Mǎkè 10:17 - Nyesoaa Kuo Win Jajle

¹⁷ È chnɛ̀ jlǒ waě tɛ̀ɛ mɔ̀ Jùsu sɔnaě koǔ bo mǒ Ɔ̌ diaɔ snǔ fòɛ mɔ̀ Ɔ̌ mia topodìe mǒ, è pònpan jbɛju tɔ̀ɔ kpalaě Ɔ mɔ̀ plùplɛ ɔ̌ kɔlaǒ Ɔ kwne jemǒ bo ɔ̌ gbàla Ɔ wan ɔ je, “Kàan Tee Nyu, mɛ bo nuǔ kɛ Ě miǐ kmɔ̌ sie fònfno kɔn?”

Mǎkè 10:17 ပူးပေါင်းရင်းမြစ်များ

Matiɔ̌n 17:14

È tà u tbɛɛa je u mia lěe diblɛ̌ǒ mɔ̀, è jbɛju tɔ̀ɔ nɔ̀ dia lě Jùsu mɔ̀ ɔ̈ kɔa kwne bo keǒ Ɔ jemǒ,

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Matiɔ̌n 28:8

È nùǒ sɔnaǒ bǐtìeǒ wien mǒ kekǎ kekǎ. U neaě fano pepeɛ wlòmo, kɛɛ ù nia le chǒn ǔ kpɛa plùplɛ ǔ kpɛa winʼǒ klě Ɔɔ mɔ̀ cheěn nyo mɔ̀.

Mǎkè 1:40

Chnɛ̀ jlǒ waě tɛ̀ɛ mɔ̀ bale kwɛ̌ nyu diaě Jùsu mɔ̀ ɔ̌ kɔlaǒ Ɔ kwne jemǒ bo ɔ̌ bɛ̀tea Lɔ ɔ je, “Bɛ̌ nu Bò wɔɔn ɛ kɛn, nu mǒ boǒ wɛ̀ sìnɛ.”

Mǎkè 10:18

È Jùsu gbàla ɔ wan Ɔ je, “Mɛ kɔɔ̌n tè dɛɛ leě kɛ Mǒ kàan Nyu? Nyu wùɛ nɔ̀ se kàan ɛ̀ sìnʼǒ Nyesoaa do.

Mǎkè 12:14

Ii tè u diaě Ɔ mɔ̀, kě u dɛ̌a Ɔ je u je, “Tee Nyu, ä ji ɛle Mòo sèn bo mǎ Nyu. È nyopòo dlǒ mɔ̀le sìɛnʼɛ dɛ ɛɛ̌ kpae leè kbě keǒ Bò nu dɛ plě Nè sàǒ nyuu do Nè siǒ nyopò tùu, kɛɛ tèe dɛ monoo kàan ɛ̈ Nyesoa jlɛ̌ bo nyopò bu nuu. Tèà nì kɔn tè ä jlɛ̌ bä ji ɛ, ɛ wɛɛn kɛǒ lè bä sà dlǒ wlě klě Wlǔmɔ nyoo klɔ̀ba mɔ̀le, deě bäǎ sɛ̀ li? Mɛ monoǒ kɛ Nè dlǒ mɔ̀le sìɛnʼɛ dɛ?” U jěa lɛ ɛ̈ moo u kmea Ɔno. Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Mǎkè 9:25

È tà Jùsu jěaa diblɛ̌ǒ u keaa le gbè, è kě Ɔ dǎla kǔ sùsuǒ je Ɔ je, “Mò sunsǔn klee se wien boɔboɔ ji sùsuà, Ě tmɛ̌ neè ne, sɔnʼě jǔǒ ja mǒ plě nè diiǎa kɛ̀ě ɔ ja de!”

Lǔkù 10:25

Ɛ kɔna tǐ tìi tà teteǎ tee nyu tɔ̀ɔ diaě Jùsu měne tɛ̀nma, kě ɔ nia Ɔ wan gbògba ɔ je, “Tee Nyu, mɛ bo nuǔ kɛ Ě mǐi kmɔ̌ siee fònfno kɔn?”

Jɔ̀ɔ̌n 3:2

Tǒn jlǒ waě tɛ̀ɛ mɔ̀ nɔ̀ diaě Jùsu mɔ̀, kě ɔ dɛ̌a Ɔ je ɔ je, “Tee Nyu, ä ji ɛle Mòà Mò moo Tee Nyu Ɔ̈ sɔnʼěe Nyesoa mɔ̀ mǒ. Ɛ se nyu kɔn ɔ̈ wɔ̀le je bɔ nuu noǎà nìi ɛ̀ sìnʼǒ Nyesoa Bɔ̌ neeǒ ɔ mɔ̀ plě.”

Jɔ̀ɔ̌n 5:39

A jě lɛ ɛ̈ moo klě Nyesoaa win chencheɛ̌n wlòmo klě a kɔɔnʼě kmɔ̌ sie fònfno, ii tè a chěn ni, è imo winʼi chɛ̀ǒ nì moo sàse keǒǒ mɔ̀.

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:30

È nùǒ ɔ sàlaě koǔǒ bo ɔ̌ kpalaě u pànto mǒ ɔ̌ gbàla u wan ɔ je, “Selǐjlu ale, mɛ bo nuǔ kɛ Ě miǐ wowa dɛ kɔn?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:37

Tà nyopòǒ u wɔ̌naa tèǒ, i sǐa u mǒ bo. Nɛ̀ kɔn tè u gbɛ̀a Pitɛ̌ klee Nyesoaa tuposà kpa nyo tùuǒ wan u je, “Äa bǐì ale, mɛ bä nuǔ kɛ de?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:32

Klě tǐà wlòmo Nyesoa Nɔ̀ Ě poě a kwete mǒ klee Ɔɔ winʼà ï kwɛɛǒo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ jleě mǒ bo keǒ a mɔ̀ ï wɔ̀le je bï nu aa tè wlò popoɛ bɛ kuun plě bï nye amoo noǎ Ɔ peeě Ɔɔ nyopò.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:6

Klě tǐà wlòmo dǔ jemǒ, muě Dimasèka, u miì tmɔɔ̌ma dɛ bò nùu.”

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Wlǔmɔ 6:23

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

Ifisiɛ̌n 1:18

Ě gbɛ̀ Ɔ wan ke Ɔ mǐ aa dlě le sìɛnsiɛn jele kna ɛ̈ di ɛɛ numa a mǐ Nyuà kɔn tè Ɔ da amoo ba kun nuu wlò je ji klee ngmna fòɛ Ɔ peeě Ɔɔ nyopò

Taetɔ̌ 3:7

Dɛ sɔnʼě ɛɛ wlòmo nɛ̀ moo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀, nɛ̀ nu ämo ä moo jebo siǐn nyo klě Ɔ jǐ kɛn klee ä moo Ɔɔ jlǔ ü kɔnʼɔ wlò je kunkuɛn keǒ kmɔ̌ sie fònfno mɔ̀.

Hiblǔ 1:14

Deě najiǒpò wùɛ u se kɛ sìsi sosǒ ï nii Nyesoaa konkwa Ɔ̈ dbe lee keǒ bï mǎǒo nyopòà mɔ̀ üà Ɔ wɔ̀ɔ mɔ̀le Bɔ gblàa klě uu kpni kukwǐi plɔɔ tu kɛn bo maěa bobo?

1 Pitɛ̌ 1:4

Dɛǒ nɛ̀ nu ɛ ǎ kɔn snǒ sàe dɛ ɛ̈ siee kmɔ̌ ɛ̈ slěe wɔ̀ bɛ nymii jǐ le ɛ̈ Nyesoa tùu bo keǒ a mɔ̀ klě jɔkɛn.

1 Jɔ̀ɔ̌n 2:25

Bɛ̌ nu bǎ nu ɛ, Tentǎn Jǔu chɛ̀ peeě ɛ keǒ Bɔ nye ä kmɔ̌ sie fònfno.