Mǎkè 10:24 - Nyesoaa Kuo Win Jajle

²⁴ I kàea Ɔɔ mɔ̀ cheěn nyo bo wan Bɔ dia dɛǒ boɔ, ii tè kě Ɔ dɛ̌a u je de Ɔ je, “Ně jlǔ ale, ɛ moo wan jakǎ dɛ keǒ pònpan nyo bu sɔnʼǒ Nyesoa mɔ̀ mǒ Bɔ kɔn u win kwa.

Mǎkè 10:24 ပူးပေါင်းရင်းမြစ်များ

Matiɔ̌n 19:25

Tà Ɔɔ mɔ̀ cheěn nyo wɔ̌naa tèǒ, ì kaenʼa u le wlò chɔɔ ǔ gbàla Ɔ wan u je, “À nyu tae wɔ̀le je bɔ kɔɔ̌n kɛ wowa dɛ de?”

Mǎkè 1:27

I kaenʼa nyopò wùɛǒ le wlò chɔɔ, kě u dɛ̌a u je, “À teea jajlo taeà Ɔ tee leě kɛ ɛ̈ nuǔ bo kpě kɛn neneɛ? Kǔ sìsii chɛ̀ tùiǒ Ɔɔ win bo!”

Mǎkè 10:23

È tà Jùsu chèaa de, kě Ɔ dɛ̌a Ɔɔ mɔ̀ cheěn nyo je Ɔ je, “Ɛ moo wan jakǎ dɛ keǒ pònpan nyu bɔ sɔnʼǒ Nyesoa mɔ̀ mǒ Bɔ kɔn ɔ win kwa!”

Lǔkù 16:14

Fɛlesǐi wǎn noɛɛa mǒ wlě, ii tè tà u wɔ̌naa tèǒ, è Jùsu Nɔ̀ǒ u tbɛɛa wan měne.

Jɔ̀ɔ̌n 13:33

Ně jlǔ ale, tǐ gbei nì siǒ Ě mǐɔ a slè mǒ sɔn. Dɛà Ě tmɔɔ̌ noo Jùwɛ nyo nɛ̀à Ě tmɛɛ̌ amo, a miǐ le pɔ̀nma, kɛɛ tà Ě miě a seě mumuɛ wɔ̀.

Jɔ̀ɔ̌n 21:5

È Jùsu pnaěaě jɔ mǒ Ɔ̌ gbɛ̀a u wan Ɔ je, “Ně mɔ̀niapo ale, a sěɛ kɛ dɛ jě le?” U tùa Ɔ kɛ̀ɛn u je, “Dɛɛ̌dɛ̀ɛ wùɛ nɛ̀ ä sěɛ jě.”

Jɔ̀ɔ̌n 6:60

Tà Ɔɔ mɔ̀ na nyo fòfoa wɔ̌na imoo tèǒ Ɔ boɔlaa, kě u dɛ̌a u je, “Teea taeà ɛ jakǎ wan! È mɔ wɔ̀le je bɔ poǒ kɛ dɛǒ nɔkǔ jebo?”

Kalesiɛ̌n 4:19

Ně jlǔ ale, ɛ moo ɛ blěe chnechně dɛ ɛ̌ neěě fǒ mɔ̀ aa tè wòje keà nynɔ neǒo kmàeaa chnechně noǎa slè ɛ mǐ ɛ kpa kpa Tentǎn Jǔu kmɔ̌ miě a mǒ be.

1 Timɛtě 6:17

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

1 Jɔ̀ɔ̌n 2:1

Ně jlǔ ale, noǎǒ nì kɔn tè Ě chleě a mɔ̀ ɛ̈ di ɛɛ numa aǎ di kpni kukwǐ nu plě a mǐ ɛ ji ɛ̈ moo bɛ̌ nu nyu bɔ̌ nu kpni kukwǐ, ä kɔn Jùsu Tentǎn Jǔ Ɔ̈ moo Jebo Siǐn Nyu Ɔ̈ bɛ̀tee keǒ ä pènmo keǒ Ɔɔ Gbeǐ Nyesoa jemǒ.

1 Jɔ̀ɔ̌n 4:4

Ně jlǔ ale, a sɔnʼě mǒ Nyesoa mɔ̀ plě a du Tentǎn Jǔu jlae nyo wan. Mɛ̌oǒ joo nɛ̀ moo Sùsuǒ neě amoo ja Ɛ kun nu Ɛ̌ sìnʼǒ sùsuǒ neěe kmɔ̌ɔ nyopò ja mǒ.

1 Jɔ̀ɔ̌n 5:21

Ně jlǔ ale, a tmɔɔ aa chɛ̀ nǔkpuǐi wɛ̀ sèsa mɔ̀.

Wlɛ̀velesɔ̌n 3:17

È kě a dɛ̌ ɛ̈ moo a pàn ne ǎ kɔn ngmna, è a kɔn noǎ wùɛ ï a sòɛɛ le, kɛɛ aǎ jbo ɛ le ɛ̈ moo kmɔ̌ǒ a nee sɛjesɛ ɛ nymi le jǐ ɛ̌ ne wɔle plě sònwɛ ni amo klee aa jǐ kan plě ǎ po gblàgblo.