22

keǒ bu poa Jùsuu de na nyoǒ kbě ja le bu kpaea uu tè wlò popoɛ u kɔnaa nya, è u tmɔɔ̌a nu u je, “Ä kɔn bä jě sònwɛ fòfoa plě Nyesoa mǐ ä win kwa kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:25

È tà ɛ blɛɛa tòtoo kɛn mǒ wuleea mǒ mɔ̀, Pɔ̀ɔ̌ klee Salě boɛaě Nyesoa mɔ̀ ǔ bleea Nyesoa mɔ̀le klě Ɔɔ nynɛ̌ le popoɛ mǒ, è nyopò tùuǒ nea lěe wùloǒ u pea uu win nɔkǔ jebo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:41

È nùǒ sɔnaě tè tùla mǒ ü nia chǒn ü mia keǒ Nyesoa Bɔ dia u kàan dɛ mǒ jě keǒ bu jěa sònwɛ nyopò bu poa u fla wan keǒ Jùsuu tè boɔboɔ mɔ̀.

Wlǔmɔ 5:3

È sɔ̌noka, ä kun le kɛn keǒ äa sònwɛ jejeɛ̌ mɔ̀. Ä ji ɛle ɛ̈ moo äa sònwɛ jejeɛ̌ jɛě kbě keǒ bä nyna ɛ jebo.

Wlǔmɔ 6:23

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

2 Kwnɛtiɛ̌ 6:10

Nyopò jě ɛ ɛ̈ moo wɔle ni ämo, kɛɛ tǐ wùɛ mɔ̀ ä ni le chǒn. Nyopò jě ɛ ɛ̈ moo sònwɛ ni ämo, kɛɛ ä ni nyopò fòfoa ǔ pɛ̀n klě Nyesoaa tè de jbojbɛ mǒ. U jě ɛ ɛ̈ moo ä se dɛ kɔn, kɛɛ ä kɔn noǎ wùɛ.

Flepiɛ̌n 3:8

Bɛ̌ nu bo po imo noǎǒ kàan dɛǒ neǒo nyu bɔ ji Tentǎn Jǔ Jùsu wlòmo je Ɔ̈ moo ně Koɔn, ii wùɛ Ě jě li ɛ̈ moo i se dɛ mǒ ne. Keǒ Ɔɔ tè mɔ̀ Ě sàǒ noǎ wùɛ mɔ̀ jleě plě Ě jě li ɛ̈ moo i moo wɔ̀te ɛ̈ di ɛɛ numa Ě mǐ Tentǎn Jǔ kɔn

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

1 Timɛtě 4:8

Nè chɛ̀ɛ fǒo měne kunkuua peǒ bo dɛ, kɛɛ keǒ bò tee nè chɛ̀ keǒ Nyesoa dɛɛ měne kunkuua mɔ̀ ɛ peǒ bo kàan dɛ klě tǐà wlòmo klee klě kmɔ̌ǒ miǎ lěe diba mɔ̀ ɛ̌ sìnʼǒ ɛ mǒ.

1 Timɛtě 6:6

I moo kàan tè Nyesoa dɛ peǒ bo dɛ fòɛ keǒ nyopòà mɔ̀ ü kɔn plɔ bloo loo dɛ u kɔnʼɔ kɛn.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

Jìmǐse 5:11

Aa chɛ̀ a ji ili, u poě kpě ǔ nyna uu sònwɛ jejeɛ̌ jebo, ii tè ä slèe kekɛɛ u ngmna nyo. È aa chɛ̀ a wɛ̌n dɛ kpalaa tùɔn no keǒ Jòǒbo mɔ̀, ke ɔ nuaa wlò dbadbǎ konkɔn keǒ ɔɔ sònwɛ jejeɛ̌ɛ noǎ wùɛ slè. Koɔn kɔn wɔle plě Ɔ̌ nu kàan, ii tè a jě ɛ klě demǒ bɔɔ̌ tǐ wlòmo Ɔ poa Jòǒbo ngmna mɔ̀.

1 Jɔ̀ɔ̌n 2:25

Bɛ̌ nu bǎ nu ɛ, Tentǎn Jǔu chɛ̀ peeě ɛ keǒ Bɔ nye ä kmɔ̌ sie fònfno.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.