Mǎkè 1:24 - Nyesoaa Kuo Win Jajle

²⁴ kě ɔ dɛ̌a ɔ je, “Mɛ jlɛ̀ Bò nuǔ kɛ ä mǒ, Jùsu Ɔ̈ kɔn lěe Nǎsòwɛ̌ dǐa? Dì kɛɛ̌ le Bò mi ä gbè sùe le? Ä ji Nyu tae mòo no, Mòo Nyesoaa Ngmà Je Ne Nyu!”

Mǎkè 1:24 ပူးပေါင်းရင်းမြစ်များ

Matiɔ̌n 2:23

ɔ̌ tǐnʼa lě diěǒ u dɛɛ Nǎsòwɛ̌ kɛn ɛ̈ di ɛɛ numa winʼǒ Nyesoa poa Ɔɔ wnɔsàɔpo wan seela tǐ jleě i mǐaǒ jaě le ï dɛ̌a bòo, “U miǎ Nɔ Nǎsòwɛ̌ Nyu daeba.”

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Mǎkè 1:23

È ɛ kɔna jbɛju tɔ̀ɔ kǔ sùsu nea lěe ja nɔ̀ nea lě Nyesoa koǔǒ bo ɔ̈ pnɛ̌a dɛ jleě le,

Mǎkè 1:25

È Jùsu soa kǔ sùsuǒ lo, Ɔ je, “Sɔ̀, po kpee, sɔnʼě jbɛjuǒ ja mǒ!”

Mǎkè 10:47

Tà Batèmɔ wɔ̌naa dɛà ɛ̈ moo, “Jùsu Ɔ̈ kɔn lěe Nǎsòwɛ̌ dǐa Nɔ̀à dià tàa sìinmaò,” è nɔ̀ǒ tùngmaea de pnapnǎ ɔ je, “Jùsu, klɔ̀ba Dèběsee jlǔu Jǔ, jboǒ wɔle je!”

Mǎkè 14:67

Tà ɔ jěaa Pitɛ̌ ɔ keaa na wɛ̌n, ɔ tanaǒ ɔ mɔ̀le, kě ɔ dɛ̌a ɔ je ɔ je, “Mòà moo nyopòà u nyuu do üà klee Jùsu Ɔ̈ kɔn lěe Nǎsòwɛ̌ u nɛaa.”

Mǎkè 16:6

È kě nyemòǒ ɔ dɛ̌a u je ɔ je, “A bɔ̌ fano pepeɛ, Ě ji ɛle a pɛ̀n le Jùsu Ɔ̈ kɔn lěe Nǎsòwɛ̌ dǐa Ɔ̈ u kɔaǒo pète bɛ̌ tu jleě. Nyesoa dǔ Ɔ mǒ je Ɔ seà tàa ne. A diě, a jè tà u poa là Ɔɔ fǒ bo kěà.

Mǎkè 5:7

ɔ̌ pnǎna dɛ jleě klě kpě kɛn ne win wlòmo ɔ je, “Jùsu, Ja Tmɔ Nyesoaa Jǔ, mɛ jlɛ̀ Bò nuǔ kɛɛ̌ mǒ? Ě bɛ̀teè le keǒ Nyesoaa tè mɔ̀, Nè tùiǐ sònwɛ!”

Lǔkù 1:35

È najiǒpòiǒ ɔ tùa ɔ kɛ̀ɛn ɔ je, “Ngmà Je Ne Sùsu Nɛ̀ miěè mǒ diba, Ja Tmɔ Nyesoaa kbě miěè mǒ be. Tèǒ nì kɔn tè ngmà je ne Jijlǎeǒ mìi kɔnma u mi Ɔ Nyesoaa Jǔ daeba.

Lǔkù 24:19

È Ɔ gbàla u wan Ɔ je, “È ke ɛ neě kɛ nynɛ̌?” U tùa Lɔ kɛ̀ɛn u je, “Noǎà kpaa tùɔn keǒ Jùsu jleě mǒ Ɔ̈ kɔn lěe Nǎsòwɛ̌ dǐa nìà ä boɛ. Ɔ mooa kpě kɛne Nyesoaa Wnɔsàɔ plě Ɔ̌ po ɛ pepě mǒ keǒ Ɔɔ noǎ Ɔ nuu mɔ̀ keǒ Nyesoa jemǒ klee keǒ nyopò wùɛ jemǒ.

Lǔkù 4:34

kě ɔ dɛ̌a ɔ je, “Ǎ! Mɛ jlɛ̀ Bò nuǔ kɛ ä mǒ Jùsu Ɔ̈ kɔn lěe Nǎsòwɛ̌? Dì kɛ lě Bò mì ä gbè sùe le? Ä ji Nyu tae mònoo no, Mò moo Ngmà Je Ne Nyuà Nyesoa dboo!”

Lǔkù 8:28

Tà ɔ jěaa Jùsu, ɔ pɛnaǒ Ɔ jemǒ bo ɔ̌ pnɛ̌a le ke ɔ nuaě ɛɛ wòwɔ ɔ je, “Jùsu! Ja Tmɔ Nyesoaa Jǔ! Mɛ jlɛ̀ Bò nuǔ kɛɛ̌ mǒ? Ě bɛ̀teè le, Nè tùiǐ sònwɛ!”

Lǔkù 8:37

Ii tè nyopò wùɛǒ sɔna lěe blěǒ kɛn mǒ ï tbɛɛaa diěǒ moo Kedawlà dǐ, u tmɔɔ̌a Jùsu u je, “Mu de.” Mɛ̌oǒ joo nɛ̀ moo ɛ poa u wan bo kètekee. Ii tè è Nɔ̀ǒ beaě blǎgbè chěnchaě wan de Ɔ mǐa mu.

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:27

ɛ̈ moo sèǒǒ bo siba mu klě kokǒ nyoo blětà plě sèǒǒ mɔ̀ mǒ sɔnma mu Ě se sɔ̀nma mu, Mǒà moo Nèe wlò kpae Nyebajlo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:5

Ä jě ɔmo jbɛjuà ɔ̌ pe noǎ kukwǐ blǒ měne. Ɔ tù jale jejǎea wlò klě Jùwɛ nyo slè kělɔ kmɔ̌ wùɛ mɔ̀ plě nɔ̀ moo je siɔ keǒ Nǎsòwɛ̌ɛ wǎn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:14

A sàla Ngmà Je Ne Nyu Ɔ̈ moo Jebo Siǐn Nyu jleě mɔ̀ ǎ tmɔɔ̌a Pàlɛ̌te bɔ tɛa mnùngma poɔ bo keǒ a mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:27

U kpɛɛa uu win nya u je, “Dɛɛ teěn nɛ̀à kpa tùɔn, klɔ̀ba Hɛwlǒ klee klɔ̀ba Pɔntìɔ Pàlɛ̌te beǒ tàa do kělɔ dě fòɛà wlòmo u klee kuodakwɛ̌ klee Ǐsòwɛ̌ kwɛɛn ǔ po dɛ kukǔ ble keǒ Nè Ngmà Je Ne Nyebajloà dbòo jleě mǒ Ɔ̈ moo Jùsu.

Jìmǐse 2:19

Po kɛ i mǒ kàan tè ɛ̈ moo Nyesoa ne do sosǒ le? I moo kàan tè, kǔ sìsii chɛ̀ po i kàan tè, ii fě sèn le keǒ fano sosǒ mɔ̀.

1 Jɔ̀ɔ̌n 2:20

Kɛɛ Nyesoa Nɔ̀ poě a Ngmà Je Ne Sùsu ja, nɛ̀ nu ɛ aa wùɛ ǎ ji Ɔɔ kàan dɛ.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.